မိုးငွေ့ဆိုတာ...ကော်ဖီခါးခါးအကြိုက်နဲ့ ဖက်ရှင်တအားမိုက်သူပေါ့...း)

Thursday, 31 May 2018

သကမိဘမဲ့စုပေါင်းအလှူ.....(၂)






ကျွန်မတို့ ရုံးက စုပေါင်းအလှူနောက်တစ်ခုက ရွှေပြည်သာမြို့နယ်မှာရှိတဲ့ ကမ်းဇေယျာ ပရဟိတသီလရှင်စာသင်တိုက်ပဲဖြစ်ပါတယ်...။ အဲနေ့က စနေနေ့မို့ နေ့တစ်ဝက်ရုံးပိတ်ပြီး ကိုယ်နီးစပ်ရာကားဂိတ်ကနေ YBS စီးပြီးသွားကြတယ်...။ YBS 39 နဲ့ 65 ကားစီးရင်ရောက်တယ်...။ ဂိတ်ဆုံးပဲစီးရတာ...။ မနက်စောစော 7နာရီခွဲလောက်ထသွားတော့ အဲနေ့က နေသာပေမယ့် ကျွန်မစီးတဲ့ 65ကားရဲ့ လေအေးပေးစက်ကတော့ စပါယ်ရှယ်အေးလွန်းလို့ အနွေးထည်တို့ ပ၀ါတို့ကို သတိရမိတယ်..။ ဂိတ်ဆုံးတော့ သီလရှင်ကျောင်းမ၀င်ခင် လမ်းထိပ်က လက်ဖက်ရည်ဆိုင်မှာ မရောက်လာသေးတဲ့ သူတွေကို ထိုင်စောင့်..။ ကမ်းဇေယျာက သီလရှင်ဆရာကြီးက ကားနဲ့အကြိုမလွှတ်ခင် ကျွန်မတို့ အထဲကို လိုင်းကားမီနီဘတ်လေးရောက်တာနဲ့ တစ်ယောက်200နဲ့ သွားလိုက်ကြတယ်...။ ကျောင်းကိုရောက်ဖို့တော့ လမ်းနည်းနည်းထပ်လျှောက်ရသေးတယ်...။ ကားအသေးတွေဆိုရင်တော့ အထဲဝင်ဖို့သိပ်မဖြစ်နိုင်ဘူး မြေလမ်းမို့ အညီညာဘူး ကားကြီးပြီး အောက်ပိုင်းလွတ်မှရမယ်..။












 
ကျောင်းဆောင်အလှူရှင်တွေရဲ့ ဓါတ်ပုံကိုပြန်ရိုက်လာတာ


ကျွန်မတို့အဖွဲ့ကို ခရီးဦးကြို နေကြာစေ့ ဖီးကြမ်း လက်ဖက်နဲ့ အကြမ်းရည် ချကျွေးပါတယ်














ဒီကျောင်းကိုမရောက်ဖူးခင် လွန်ခဲ့တဲ့ သုံးလေးလလောက်ကတည်းက သီလရှင်လေးတွေအတွက် ဖိနပ်လိုတယ်ဆိုလို့ ကျွန်မက ဖိနပ်အရံ ခုနှစ်ဆယ်လောက်ကို တစ်ဦးတည်းအလှူရှင်ယူလိုက်တယ်...။ သင်္ကန်းကလည်း ကျွန်မတို့ ကုမ္ပဏီရဲ့ MD ကလှူတာ..။ ကျန်တဲ့ စားစရာတွေကိုတော့ ရုံးကအဖွဲ့သားတွေ စုပေါင်းလှူကြတာပါ...။ ထီးကတော့ ကိုယ်ဘယ်နှစ်လက်လှူချင်လဲတစ်လက်ကို 5500/-နဲ့  အလှူငွေကောက်ပြီး စုလှူလိုက်ကြတယ်။ အိုကေပူတင်းပေါင်မုန့်အလုံးတစ်ရာကလည်း အလှူရှင်တစ်ယောက်ပါ..။ နောင်နှစ်များလည်း ဖိနပ်အသစ်လဲတဲ့အခါကျရင် တစ်ဦးတည်းအလှူရှင်အဖြစ် လှူပါ့မယ်လို့ သီလရှင်ဆရာကြီးကိုလျှောက်ထားခဲ့တယ်...။ ထာဝရအလှူရှင် ရတာမို့ စာသင်သားသီလရှင်ကလေးတွေအတွက် ၀မ်းသာမဆုံးဘူးတဲ့...။






 ဣဒံ မေ ပုညံ အာသဝက္ခယာ ဝဟံ ဟောတု ၊ ဣဒံ မေ ဒါနံ နိဗ္ဗာနဿ ပစ္စယော ဟောတု




ဆရာကြီးသုံးပါးမှာ အလည်ကဆရာကြီးက ကျောင်းထိုင် ဘယ်ဖက်က ဆရာကြီးက စာချ တခါတလေ အပြင်ဆွမ်းခံကြွရင် ကလေးတွေကို ဦးဆောင်ပေးတယ် ညာဖက်က ဆရာကြီးကတော့ ဆွမ်းချက်ဖို့ကိစ္စနဲ့ ကျောင်းက ဝေယျာဝိစ္စတွေကို ဦးစီးရတယ်...။ ဆရာကြီးသုံးပါးက သူငယ်ချင်းတွေ ပအိုးဝ်လူမျိုးတွေပါ...။


လှူဖွယ်ပစ္စည်းတွေကပ်ပြီး တရားနာ ရေစက်ချ





ဆွမ်းစားချိန် တန်းစီ



အဲနေ့က ကြက်ဗူးသီးဟင်းနဲ့...။ နေ့စဉ်ဆွမ်းဟင်းကို လာကူချက်ပေးတဲ့ ဦးလေးကြီးတစ်ယောက် ရှိတယ်တဲ့..။ ပရဟိတသက်သက်လာပြီး ကူညီချက်ပေးတာဖြစ်တယ်လို့ပြောတယ်...။ ကျွန်မလည်း အသက်ကြီးလာရင် အဲလို ဘုန်းကြီးကျောင်းတွေ သီလရှင်ကျောင်းတွေမှာ ဝေယျာဝိစ္စ ဆွမ်းဟင်းတွေ သွားချက်ပေးချင်တယ်...။


သီလရှင်လေးတွေနဲ့ ရှမ်းပြည်က စစ်ဘေးရှောင် ကျောင်းလာတဲ့ ကလေးတွေ လူဦးရေတော့ သိပ်မများဘူး













ထုံးစံအတိုင်း သီလရှင်တွေဘုန်းပေးပြီးတာနဲ့ အလှူရှင်တွေအတွက် နို့စိမ်းခေါက်ဆွဲပြင်ပေးထားပါတယ်..။ ကလေးတွေထဲက တစ်ယောက်ရဲ့ မွေးနေ့မို့ ဆရာကြီးက ကိုယ်တိုင်ချက်ထားတာတဲ့..။ ဗိုက်ဆာဆာနဲ့ အကုန်စားကောင်းတာပဲ...။ အပြန်တော့ မွန်းတည့်ချိန်ကော်ျပြီမို့ နေသိပ်ပြင်းနေပြီ...။ ဆရာကြီးတွေကို နှုတ်ဆက်ပြီး ကျောင်းက ဒိုင်နာကားနဲ့ ကားဂိတ်အစထိလိုက်ပို့ပေးပါတယ်...။ ကျောင်းနောက်ဖက်မှာ ချောင်းရှိတယ်တဲ့ စိုက်ခင်းတွေလည်းရှိတယ် မကြည့်ခဲ့ရဘူး...။ နေပြင်းလာတော့ အိမ်ပြန်ချင်နေကြပြီ...။ နောက်နှစ်တစ်ရုံးလုံး သီလရှင်လာဝတ်ကြမယ်လို့ နောက်သလိုနဲ့ ဆရာကြီးကို ကျွန်မပြောတော့ ကတုံးမရိတ်ချင်တဲ့ တချို့က ထအော်ကြတယ်..။ ဆံပင်တောင်မစွန့်နိုင်သေးရင် ကျန်တာတော့ အဝေးကြီးဖြစ်နေဦးမှာ...။ လောကမှာ ဘာကိုမှ အစွဲလန်းသိပ်မကြီးတာအကောင်းဆုံးပဲ...။


 


ဒီပုလ္လင်က မှန်စီရွှေချဖို့ ပန်းခက်တွေပုံဖော်ဖို့ အလှူငွေမရှိတော့တာနဲ့ တန်းလန်းဖြစ်နေတာ ကျွန်မက ဓါတ်ပုံရိုက်ယူလာပြီး ကျွန်မတို့ MDဆီမှာ အလှူခံလိုက်တာ သူလှူမယ်ဆိုလို့ အဆင်ပြေသွားတယ် ...။ ပန်းတမော့ဆရာရဲ့လက်ခ ကျပ်ငါးသိန်းတိတိပါ... ။ ကျန်တဲ့ အုတ်သဲကျောက် ဘိလပ်မြေကတော့ ကျောင်းမှာရှိပြီးသားတဲ့...။  MD က နိုင်ငံခြားခရီးရောက်နေလို့ သူ့ကို ဗိုင်ဘာနဲ့ အလှူရေစက်ချတဲ့ ပုံတွေပို့ပေးပြီး..“Say Sardu three times for your donation”လို့ ပြောလိုက်တော့ သူက ချက်ချင်းပဲ သာဓု သုံးကြိမ်ခေါ်ပါတယ်...။ 

အပြန်အိမ်တန်းမပြန်သေးဘဲ စံရိပ်ငြိမ် ဂမုန်းပွင့်ရှေ့မှာဆင်းပြီး Marry Brown ကြက်ကြော်ဝင်ဝယ်တယ် ဟိုဒီလျှောက်ကြည့်တယ်...။ သုံးထပ်မှာရှိတဲ့ WTC မှာ ဆရာတွေကိုတောင်သွားမနှုတ်ဆက်လိုက်ရ...။ မိုးက သည်းကြီးမဲကြီးရွာလို့ မိုးခိုရသေးတယ်...။ ဟိုတစ်ပတ်  အာစိဏကံကျောင်းသွားလှူတုန်းကလည်း အပြန်မိုးတွေကြီးလို့...။ အေးချမ်းလိုက်တာ...။ မိုးကိုချစ်သော ကျွန်မအတွက် ကောင်းမှုကုသိုလ်ပြုအပြီးမှာ ချစ်သောမိုးက ထောပနာပြုတယ်လို့ပဲမှတ်တယ်...း)


မိုးငွေ့
 

Monday, 28 May 2018

သကမိဘမဲ့စုပေါင်းအလှူ.....(၁)

 


ပြီးခဲ့တဲ့ ဧပြီလက ကျွန်မတို့ ရုံးကအဖွဲ့သားတွေ ကိုယ်ကုသိုလ်ပါနိုင်သမျှလေးစုပြီး သင်္ကန်းကျွန်းကြီးရွာ မင်္ဂလာဒုံမြို့နယ်မှာရှိတဲ့ အာစိဏကံကျောင်းကို အလှူပစ္စည်းတွေသွားပို့ရင်း ရေစက်ချအလှူပြုခဲ့ကြတယ်...။ ဒီကျောင်းက သီလရှင်ကျောင်းထိုင်ဦးစီးပြီး သီလရှင်လေးတွေနဲ့ မိဘမဲ့ကလေးတွေ မိဘရှိလျက်နဲ့ စွန့်ပစ်ခံရတဲ့ ကလေးတွေကို ထိန်းကျောင်းစောင့်ရှောက်တဲ့ သီလရှင်စာသင်တိုက်ကျောင်းတစ်ကျောင်းပါ...။




ဆောက်လက်စကျောင်းဆောင်တစ်ဆောင်ကို ကုသိုလ်ပါဝင်ချင်သူတွေ အပေါ်ဆုံးမှာတင်ထားတဲ့ပုံပါအတိုင်း ကိုယ်တတ်နိုင်သလောက် သဒ္ဒါတရားရှိသလောက် လှူဒါန်းထည့်ဝင်နိုင်ပါတယ်


လက်ရှိကျောင်းဆောင်ကို ဆောက်လုပ်လှူဒါန်းခဲ့တဲ့ အလှူရှင်






ကျောင်းထိုင်သီလရှင်ဆရာကြီးက သီလပေး တရားဟောဖို့ ဦးဇင်းတစ်ပါးကို ပင့်ဖိတ်ထားပေးပါတယ်


 
သီလရှင်ကလေးတွေနဲ့ မိဘမဲ့ကလေးငယ်တွေ


ဘုန်းဘုန်းဆီက သီလယူ တရားနာပြီး ဆွမ်းကပ်ပါတယ်


ထောပတ်ထမင်းဘုန်းပေးနေကြတာ






























သီလရှင်ကလေးတွေဆွမ်းစားပြီးတော့ အလှူရှင်တွေက ဗိုက်ဆာဆာနဲ့ တစ်ယောက်ကို နှစ်ပွဲလောက်တွယ်ပလိုက်ကြတယ်


ဗူးသီး ဒန့်သလွန်ချဉ်ဟင်းနဲ့ ငါးကျည်းကြော်ကြွပ်ကြွပ်လေး သိပ်ကောင်းပဲ







အဲဒီမှာ သုံးလ ခြောက်လ ကိုးလနဲ့ ဆယ့်တစ်လသားကလေးငယ်လေး လေးယောက်ရှိတယ်... ကျွန်မတို့ကို ကလေးထိန်းတွေက ဒီကလေးတွေရောက်လာတဲ့ ရာဇ၀င်ကိုရှင်းပြပါတယ်... ဘယ်မြို့က ဘော်ဒါဆောင်က ဆရာနဲ့ကျောင်းသူနဲ့ရတဲ့ကလေး၊ သဌေးကခြေတော်တင်လို့ အိမ်ဖော်ကကိုယ်ဝန်ရသွားလို့ လာအပ်သွားတာ စသဖြင့် ရင့်နင့်စရာသူတို့အကြောင်းတွေကို ကြားရတော့ တကယ်စိတ်မကောင်းဘူး...။ သူတို့ကိုမွေးထုတ်ပြီး တာဝန်မယူတဲ့ မိဘတွေကိုစိတ်လည်းဆိုးမိတယ်..။ ပြီးတော့ ကလေးထိန်းတွေကိုလည်း လာသမျှလူတွေကို ဒီကလေးတွေရဲ့ မကောင်းတဲ့ ရာဇ၀င်အကြောင်းတွေကို လျို့ဝှက်ပေးသင့်တယ်လို့ ထင်တယ်...။ ကလေးတွေကြီးလာရင် ပတ်ဝန်းကျင်က ကလေးတွေအချင်းချင်း နင်ကဘယ်မိဘကမွေးတယ် ဘယ်ကလာတယ်ဆိုပြီး Bully လုပ်ခံရမှာ သူတို့ကလေးတွေ စိတ်ဒဏ်ရာရသွားကြမှာကို မဖြစ်စေချင်ဘူး... အဲလိုလေးတွေးမိသွားတာပါ...။ ဧပြီလထဲမှာ အလှူနှစ်ခု ရေစက်ချရလို့တကယ်စိတ်ချမ်းမြေ့ရတယ်...။ နောက်တစ်ခုက ရွှေပြည်သာဖက်မှာ နောက်တပို့စ်ကျပုံတွေတင်ပေးပါ့မယ်...။






























ကျွန်မတို့အသွားရော အပြန်ရော YBS စီးသွားကြတယ်....။ အသွားတုန်းကတော့ မနက်ရှစ်နာရီ စထွက်ပေမယ့် အဝေးပြေးဂိတ်မှာပိတ်ပြီး ကျောင်းရှိတဲ့ လမ်းထိပ်ရောက်တော့ ကိုးနာရီခွဲနေပြီ..။ ကျောင်းကိုရောက်ဖို့ ဆိုင်ကယ်ကယ်ရီစီးရတယ်...။ ဆိုင်ကယ်ဆို ချောင်းသာ ငွေဆောင်တွေသွားကတည်းက စီးရမှာကိုသိပ်ကြောက်တာ...။ အဲဒါနဲ့ ပစ္စည်းတင်တဲ့ကားနဲ့ ပြန်လာကြိုခိုင်းလိုက်တယ်...။ အပြန်ကျတော့ ကားမရှိလို့ ဆိုင်ကယ်ကယ်ရီပဲစီးရတာပါပဲ... ဘောင်းဘီရှည်ဝတ်သွားလို့ တော်သေးတယ်...။ အဲဒီနေ့က ကုသိုလ်ကောင်းမှုလုပ်ရလို့ စိတ်အေးချမ်းရတဲ့အပြင် ကားစီးပြန်တော့ မိုးလေနဲ့ရာသီဥတုက အေးစိမ့်စိမ့်...။ တံတားဖြူဂိတ်မှာဆင်းပြီး ကုံးကျော်တံတားဖြတ် ကန်ဘောင်မှာ ရခိုင်မုန့်တီဝင်စားကြတယ်...။ မိုးဒဏ်လေဒဏ်ကြောင့် ကန်ဘောင်တလျှောက်ချိပ်ဆွဲထားတဲ့ ရောင်စုံထီးတွေလည်း ပိုးလိုးပက်လက်တွေဖြစ်လို့ ....။ လေတဖြူးဖြူးနဲ့  ပတ်ဝန်းကျင်တစ်ခုလုံးလည်း မီးခိုးမှိုင်းရောင်တွေလွှမ်းလို့...။

မိုးငွေ့