မိုးငွေ့ဆိုတာ...ကော်ဖီခါးခါးအကြိုက်နဲ့ ဖက်ရှင်တအားမိုက်သူပေါ့...း)

Friday, 24 November 2017

Quiche.....



ဒီပို့စ်လေးကို မုန့်သင်တန်းတက်ကတည်းကရေးထားတာ ခုမှတင်ဖြစ်တော့တယ်..။ အဲဒီနေ့တုန်းက ဆရာက ပြင်သစ်စားစရာမုန့်တစ်ခုဖြစ်တဲ့ Quiche ဆိုတဲ့ မုန့်သင်ပေးခဲ့ပါတယ်..။ နောက်တစ်မျိုးက Brownie ပါ..။ Brownie ကလူတိုင်းရင်းနီးပြီးသားမို့ Quiche လုပ်နည်းလေးကို နည်းနည်းပြောပြချင်ပါတယ်...။ ပထမတော့ ကျွန်မအဲဒီမုန့်နာမည်ကို အသံမထွက်တတ်ခဲ့ဘူး...။ ခီးလို့ထွက်တယ်ပဲထင်ခဲ့တာ...။ အဘိဓာန်မှာ အသံထွက်လေးပြန်ကြည့်တော့ "keesh" sh အသံ၊ မြန်မာလို ရကောက်ဟထိုးအသံနဲ့ဆုံးတယ် ဒါကြောင့် “ခီးရှ်”ဆိုတဲ့အသံမှန်ကို သိသွားခဲ့ရတာ...။ ဒီမုန့်ကိုစလုပ်တော့ ထောပတ် နို့ မလိုင်တွေ ကြက်ဥတွေ နောက် ချိစ်ကလည်း သုံးမျိုးတောင်ပါတော့ တော်တော်အီပျစ်နေမယ့် မုန့်ပဲ စားနိုင်ပါ့မလားလို့ထင်ထားခဲ့တယ်...။ တကယ်တမ်း စားကြည့်တော့ လုံးဝမအီဘဲ တော်တော်စားလို့ကောင်းတဲ့ မုန့်တစ်မျိုးဆိုတာ သိလိုက်ရတယ်...။ Ham, Cream, နို့နဲ့ ချီးစ်တွေမျိုးစုံပါတဲ့အတွက် ကုန်ကျစရိတ်များတဲ့ မုန့်ဖြစ်ပါတယ်။ ပီဇာတစ်ချပ်ထက် ပိုဈေးကြီးတယ် ...။ Yangon Bake House မှာတော့ တစ်ချပ်ကို နှစ်သောင်းကျော်လောက်ရောင်းတယ်...။

ဒီမုန့်လုပ်နည်းလေးကို ကျွန်မဆရာရဲ့ Recipe အတိုင်းရေးပေးလိုက်ပါတယ်...။ မုန့်ကို ဓါးနဲ့လှီးထားတာ ဓါတ်ပုံမရိုက်ထားလိုက်မိဘူး...။

မုန့်သားအောက်ခံ Short Dough
Flour 125g
Butter 62g
Water 37g
Salt   2g

ပါဝင်ပစ္စည်းအားလုံးနယ်ပြီး အပြားလှိမ့်ပါ..။ မုန့်ဖုတ်ပန်ကန်ပြားဝိုင်းထဲထည့်ပြီး အပေါ်မီးအောက်မီး 200 ဆီနဲ့ 10မိနစ်ဖုတ်ပါ..။

Quiche Filling
Egg 3 Nos
Flour 25g
Salt  2g
Milk 125g
Cream 125g

အားလုံးကိုဇလုံတစ်ခုထဲမှာရောမွှေပြီး ဇကာစစ်ထားပါ...။ အောက်ခံမုန့်သားပေါ်ကို ကိုယ့်ထည့်ချင်တဲ့ အသီးအရွက်အသားများကို ကြက်သွန်နီဆီသတ်ထားတာကိုထည့်ပါ ဇကာစစ်ထားတဲ့ ခရင်မ်ထည့်ပါ Parmesam, Cheddar, Mozzarella cheese သုံးမျိုးစလုံးဖြူးပြီး 180 မီးအပူမှာ 25မိနစ်ဖုတ်ပါ..။ မုန့်ရမရကို ၀ါးတံလေးနဲ့ထိုးကြည့်ပြီး မုန့်နှစ်တွေကပ်မပါလာရင် ရပါပြီ...။ မုန့်ကိုခဏအအေးခံပြီး ပီဇာလိုပဲ ဓါးနဲ့စိပ်စားပါ...။ ချိစ်နံ့လေးမွှေးပြီး ခရင်မ်နဲ့ကြက်ဥအရသာဆိမ့်နေမယ့် ခီးရ်ှမုန့်လေးကို သုံးဆောင်လို့ရပါပြီ။

ဒါက Pin ကနေ နမူနာယူပြတာ စိပ်လိုက်ရင် အဲလိုမျိုး ပီဇာနဲ့ ခပ်ဆင်ဆင်တူတယ်


Blog တစ်ခုမှာ Pie crush အောက်ခံနဲ့မဟုတ်ဘဲ... အိမ်မှာရှိတဲ့ Sandwich ပေါင်မုန့်နဲ့လည်း အောက်ခံသားထားပြီး Quiche လုပ်လို့ရတာတွေ့လိုက်ရတယ်...။ အဲဒီလုပ်နည်းလေးကို အိမ်မှာလုပ်စားဖြစ်လို့ ပြန်မျှဝေလိုက်ပါတယ်...။


 သာမီးရဲ့ ပေါင်မုန့်အောက်ခံ Quiche မုန့်လေးကြည့်ကြပါဦး...
 ပေါင်မုန့်အနားလေးနဲနဲတူးသွားတာပါ အရသာကတော့ ဂွတ်မှဂွတ်ပဲ...ဆိမ့်မွှေးနေရော





2 pieces sandwich bread
1 egg
100 milk
100 whipping cream
1Tbsp permasan cheese
1 thyme (optional)
salt and pepper, to taste
topping : Ham, Cherry tomato, mushrooms, leek or onion, Pizza cheese


မုန့်ဖုတ်မယ့် 19.5 x 13.5 cm တစ်ခါသုံးသတ္တုခွက် သို့မဟုတ် အပူခံကြွေခွက်အပြားကို ထောပတ်သုတ်ထားပါ...။ ပေါင်မုန့်နှစ်ချက်ကို ဒလှိမ့်နဲ့ ပြားချပ်နေအောင်လှိမ့်ပြီး မုန့်ဖုတ်ခွက်ထဲ ခင်းလိုက်ပါ...။ ကြက်ဥ နို့ ခရင်မ် ချီးစ် ဆားနဲ့ ငရုတ်ကောင်းတို့ကို ဇလုံတစ်ခုထဲမှာထည့်ပြီး သမအောင် မွှေတံနဲ့မွှေထားပါ...။ ပါဝင်တဲ့ topping များကို ပေါင်မုန့်ပေါ် ဖြန့်ခင်းပြီး မွှေထားတဲ့ ခရမ်အရည်ကို ဇကာစစ်ပြီး အပေါ်ကလောင်းထည့်ပါ...။ topping ကိုလည်း ကိုယ်နှစ်သက်ရင်နှစ်သက်သလို ဟင်းနုနွယ် ငရုတ်ပွ စသဖြင့် အကုန်ထည့်နိုင်ပါတယ်...။ cheese များများကြိုက်ရင် အပေါ်မှာထပ်ဖြူးပြီး 180C ကြိုတင်အပူပေးထားတဲ့ oven ထဲမှာ 25-30 mins အထိဖုတ်ပေးပါ...။ ထုံးစံအတိုင်း မုန့်ကျက်မကျက်ကို ၀ါးထိုးတံလေးနဲ့ ထိုးကြည့်ပါ...။ ခရင်မ်သားတွေကပ်ပါမလာရင် ရပါပြီ...။ မုန့်ကို အအေးခံပြီး ပီဇာလိုပဲ ဓါးနဲ့စိပ်စားလို့ရပါပြီရှင့်...။ ကျွန်မက မုန့်နှစ်ခုလုပ်တဲ့အတွက် အပေါ်မှာပေးထားတဲ့ Recipe ကိုနှစ်ဆလုပ်ပါတယ်...။

Enjoy Baking!!!!!!

မိုးငွေ့

Friday, 17 November 2017

အမြင့်ကြီးကို..ပျံတဲ့အခါ



ကိုမျိုးကျော့ရဲ့ youtube မှာ ဒီ MTV လေးတွေ့လိုက်တယ်...။ တလောက A Night with Myo Kyawt Myaing အမ်လ်ဘမ်ထဲမှာ ဒီသီချင်းလေးနားထောင်ဖြစ်နေသေးတယ်...။ ကိုမျိုးကျော့က MTV လေးကို သူ့အဖေအတွက် ကိုယ်တိုင်လုပ်ထားတာပါ...။ နိုင်ငံခြားရှုခင်းတွေကို ဖြတ်ညှပ်ကပ်ပြန်ယူပြီး သီချင်းစာသားနဲ့ လိုက်ဖက်အောင် Editing လုပ်ထားတာလေး သိပ်ကောင်းတယ်...။ သီချင်းလေးနားထောင်ရင်း အရုပ်ထဲကိုမျောပါသွားစေလောက်ပါတယ်..။ ကိုမျိုးကျော့ရဲ့ Music Engineering ပညာကိုလည်း တကယ်လေးစားပါတယ်...။ ကိုမျိုးကျော့အဖေက လေယာဉ်မှူးဆိုတော့ ဒီသီချင်းလေးက ကိုယ်စားပြုနေတာပါ...။ နားထောင်ပြီးသား ကြည့်ပြီးသားဖြစ်ပေမယ့်လည်း ကျွန်မဘလော့ဂ်ကိုအလည်လာတုန်း စိတ်အပန်းဖြေရင်း ထပ်နားထောင်သွားကြပါဦးလို့...း)

မိုးငွေ့

Tuesday, 14 November 2017

ကြက်သားကင်.....



Oven ၀ယ်ထားတာ မုန့်ဖုတ်ဖို့အပြင် အသားကင်တွေလည်းလုပ်စားမယ်လို့ ရည်ရွယ်ထားပေမယ့် တစ်ခါမှ မကင်စားဖူးသေးဘူး...။ ၀က်နံရိုးကင်တော့ နှစ်ခါ သုံးခါ လုပ်စားဖူးတယ် BBQ sauce တစ်ဗူး ၀ယ်ထားတော့ အဲဒီဆော့စ်နဲ့ပဲနှပ်ပြီး ကင်တာ တော်တော်ကောင်းတယ်...။ အခုကြက်ကင်ကတော့ Thai Hot Kitchen က လုပ်နည်းလေးကြည့်ပြီး ကင်ထားတာ အသားလေးနူးအိပြီးမွှေးနေတာပဲ နည်းလေးလည်း လွယ်တယ်...။ အသားကင်စားရင် လိမ္မော်ဖျော်ရည်လိုမျိုး Vitamin C ပါတဲ့ သစ်သီးဖော်ျရည်တွေနဲ့ စားသုံးခြင်းအားဖြင့် အသားကင်မှာကပ်ပါနေတဲ့ တူးပြီးကင်ဆာဖြစ်စေတဲ့ အသားတွေကို ဓါတ်ပြယ်စေတယ်လို့ ဖတ်ဖူးပါတယ်..။ ဒါကြောင့် အသားကင်တွေကို သစ်သီးဖော်ျရည် သုိ့မဟုတ် စပျစ်ဝိုင်နီနဲ့ သုံးဆောင်ဖို့ အကြံပေးချင်ပါတယ်ရှင့်..။





ကြက်နုနုအကောင်လိုက် 1 Kg
စပါးလင်    5 ပင်
ငရုတ်ကောင်းမဲ 1/2 tsp
ငရုတ်ကောင်းဖြူ  1/2 tsp
ကြက်သွန်ဖြူ    6 တက်
နံနံမြစ်   3 ခု
သကြား 1 tsp
ဆား  1/2 tsp
ငါးငံပြာရည် 3 Tbs
ပဲငံပြာရည်အနှောက်  1 tsp
ရေ   1/4 ခွက်


ပထမဦးဆုံး ကြက်အကောင်လိုက်ကို မီးဖိုချောင်သုံး ကပ်ကြေးနဲ့ ကြောရိုးကိုညှပ်ထုတ်ထားပြီးရင် ကြက်ကို ပုံမှာတွေ့တဲ့အတိုင်း အပြားလိုက်ရအောင်ချိုးထားပါ...။ ငရုတ်ကောင်းနှစ်မျိုးနဲ့ကြက်သွန်ဖြူကို ညှက်အောင်ထောင်းပြီး နံနံမြစ်ပါထည့်ထောင်းပါ...။ အားလုံးညက်သွားရင် သကြား ဆား ငါးငံပြာရည် ပဲငံပြာရည် နဲ့ ရေတို့ကို ငရုတ်ဆုံထဲထည့်ရောသမလိုက်ပါ...။ ရလာတဲ့ ဆော့စ်အရည်ကို ကြက်အကောင်လိုက်ပေါ်လောင်းပြီး နှပ်ထားပါ...  အမြန်ကင်စားချင်ရင်တော့ တစ်နာရီ ပိုပြီးအရသာဝင်ချင်ရင်တော့ တစ်ညသိပ်နှပ်ထားပေးပါ...။ ဆော့စ်တွေကို အသားထဲပိုဆိမ့်ဝင်စေဖို့ ရင်ပုံသားနားက အရေပြားထဲကို လောင်းထည့်ပြီးနှပ်ပါ...။  ကင်ခါနီးကျမှ ဗန်းပေါ်ကို အပြားရိုက်ထားတဲ့ စပါးလင် အပိုင်းလေးတွေနဲ့ ပဒဲကော်အပြားတွေ ရှောက်ဘီလူးရွက်တွေ ခင်းပြီး ရေနဲနဲလောင်းလိုက်ပါ ပြီးမှအဲဒီပေါ်ကို နှပ်ထားတဲ့ ကြက်အကောင်လိုက်ကို တင်လိုက်ပါ..။ 180ဒီကရီအပူချိန်မှာ တစ်နာရီလောက်ကင်ပေးပါ...။ ကင်နေရင်း ရေခမ်းသွားရင် ရေထည့်ထည့်ပေးပါ...။ ကြက်သားကျက်သွားရင်တော့ အောက်ခံအရည်ကို စောစောက ဖြတ်ထားတဲ့ ကြော်ရိုးပြုတ်ထားတဲ့ အရည်နဲ့  အုန်းနို့ ပဲငံပြာရည် သံပုရာရည်တို့နဲ့ ပြန်ကျိုပြီး အသားကင်အတွက် ဆော့စ်တစ်ခွက် ချက်လိုက်ပါ...။ ကျွန်မကတော့ ကြက်ကင်ဘေးနားကို ငရုတ်ပွအ၀ါနီနဲ့ ချယ်ရီခရမ်းချဉ်သီးတွေ မုန်လာဥနီတွေ ပန်းပွင့်စိမ်းတွေပါ ထည့်ကင်တယ်...။ ရလဒ်ကတော့ ကြက်ကင်အသားလေးက နူးအိပြီးမွှေးနေရော...။ ဒါကို ယိုးဒယားသဘောင်္သီးထောင်း၊ ကောက်ညှင်းပေါင်းတို့နဲ့ တွဲဖက်စားသုံးရတာ နဲ့လည်းလိုက်ဖက်ပါတယ်....။







Enjoy Baking !!!!! 
မိုးငွေ့

Friday, 10 November 2017

မင်းအနားမှာ.....ဆုံနိုင်ခွင့်



ဆုံနိုင်ခွင့်ဆိုတဲ့ စီးရီးစထွက်တော့ ကျွန်မက ယူနီဗာစီးတီးကျောင်းတက်ခါစ...။ အဲတုန်းက ဘားလမ်းက တေးသံသွင်းဆိုင်တွေမှာ ခွေကို ကိုယ်တိုင်သွားဝယ်တာ မခိုင်ကြီး(ထွန်းအိန္ဒြာဗို)နဲ့ အဲလက်စ်တို့ရဲ့ ပိုစတာလိုချင်လို့...။ စီးရီးတစ်ခွေဝယ်ရင် ပိုစတာတစ်ခုရတယ်...။ ရလာခဲ့တဲ့ပိုစတာကို မှတ်မိသေးတယ် ကျွန်မအိပ်တဲ့ ကုတင်နံရံဘေးမှာကပ်ထားခဲ့တာ....။ ကိုယ့်ခေတ်က သီချင်းမို့လားမသိ ဘယ်ချိန်နားထောင် နားထောင်ရိုးအီမသွားဘူး...။ မနှစ်က မခိုင်ကြီးနဲ့ အက်လက်စ်တို့ ဆုံနိုင်ခွင့်ဆိုပြီး MCC Hall မှာ ပွဲလုပ်တော့ သွားကြည့်ချင်လိုက်တာဆို မကြည့်လိုက်ရပါဘူး..။ ဒီသီချင်းနှစ်ပုဒ်လဲ ကျွန်မနေ့စဉ်အလုပ်လာတိုင်း နားထောင်နေကျ I Tune ထဲက ကျွန်မအကြိုက်ဆုံး သီချင်းတွေထဲကပဲ...။



ဒီတစ်ပတ် သုံးရက်ဆက်ပိတ်တယ်... 
ပင်လယ်ကို အိန်ဂျယ်နဲ့တွေ့ဖို့ ခရီးသွားမှာမို့ ဒီသီချင်းလေးနှစ်ပုဒ်နဲ့ နှုတ်ဆက်ခဲ့ပါတယ်...
~~~~~~ Hello Angel... see you on the beach  ~~~~~~
 ပျော်ရွှင်သောပိတ်ရက်ကလေးများဖြစ်ကြပါစေ...း)
TGIF!!!!!

မိုးငွေ့

Thursday, 9 November 2017

ကောင်းကင်ရဲ့အလင်း.....




ဒီမနက် အလုပ်သွားရင်း ကားပေါ်မှာ နားကျပ်လေးနဲ့နားထောင်ဖြစ်ခဲ့တဲ့ ကိုညီထွဋ်ရဲ့ “ကောင်းကင်ရဲ့အလင်း”...။ ဒီသီချင်းကို နားထောင်ခဲ့ဖူးတာ ဆယ်စုနှစ်တစ်ခုတောင် တော်တော်ကျော်ခဲ့ပြီ...။ ခုပြန်နားထောင်တော့ စကားလုံးတွေတစ်လုံးချင်းဆီက ရင်ထဲထိကို ခံစားသက်ဝင်လို့လာပြန်တယ်...။

...တလောကလုံးနဲ့ နှိုင်းယှဉ် ကိုယ်အချစ်ဆုံးကမင်းလေး ရှေ့မှာ ဘာတွေဖြစ်မလဲ မစဉ်းစားဘူး မင်းလက်တွဲပြီးသွားမယ် ဒါဟာ ကံကောင်းခြင်းလို့ပဲ မှတ်ယူ...ဘာတွေလိုအပ်ဦးမလဲ ချစ်သူရယ်...တကယ်ဆို ငါမင်းမရှိရင် မဖြစ်တာပါ အချိန်တွေတိုင်းမှာ မင်းကလိုအပ်လို့ အမှောင်တွေဖယ် လမ်းပြပါ အလင်းရောင်ရယ်...ကိုယ်ဟာ ကယ်တင်ဖို့လိုနေတယ်... 

မိုးငွေ့

Sunday, 5 November 2017

ဘန်ကောက်စာ.....


ဘန်ကောက်သွားတုန်းက ရိုက်ထားတဲ့ အစားသောက်ပုံလေးတွေပြန်ကြည့်ပြီး  ပြန်စားချင်လာမိ...။ ကိုယ့်ချင်ခြင်းတက် သရေကျစရာအစားများကို စာလာဖတ်သူများလည်း သရေကျအောင်လို့ တင်ပေးလိုက်ပါတယ်...။

စရောက်တဲ့နေ့က ဟိုတယ်နားက မောတစ်ခုမှာ နေ့လည်စာဝင်တီးကြတာ သဘောင်္သီးထောင်း ကြက်ကင်နဲ့ ကောက်ညှင်းပေါင်း


ကျွန်မတို့ ရန်ကုန်မှာ ထိကရုန်းကို တို့စရာအနေနဲ့ပဲစားတတ်ကြတာ 
သူတို့ထိုင်းဟင်းပွဲတွေမှာတော့ ထိကရုန်းဝက်သုံးထပ်သားကြွပ်ကြော်က နာမည်ကြီးဟင်းပွဲ .. 
ထိကရုန်းကနုနေမှ စားကောင်းတာ ခရုဆီနိုင်းချင်းနဲ့ ကြော်ထား


ယိုးဒယားမုန့်ဟင်းခါး... ငါးကို အုန်းနို့နဲ့ သူတို့ ထိုင်းဟင်းခတ်အမွှေးတွေနဲ့ခပ်ပျစ်ပျစ်လေးချက်ထားတာ ပဲသီး ပဲပင်ပေါက် နံနံပင် ဂေါ်ဖီနဲ့စားရတာ ချိုဆိမ့်မွှေး စားလို့အရမ်းကောင်း


ဘလူးဗယ်ရီဖျော်ရည်တဲ့ ကိုယ်တွေဆီက သံဗူးလိုမျိုးပါပဲ


ဒါက ပိုးဈေးနားက တရုတ်တန်းလမ်းဘေးဆိုင်က ကွေ့သယို


မောထဲက ဂျပန်ဆိုင်မှာ ညစာစား ဖက်ထုပ်ပေါင်း



ဂျပန်စာစားနေရင်းနဲ့ တွေ့ခဲ့တဲ့ ငှက်ပျော်ကြော်ကို လက်လွှတ်လိုက်ရမှာစိုးလို့ ထပြီးခဏသွားဝယ်လိုက်သေး


ဟောင်ကောင်တရုတ်ဆိုင်တစ်ဆိုင်က နေ့လည်စာ ဒီဆိုင်လည်းအစားသောက်ကောင်းတယ်...


ဝက်အသားကင် အခေါက်ကင်


ဘဲခြေထောက်ခေါက်ဆွဲပေါင်း ဒီဟင်းလေးလည်း သိပ်ကောင်းတယ် 


ဟိုတယ်က မနက်စာ ဆန်ပြုတ်


Union Mall အပေါ်ထပ်က Boat Noodles တစ်ပွဲကို အဲလောက်ပိစိကလေးပဲပါတယ် မ၀ဘူး နှစ်ပွဲလောက်စားမှ


Boat Noodles က ငရုတ်ကောင်းများတော့ စပ်တယ် စားပြီး မုန်လက်ဆောင်းနဲ့ အချိုတည်း
အသက်ကြီးလာရင် မပြိုလဲအောင်အချိုတည်းတဲ့ ကြားဖူးတယ်မဟုတ်လား


ဟိုတယ် မနက်စာ


ထိုင်းပိုးဈေးက နေ့လည်စာ ကြက်ဆီထမင်း


ကြက်ဆီထမင်းစားပြီးတော့ ထိုင်းဖါလူဒါ သိပ်ကောင်းပဲ

ပြန်ခါနီးမနက် wet market သွားပြီး အသားလုံးသွားဝယ်တာ 
သူတို့ ငါးခြောက်တွေသန့်ပြီးလှနေလို့ ပုံတွေရိုက်လာခဲ့



ငါးခြောက်ကြော်ပြီးသားတွေကို အဲလို ပလပ်စတစ်အိတ်နဲ့ သပ်သပ်ရပ်ရပ်လေးစီပြီးရောင်း

အစားအသောက်မှာ presentation သိပ်လှတော့ ၀ယ်ချင်စရာဖြစ်တာပေါ့

ဒီတစ်သက်တော့ ၀ိတ်ကျဖို့လမ်းမမြင် အစားဆိုရင်လာထား...ဆိုတဲ့အမျိုး...း)

မိုးငွေ့


Wednesday, 1 November 2017

ကျွန်မရဲ့ဖက်ရှင်ဒီဇိုင်နာ.....

  


သူဟာ ဖက်ရှင်ဒီဇိုင်နာတစ်ယောက်မဟုတ်ဘူး ... ပြီးတော့ ဖက်ရှင်အကြောင်းကို ဂဃနဏသိထားတဲ့ သူတစ်ယောက်လည်း မဟုတ်ပါဘူး...။ ဒါပေမယ့် သူက ကျွန်မရဲ့ဝတ်စားဆင်ယင်မှုကို နေ့စဉ်နေတိုင်း အကဲခတ်ဝေဖန်ရင်းနဲ့ ကျွန်မရဲ့ ကိုယ်ပိုင်ဒီဇိုင်နာဖြစ်မှန်းမသိဖြစ်ခဲ့တယ်...။ ဖြစ်ခဲ့တယ်ဆိုတာက ကျွန်မရဲ့ ကိုယ်ပိုင်ဒီဇိုင်နာလို့ သူမသိအောင် ကျွန်မဘာသာကျွန်မ ကြိတ်ပြီးခန့်ထားခဲ့တာပါ...။ ကျွန်မအလုပ်ပြန်ညနေ သူလာကြိုရင် ကျွန်မရဲ့ နေ့စဉ်ဝတ်စားမှုဖက်ရှင်ကို သူအမြဲသတိထားပြီး ပြောတတ်တယ်...။ ဒီနေ့ဝတ်တာလေးက မင်းနဲ့ လှတယ် မလှဘူး မလိုက်ဘူး လိုက်တယ် အရောင်လေးက ဘယ်လိုဖြစ်နေတာ ဒီဝတ်စုံလေးက မင်းနဲ့ဆို လူကြီးအရမ်းဆန်သွားတယ်.. ဒီစကဒ်နဲ့ကဘာပုံပေါက်နေမှန်းမသိဘူး ဒီဂါဝန်လေးနဲ့ကျတော့ မင်းက ဘာဘီရုပ်ကလေးကျနေတာပဲ စသဖြင့်ပေါ့...။

ကျွန်မတို့ ပထမဆုံးဆုံဖြစ်ကြတော့ ကျွန်မ၀တ်ဆင်ထားခဲ့တဲ့ အသားပျော့အိအိ ပုလဲရင့်ရောင်လို့ သူသတ်မှတ်ဖူးတဲ့ အညိုဖျော့ပေါ်မှာ ငွေမှင်လေးတွေ ဟိုတစ်စဒီတစ်စရောယှက်ထားတဲ့ လက်စက ရယ်ဒီမိတ် ရှပ်ကော်လံခါးတိုအကျီင်္လေးကို သူသတိတရမှတ်ထားပေးခဲ့ဖူးတယ်..။ ခေါင်းစွပ်ရှပ်ကော်လံနဲ့ အဲဒီအကျီင်္လေးမှာ ကြယ်သီး နှစ်လုံးပါတယ်...။ ကြယ်သီးနှစ်လုံးစလုံးမတပ်ဘဲ တစ်လုံးကိုဖြုတ်ပြီး လည်ပင်းခပ်ဟဟလေးနဲ့ ကျွန်မ၀တ်ဆင်ခဲ့တာဟာ တစ်စုံတစ်ယောက်ကို (အထူးသဖြင့် သူ့ကို) တမင်ဆွဲဆောင်ဖို့ မဟုတ်ပါဘူး...။ အဲဒီနေ့က ကျွန်မက ကျွန်မရဲ့ ကိုယ်ပိုင်ဟန် ကိုယ်ပိုင်ဖက်ရှင်အနေနဲ့ လွတ်လပ်စွာ ၀တ်ဆင်ခဲ့ခြင်းပဲဖြစ်တယ်..။ ကြယ်သီးတစ်လုံးဖြုတ်ထားခဲ့ပေမယ့် ရင်ညွန့်သားတွေပေါ်လွင်ခဲ့တာ မဟုတ်ပါဘူး..။ သူ့ရှေ့မှာ ကျွန်မ မလုံမလဲနဲ့ အကျီင်္လည်ပင်းလေး ပင့်ဆွဲခဲ့တာကို သူသတိထားခဲ့ဖူးပါတယ်...။ ဒါ ပထမဦးဆုံး ကျွန်မရဲ့ ၀တ်ဆင်မှုအပေါ် သူ့ရဲ့ အမှတ်ရမှု...။

နောက် ကျွန်မတို့နှစ်ယောက် ဘုရားအတူသွားတော့ အဲဒီနေ့က ကျွန်မ မနက်ရောင်ပိတ်သား ရင်ဖုံးအကျီင်္လေးနဲ့ မြန်မာချည်ထည်အနက်ခံမှာအချိတ်လိုင်းလေးတွေရောင်စုံပါတဲ့ လုံချည်လေးဝတ်ခဲ့တယ်..။ ကျွန်မ ရင်ဖုံးအကျီမှာ အနက်ရောင်ကြယ်သီးလေးတွေ ခြောက်လုံးခုနှစ်လုံးလောက် တန်းစီပြီးတပ်ထားတယ်...။ အဲဒီနေ့က ကျွန်မ၀တ်စုံကိုလည်း သူမှတ်မှတ်ရရရှိနေခဲ့တယ်...။ ကျွန်မ၀တ်သမျှထဲမှာ ဒီဝတ်စုံလေးကိုအကြိုက်ဆုံးလို့သူပြောလို့ နောက်တစ်ကြိမ် ကျွန်မတို့ ဘုရားအတူတက်တော့ ထပ်ဝတ်ဖြစ်သေးတယ်...။ အဲဒီနေ့ညနေမှာ ကျွန်မတို့ စကားများရန်ဖြစ်ကြရင်း ရုန်းရင်းဆန်ခတ်နဲ့ ကျွန်မအကျီင်္င်္ကြယ်သီးလေးတစ်လုံး ပြုတ်သွားခဲ့ရတယ်..။ ကြယ်သီးလေးဟာ ကျွန်မပိုက်ဆံအိတ်လေးထဲရှိနေတုန်း ကြယ်သီးတစ်လုံးဟာနေတဲ့ ရင်ဖုံးအကျီင်္လေးကလည်း ခုထိထပ်မ၀တ်တော့ဘဲ ခေါက်သိမ်းထားတုန်း...။

ကျွန်မတို့ တစ်ညနေ ဒိတ်လုပ်ကြတုန်းက ကျွန်မ၀တ်တဲ့ အနက်ရောင်ပိုးပျော့လေးပေါ်မှာ အနက်ခံအညိုလုံးလေးတွေပါတဲ့ ရှီဖွန်အသားပျော့လေးနဲ့ ထပ်ချုပ်ထားတဲ့ ဂါဝန်ကားကားလေးနဲ့ ဖဲပွင့်ပါတဲ့ လေဒီရှူးအနက်လေးဝတ်ခဲ့တော့... ကျွန်မကိုလာအကြိုမှာ “ကလေး ဒီညသိပ်လှတာပဲ ကိုယ်တောင် လူမှားတယ်” တဲ့...။ သူနဲ့လူချင်းဆုံခဲ့သမျှချိန်တွေမှာ ဒီတစ်ခါလေးပဲ ဂါဝန်ဝတ်ဖူးတာမို့ သူ့အတွက် အမြင်ဆန်းသွားတာလည်းဖြစ်နိုင်ပါတယ်...။ ကျွန်မတို့ အမေရိကန် ဖန်စီဇာတ်ကားတွေ ထဲကလို ဒိတ်လုပ်ကြတာမျိုးနဲ့ သွားဆင်တူနေမှာပါ့...။ ကောင်လေးက ကောင်မလေးအိမ်ရှေ့တံခါး ဘဲလ်လာတီး ကောင်မလေးထွက်လောတော့ လှတပတဂါဝန်လေးနဲ့ ကောင်လေးက ကောင်မလေးကို Surprise ဖြစ်အောင် အနောက်မှာဝှက်ယူလာခဲ့တဲ့ ပန်းစည်းလေးပေး...။ နည်းနည်းကွာသွားတာကတော့ သူက ဟောလိဝုဒ်ဇာတ်ကားတွေထဲကလို လည်တိုင်မှာဖဲပွင့်လေးပါတဲ့ Suit လေးဝတ်မထားတာလေးပါပဲ..။ သူက ခန္ဓာကိုယ်သိပ်မတောင့်တင်းပေမယ့် ကျစ်လစ်ပြီး လွတ်လပ်ပေါ့ပါးတဲ့  အနက်ရောင် body fit အကျီင်္နဲ့ ခပ်ဖျော့ဖျော့ ရိုက်ဒါဂျင်းပင်တွေကိုသာဝတ်ဆင်လေ့ရှိတယ်...။ သူ့ဆံပင်ပုံက ဂျိုးနက်ဘရာသားအဖွဲ့ထဲက ကောင်လေးတွေလို ခပ်ဖွဖွအုပ်အုပ်...။  ကျွန်မက သူနဲ့တွေ့တိုင်း သူ့လည်တိုင်ကို ဆွဲယူပြီး သူ့ဆံပင်တွေကို နမ်းလေ့ရှိတော့  ခေါင်းမလျှော်လာတဲ့နေ့ဆို ကျွန်မကို အားနာပြီး သူက တွန်းထုတ်လေ့ရှိတယ်...။ အဲဒါကြောင့်မို့ထင်တယ် နောက်ပိုင်း သူကျွန်မနဲ့ ဒိတ်လုပ်တိုင်း အမြဲတမ်းခေါင်းလျှော်လာတတ်လို့ သူ့ဆံပင်တွေက Shampoo နံ့တွေ အမြဲသင်းပျံ့နေတတ်တယ်...။




ကျွန်မအလုပ်အပြန်သူလာကြိုတဲ့ ညနေတုန်းက ကျွန်မတို့ ဆိုင်တစ်ဆိုင်မှာ အတူတူခေါက်ဆွဲဝင်စားကြတယ်..။ အဲနေ့ကျွန်မ  ဘော်ဂျယ်လေးတွေအနားသတ်ထိုးထားတဲ့ သခွားရောင် ရှီဖွန်ရင်ဖုံးလေးနဲ့ အနက်ခံမှာ သခွားရောင်အချိတ်လိုင်းလေးတွေပါတဲ့ ချည်လုံချည်ဝတ်ထားတော့ ကျွန်မကို လူကြီးဆန်လွန်းအားကြီးတယ်တဲ့ သူကဝေဖန်တယ်...။ တကယ်တော့ ကျွန်မကသာ သူ့ကို ကိုယ်ပိုင်ဒီဇိုင်နာလို့ ကြိတ်ပြီးခန့်ထားခဲ့ပေမယ့်လည်း သူနဲ့တွေ့တိုင်း ကျွန်မဘာသာကျွန်မနှစ်သက်ရာ ၀တ်စုံတွေကို ၀တ်ဆင်ခဲ့မြဲပါပဲ...။ ဒီဝတ်စုံလေးကိုတော့ သူကြိုက်တန်ကောင်းရဲ့လို့ စဉ်းစားရွေးချယ်ခဲ့တာမျိုးလည်းမရှိခဲ့ပါဘူး...။ ဒါပေမယ့်လည်းသူကတော့ ကျွန်မနဲ့တွေ့တိုင်း ကျွန်မကိုခြေဆုံးခေါင်းဆုံးကြည့်ပြီး ဘယ်လိုဘယ်ဝှာဆိုပြီး ပြောတတ်မြဲ...။ ကျွန်မကတော့ သူ့ရဲ့ဖက်ရှင်တွေထဲမှာ သူ့ရဲ့ စိတ်နေသဘောထား လွတ်လပ်မှုကိုကြိုက်တယ်... ကျွန်မထက် အရပ်ပိုရှည်တာကိုကြိုက်တယ် ဘယ်သူ့ကိုမှဂရုမစိုက်ဘဲ စကားကို ပွင့်ပွင့်လင်းလင်းပြောတတ်တာကို ကြိုက်တယ်... ကျွန်မကို အမြဲဂရုစိုက်တတ်တာကိုကြိုက်တယ် ကျွန်မနဲ့အတူ တွဲလျှောက်တိုင်း ကျွန်မလက်ကို တယုတယဆုတ်ကိုင်ထားတာကိုကြိုက်တယ်...။ ကျွန်မက ယောကျာ်းလေးဆို လိမ္မာအေးဆေး တည်ငြိမ်တာထက် သွေးဆူပြီး ၀ုန်းဒိုင်းကျဲတတ်တဲ့သူကို ပိုကြိုက်တယ်....။

ကျွန်မနဲ့လိုက်ဖက်တဲ့ ၀တ်စုံလို့သူပြောခဲ့ဖူးတာ တစ်စုံရှိသေးတယ်...။ လက်ပြတ်ခဲရင့်ရောင် ရယ်ဒီမိတ်ဂါဝန်လေး...။ ဆွဲသားဖြစ်ပြီး ခါးမှာ သရေရှုံ့ကြိုးပါတယ်... ဒူးနားလောက်ထိ အရှည်ရှိပြီး ၀တ်လိုက်ရင် ကိုယ့်ခန္ဓာကိုယ်အချိုးအစားအတိုင်းပေါ်လွင်စေတယ်...။ “ဒီဝတ်စုံလေးက မင်းနဲ့သိပ်လိုက်ဖက်တာပဲ  ဒီလိုကျတော့ မင်းကိုယ်လုံးအချိုးစားက ကြည့်ကောင်းသားပဲ” တဲ့...။ ကျွန်မက အားကစားသမားမို့လို့ ဘော်ဒီက သိပ်ပြီး မိန်းမဆန်တဲ့အထဲမပါဘူး..။ မြန်မာဝတ်စုံတွေကိုနှစ်သက်ပေမယ့် နွဲ့နှောင်းသွဲ့ပြောင်းမှုသိပ်မရှိလှဘူး...။ ဒါကြောင့် အဲဒီနေ့က ကျွန်မ ခန္ဓာအချိုးအစားပေါ်လွင်တဲ့ အဲဒီခဲရင့်ရောင်ဝတ်စုံဝတ်ခဲ့တော့ သူက ကျွန်မအချိုးအစားကို အနောက်တိုင်းဆန်လို့ သဘောကျတယ်လို့ ဖွင့်ပြောဖူးတယ်...။ များသေားအားဖြင့် ယောက်ျားတွေက မိန်းမဆို ခါးသေးရင်ချီ booty ကိုယ်လုံးတွေကိုပဲ ဆွဲမက်ကြတာမဟုတ်လား...။ ကျွန်မက အရပ်ရှည်ပြီးသားမို့ ဖိနပ်ကိုကြိုးသိုင်း အပါးလေးတွေပဲ စီးလေ့ရှိတယ်...။ တစ်ခါက ကျွန်မ သုံးလက်ခွဲခုံထူဖိနပ်စီးပြီး သူနဲ့တွဲလျှောက်တော့ ကျွန်မဦးခေါင်းက သူ့နားရွက်အောက်မှာပဲရှိနေသေးတယ်...။ ကျွန်မ မခံချင်စိတ်နဲ့ ခြေဖျားထောက်ပြီး လမ်းလျှောက်ရင်း ဘေးနားကနေ သူနဲ့အတင်းအရပ်လိုက်တိုင်းတဲ့ ကျွန်မပုံစံကို သဘောကျစွာ ရယ်မောခဲ့ဖူးတယ်...။

တစ်ညနေ သူ့အတွက် ကျွန်မတို့နားက စတိုးဆိုင်လေးမှာ အသုံးအဆောင်ပစ္စည်းလေးတွေသွားဝယ်ဖို့ သူနဲ့ချိန်းထားတော့ ကျွန်မ ခပ်ကားကား အသားပျော့ပျော့ အပွင့်ရောင်စုံပါတဲ့ ထီးစကဒ်လေးဝတ်လာတော့ သူက ကျွန်မကို နားခေါင်းရှုံ့ပြီး “ဟွန်း... ဘာကြီးတွေဝတ်လာမှန်းမသိဘူး”တဲ့...။ ဒါဆို သူက ကျွန်မကိုဒီစကဒ်နဲ့မလိုက်ဖက်ဘူး သူမကြိုက်ဘူးလို့ဆိုလိုချင်တာပေါ့..။ ဒီနေ့ကျွန်မဖက်ရှင် မမိုက်ဘူးပေါ့..။ ဒါပေမယ့် ကျွန်မနောက်တစ်ခါ အနက်ရောင်ဖဲသားပေါ်မှာ နှင်းဆီပွင့်နီနီကြီးတွေပါတဲ့ စကဒ်အကားလေး ထပ်ဝတ်ဖြစ်တော့ သူကကြိုက်လို့ထင်ပါရဲ့ အဲဒီနေ့ကတော့ “ချာတိတ်က ဒီနေ့ ကလေးလေးနဲ့ပိုတူ”တယ်တဲ့...။ အဲဒီနေ့က ပိတ်ရက်မို့လို့ သူ့အတွက် ကျွန်မက သူကြိုက်တတ်တဲ့ ငါးမြင်းဆီပြန်ဟင်းချက်ပြီး Picnic Basketနဲ့ ကန်တော်ကြီးကန်စပ်မှာ အတူနေ့လည်စာစားကြတယ်..... ကော်ဖီဆိုင်တွေလျှောက်ထိုင်ကြတယ်...။ ကစားကွင်းထဲ ကလေးတွေ ကစားတာကို လျှောက်ကြည့်ကြတယ်.....။ 

တခါက ညဖက်ကြီး  လက်ဖက်ရည်အတူသောက်ဖို့ သူဖုန်းလှမ်းဆက်တော့ ကျွန်မက အိမ်နေရင်းဘောင်းဘီတိုလေးနဲ့ တီရှပ်နဲ့ သူက တီရှပ်နဲ့ဂျင်းဂျက်ကက်အပါးလေးနဲ့ ပုဆိုးခပ်တိုတိုဝတ်လာတော့ ကျွန်မသူ့ကိုမမြင်ဘဲ သူ့ကိုကျော်သွားလိုက်မိတယ်....။ သူ ကျွန်မကိုလာပုတ်တော့မှ သိလိုက်တယ် ...။ ကျွန်မတို့လက်ဖက်ရည်သောက်ပြီး ရုပ်ရှင်သွားကြည့်ရအောင် ဆိုပြီး အဲဒီအတိုင်း ရုပ်ရှင်ရုံရောက်သွားကြတယ်...။ မင်းသားရှာရွတ်ခန်ရဲ့ Happy New Year ဆိုတဲ့ အိန္ဒိယဇာတ်ကား..။  ရှော့ပင်နဲ့ဆိုတော့ ရုံထဲမှာခိုက်ခိုက်တုန်အောင် အေးရော...။ တခြားစုံတွဲတွေလို ကိုကိုက ကျွန်မနွေးအောင်လို့ဆိုပြီး အခွင့်အရေးယူပြီးလည်း ဖက်မထားခဲ့ပါဘူး...သူဝတ်ထားတဲ့ ဂျင်းဂျက်ကက်ကိုပဲ ကျွန်မခြေထောက်တွေမအေးအောင် ခြုံပေးထားခဲ့တာပါ...။ အပြန် ညဥ့်လည်စာရောင်းတဲ့ ဆိုင်မှာ ထမင်းကြော်အတူဝင်စားတော့ သူက ၀က်သားမစားလို့  ကြက်ကြော်နဲ့ ကျွန်မက ၀က်ကြော်နဲ့...။

ကျွန်မတို့နှစ်ယောက်ရဲ့ နောက်ဆုံးဆုံတွေ့ခြင်းမှာ ကျွန်မက ပန်းဆီရောင်နှင်းဆီပွင့်တွေပါတဲ့ ရင်ဖုံးအကျီလေးနဲ့ ကချင်ချည်လုံချည်လေးဝတ်ထားခဲ့တယ်....။ အဲဒီနေ့ဟာ ကျွန်မတို့နှစ်ယောက်ရဲ့ နောက်ဆုံးနေ့ပဲ...။ အဲဒီနောက်ပိုင်း ကျွန်မတို့ဟာ တစ်သက်တာဝေးကွာသွားခဲ့ကြတော့တယ်...။ သူနဲ့နောက်ဆုံးဆုံတွေ့တဲ့ ကျွန်မ၀တ်စုံထဲမှာ နာကျင်မှုတွေတချို့ပါဝင်နေခဲ့လိမ့်မယ်...။ အဲဒီဝတ်စုံလေးကို ကျွန်မနောက်ထပ်တစ်ခါမှပြန်မ၀တ်တော့ဘဲ ထာဝရသိမ်းဆည်းထားဖို့ ဆုံးဖြတ်လိုက်တယ်...။ ကိုကို့ကို ကျွန်မ တခါမှချစ်တယ်လို့မပြောဖူးခဲ့ဘူး...။ ကျွန်မ သူ့ကို ဘာလို့ “ကိုကို့ကို ကျွန်မသိပ်ချစ်တာပဲလို့” မပြောနိုင်ခဲ့သလဲဆိုတာ သူကောင်းကောင်းသိနေခဲ့တယ်…။ ဒါကြောင့် ကိုကို့ကို ကျွန်မ ခါးသီးတဲ့ အမုန်းတွေနဲ့ မခွဲခွာချင်ဘူး...။ ကျွန်မတို့ကြားမှာ ဘာရန်ငြိုးရန်ဖွဲ့မှမရှိ ဘာအမုန်းတရားမှမရှိဘဲ လမ်းခွဲခဲ့ရတာ အကောင်းဆုံးလို့ ကျွန်မမှတ်ယူတယ်...။ ကိုကိုရော ကျွန်မနဲ့ တွဲခဲ့ဖူးတဲ့ တလျှောက်လုံးမှာ ကျွန်မကို နှစ်နှစ်ကာကာချစ်ခဲ့ဖူးသလား ကျွန်မအားနာစွာ တစ်ဖက်သတ်ဆန်စွာနဲ့ တစ်ခါမှမမေးခဲ့မိဘူး...။  ပြီးတော့...ကျွန်မကိုယ်တိုင်က အချစ်တွေမပေးနိုင်ဘဲ သူ့ဆီက အချစ်ကိုလိုလိုလားလား မတောင်းခံချင်ပါဘူး..။ သူကတော့ ကျွန်မကို သူထားဖူးသမျှ ရည်းစားတွေထဲမှာ အချစ်ဆုံးလို့ တခါပြောဖူးခဲ့တယ်...။


နှစ်အတော်ကြာတော့မှ သူကျွန်မဆီ စာတစ်စောင်ရေးခဲ့တယ်...။ ကျွန်မအပေါ် သူ့အပြုအမူတွေ လုပ်ရပ်တွေဟာ အများကြီးမှားခဲ့ပေမယ့် သူအာမခံနိုင်တာတစ်ခုက အဲဒီအားလုံးတွေထဲမှာ ကျွန်မကို ချစ်တဲ့ စိတ်တွေပါနေလို့လို့ပြောပါတယ်...။ အဲဒီစာတစ်စောင်ဟာလည်း ကျွန်မအတွက် သူနောက်ဆုံးရေးပို့ခဲ့တဲ့စာပါပဲ...။


မိုးငွေ့