မိုးငွေ့ဆိုတာ...ကော်ဖီခါးခါးအကြိုက်နဲ့ ဖက်ရှင်တအားမိုက်သူပေါ့...း)

Tuesday, 20 December 2016

အို....ပုဂံ(၃)


ပုဂံရောက်တိုင်း ယွန်းထည်တွေလုပ်တဲ့ ပင်ရင်းနေရာကို တစ်ခါမှမရောက်ခဲ့ရဘူး...။ ဒီတစ်ခေါက်တော့ ရအောင်သွားခဲ့တယ်..။ Bagan House ယွန်းထည်ပစ္စည်းတွေလုပ်တဲ့နေရာက ကျွန်မတို့တည်းတဲ့ ဟိုတယ်နဲ့ တစ်မိနစ်လောက်လမ်းလျှောက်ရင်ရောက်ပြီ.. ။ လမ်းမှာလည်း နိုင်ငံခြားသားတွေသွားလို့လွယ်ကူအောင် လမ်းညွှန်ဆိုင်းဘုတ်လေးတွေချိပ်ဆွဲထားပါတယ် “one minute walk to Bagan House Lacquerware” ဆိုပြီးတော့...။


 ယွန်းထည်ပစ္စည်းတွေ အကုန်လုံးက အောက်ခံ ၀ါးနှီးကိုအသုံးပြုရတာပါ ပြီးမှ သစ်စေးသုတ်တာတို့ မြေအောက်ခန်း အမှောင်မှာ အခြောက်ခံ ဆေးခြယ် အလှဆင်တာတွေ အဆင့်ဆင့် လုပ်ရတယ်လို့ အကြမ်းမျဉ်းလေးတော့ သိခဲ့ရတယ်..

 ပုဂံယွန်းထည်ဆိုင်က ၀န်းအကျယ်ကြီးထဲမှာ လာသမျှဧည့်သည်တွေလေ့လာနိုင်အောင် လုပ်ပုံလုပ်နည်းအဆင့်ဆင့်ကိုပြထားပါတယ်






 


အလှပဲကြည့်ခဲ့ရပါတယ် အလားလုံးဈေးကြီးတယ် ... သောင်းဂဏန်း သိန်းဂဏန်းတွေချည်းပဲ... အဈေးအပေါဆုံးက ယွန်းလက်ကောက်လေးတွေ ဒါတောင် တစ်ကွင်းကို ဒေါ်လာ10 အနည်းဆုံးရှိတယ်..


ခန်းဝင်ပစ္စည်းလေးတွေ ယွန်းဘီဒိုလေးက တော်တော်လက်ရာမြောက်တာ...ဈေးကိုမေးကြည့်ပါဦးလေ...





ဟင်းချက်ဝါသနာပါသူဆိုတော့ ပန်းကန် ခွက်ယောက်တွေ လက်ဖက်အုပ်လေးတွေကိုပဲ အဓိကစိတ်ဝင်စားမိတယ်ပေါ့... ဆွမ်းအုပ်နဲ့ ဆွမ်းချိုင့်ကိုတော့ ရောက်တိုင်း မျက်စိကျမိတယ် အိမ့်ဧည့်ခန်းမှာ အလှထားမလားလို့ စဉ်းစားတာ တခါမှ မ၀ယ်ဖြစ်သေးပါဘူးလေ...

 




ကျွန်မက ခရီးသွားရတာကိုကြိုက်တယ်... ။ အရင်တုန်းကတော့ ခရီးထွက်ဆို အများဆုံးက အပန်းဖြေစရာနေရာ ချောင်းသာကို မရောက်ဖြစ်တဲ့နှစ်မရှိသလောက်ပဲ...။ ပင်လယ်စာအ၀စား အပြည့်အ၀အနားယူရတာကြိုက်တယ်..။ ခုတော့ ပုဂံကို ထပ်သွားဖို့ ဓါတ်ကျမိပြန်တယ်...။  ပုဂံမှာ scooter လေးစီးပြီး အေးအေးဆေးဆေးဘုရားဖူး လိပ်ဥလည်းတူးရင်း :P ဓါတ်ပုံတွေလျှောက်ရိုက် အဲလိုလေးစဉ်းစားမိတယ်...။ နောက်တစ်ခေါက်ထပ်သွားဖြစ်ခဲ့ရင် ဓါတ်ပုံကောင်းကောင်းလေးတွေရိုက်ပြီး မျှဝေပေးပါဦးမည်...။ ခုတော့ လက်တည့်စမ်းစမို့ ပုံတွေက ဂဂျိုးဂဂျောင်တွေဖြစ်...း)


 Bye Bye!!! ပုဂံပို့စ်......း) ဆက်ရန်မရှိတော့ပါဘူး...။


မိုးငွေ့

No comments: