မိုးငွေ့ဆိုတာ...ကော်ဖီခါးခါးအကြိုက်နဲ့ ဖက်ရှင်တအားမိုက်သူပေါ့...း)

Monday, 18 June 2018

“မိုး” ဆယ့်နှစ်ရာသီအချစ်




ဒီ “မိုး”ဆိုတဲ့ သီချင်းက “ဆယ့်နှစ်ရာသီအချစ်” စီးရီးထဲက ကျော်သူစိုးနဲ့ အာဇာနည်တို့ ပြန်ဆိုထားတဲ့ သီချင်းလေးပါ..။ ကျွန်မနေ့စဉ် နားထောင်နေကျ I tune ထဲမှာ မိုးသီချင်းတော်တော်များများရှိတယ်...။ “မိုး” ကို ပြန်ဆိုသီချင်းမှန်းသိပေမယ့် နားထောင်ဖူးနေပေမယ့် မူရင်းအဆိုတော်ဘယ်သူလည်းလို့ မမှတ်မိဘူး..။ နောက်တော့ သေချာပြန်စဉ်းစားကြည့်တော့မှ ကျွန်မ ကိုးတန်း ဆယ်တန်း လောက်တုန်းက နားထောင်ခဲ့ဖူးတဲ့ ကိုအောင်ရင်ရဲ့ “မိုး”ဖြစ်နေတယ်...။ တေးရေးက ကိုငှက်ဖြစ်မယ်ထင်တယ်..။ အဲဒီတုန်းက ကိုအောင်ရင်သီချင်းတွေ တစ်ခွေလုံးနီးပါး ကိုငှက်ရေးတယ်...။ သူ့တိပ်ခွေခေါင်းစည်းတောင်မေ့နေပြီ...။ ကိုအောင်ရင်ပထမဦးဆုံး ထွက်တဲ့စီးရီးပဲ...။ အဲခေတ်က တခါမှမမြင်ဖူးမကြားဖူးသေးတဲ့ အဆိုတော်အသစ်ရဲ့ စီးရီးသစ်ကို ၀ယ်ပြီးအားပေးရတာ..ခုခေတ်လို အယ်လ်ဘမ်မထွက်ခင် အွန်လိုင်းကနေ ကြိုပြီးနားထောင်ရတာလည်းမဟုတ်ဘူး...။ အစိမ်းသက်သက် သီချင်းကောင်းမကောင်းက ၀ယ်ပြီးနားထောင်ပြီးမှသိရတာမျိုးလေ..။

မိုးရာသီရောက်ပြီဆိုတော့ မိုးအေးအေးမှာ ကာဖီလေး လက်ဖက်ရည်လေးသောက်ရင်း မိုးသီချင်းလေးတွေ နားထောင်ရတာ ဇိမ်ပဲမဟုတ်လား...။ ကျွန်မဆီမှာ မိုးနဲ့သက်ဆိုင်တဲ့ သီချင်းတွေတော်တော်များများရှိတယ် နောက်ထပ်လာတင်ပေးပါဦးမယ်...။

မိုးငွေ့

No comments: