မိုးငွေ့ဆိုတာ...ကော်ဖီခါးခါးအကြိုက်နဲ့ ဖက်ရှင်တအားမိုက်သူပေါ့...း)

Friday, 31 January 2014

မင်းမရှိတဲ့နောက်.....




ကိုယ်တို့ မနှစ်က ဆောင်းဦးပေါက်မှာနောက်ဆုံးတွေ့ခဲ့ကြတုန်းက “မမ ဆံပင်ကလဲ ဘာပုံကြီးမှန်းလည်း မသိဘူး”လို့ စတပ်အထပ်လေးတွေ ပခုံးကျော်ကျော်ညှပ်ထားတဲ့ကိုယ့်ကို မင်းက မနှစ်သက်တဲ့ဟန်နဲ့ ရှုံ့မဲ့မဲ့လေးပြောခဲ့တယ်…။

အခု ကိုယ့်ဆံပင်တွေ တော်တော်ရှည်နေပြီ အိန်ဂျယ်…။ အဲကတည်းက ကိုယ်လုံးဝမညှပ်ဘဲ အရှည်ထားခဲ့တာ..။ ကိုယ့်ရဲ့ဆံနွယ်ခွေတွေ ကျောလည်ကျော်ကျော်လောက် ရှည်နေကြပြီ…။ 

ခုတော့လည်း……….. 

ကိုယ့်ဆံနွယ်တွေကို လက်ချောင်းနဲ့ခွေပြီး ဆော့ကစားမယ့်သူ မင်းမရှိ…. 

ကိုယ့်နှုတ်ခမ်းထူထူတွေကို အသည်းယားလို့ လက်နဲ့တို့ကြည့် ကစားမယ့်သူ မင်းမရှိ….

ကိုယ့်မျက်တောင်ကော့ကော့တွေကို တမေ့တမော ငေးမောကြည့်မယ့်သူ မင်းမရှိ…..

ကြမ်းနေတတ်တဲ့ ကိုယ့်လက်ချောင်းတွေကို နူးညံ့သွားအောင် လက်လိမ်းခရင်မ်တွေနဲ့ စိတ်လက်ရှည်စွာ လိမ်းကျံဆုတ်နယ်ပေးမယ့်သူ မင်းမရှိ….

လမ်းလျှောက်တိုင်း ကိုယ့်ဘေးနားကနေ ကိုယ့်လက်တွေကို ဆုတ်ကိုင်အတူလျှောက်မယ့်သူ မင်းမရှိ….

ရုပ်ရှင်သွားကြည့်တဲ့အခါ ကိုယ့်ညာဖက်မှာ မှီတွယ်စရာ ပခုံးတစ်စုံမရှိ…..

ကော်ဖီဆိုင်ရောက်တဲ့အခါ ကိုယ့်ရှေ့ခုံမှာ ကော်ဖီတစ်ခွက်နဲ့အတူသောက်မယ့်သူ မင်းမရှိ…..

ကိုယ့်ဘေးမှာ မင်းမရှိတဲ့အခါ လောကကြီးဟာ ဘယ်လိုမှနေပျော်စရာမကောင်းခဲ့ဘူး…..။ ဒါပေမယ့်လည်း ဒီလိုပဲ လျှောက်လှမ်းရတာပါပဲလေ…ဘယ်တတ်နိုင်ပါ့မလဲ…….။ ကိုယ့်ဆီပြန်လာခဲ့ပါလို့ မင်းကို ကိုယ်မတမ်းတတော့ပါဘူး…..။ ကိုယ့်အတွက်နဲ့ မင်းစိတ်ပင်ပန်းစေမယ့် လုပ်ရပ်မျိုး ကိုယ်ဘယ်တော့မှ လုပ်ဖြစ်မှာမဟုတ်လို့လေ….။ 

ရပါတယ် ကိုယ်နေတတ်ပါတယ်…….။ အလွမ်းတွေ ကော်ဖီတွေ အက်ဆေးတွေက ကိုယ့်ကို တစ်သက်သာလုံးအဖော်ပြုပေးသွားကြမှာပါ  မင်းမရှိလည်းပဲလေ…….။ 

“မမက ကျွန်တော်ဘေးမှာမရှိလည်းဘဲ ဘ၀ကိုတစ်ယောက်တည်း ဆက်လျှောက်ဖို့သတ္တိရှိနေတာပဲ… ကျွန်တော်က လူပိုတစ်ယောက်ပါ..”ဆိုတဲ့ မင်းစကားတွေက ကိုယ့်ရင်ဘတ်ကို ထွင်းဖောက်မြင်နိုင်နေပါလျက်နဲ့ ကိုယ့်ကို တမင်သက်သက်ပြောလိုက်မှန်း ကိုယ်သိပါတယ်…။ 

ကိုယ်က ဒဏ်ရာတွေကိုမှ ပွေ့ပိုက်ချင်သူလေ……။ အလွမ်းတွေကို ကော်ဖီလိုသောက်ချင်သူ….။ မျက်ရည်တွေကို စမ်းချောင်းတစ်ခုလို စီးဆင်းစေလိုသူ…..။

မင်းမရှိတဲ့နောက်……. မင်းကိုယ်ပွားလေးအဖြစ် ကိုယ့်စကားလုံးတွေကတော့ ဆက်လက်ရှင်သန်နေဆဲပါ…….။

မိုးငွေ့
 

Tuesday, 28 January 2014

ဘိုမရုပ်မှသည်...ဘာဘီသို့


ကျွန်မဘ၀မှာ ပထမဦးဆုံးသော ဘိုမရုပ်ကလေး..။ မေမေ ဟိုဖက်ကမ်း(မယ်ဆိုင်)မှာ ဈေးသွားဝယ်တော့ ကျွန်မအတွက်ဝယ်လာပေးခဲ့တာ...။ ဆယ်လက်မလောက်ပဲမြင့်တဲ့ ဘိုမရုပ်လေးက လှဲအိပ်ထားရင် မျက်တောင်တွေက သူ့အလိုလိုမှိတ်သွားတယ် ပြန်ထောင်လိုက်ရင် မျက်လုံးလေးပွင့်လာတယ်..။ မျက်ဆံပြာပြာ ဇာဖဲပြားကြိုးလေးနဲ့နှစ်ဖက်ခွဲပြီးချည်ထားတဲ့ ရွှေရောင်ဆံပင်ကလေး ဂါဝန်လေးနဲ့ ...ဂါဝန်အရောင်လေးကို ကျွန်မ မမှတ်မိတော့ဘူး..။ ကျွန်မ ကလေးဘ၀တုန်းက တစ်ခုတည်းသော အရုပ်ကလေးပေါ့...။ တနေ့တနေ့  ပျဉ်အိမ်နောက်ဖက်မှာ သင်ဖျူးလေးခင်းပြီး ဆော့လိုက်ရတာ အမောပေါ့..။ တခါတလေ တစ်ယောက်တည်း တခါတခါ သူငယ်ချင်းနန်းဖေါင်းနဲ့ဆော့ကြတယ်...။ အဲအရုပ်အပြင် အိုးပုပ်တွေဘာတွေကလည်း အများကြီးပေါ့..။ ကစားစရာတွေကို ဆော့ပြီးမသိမ်းဘဲ ဒီတိုင်းပစ်ထားလို့ဆိုပြီး အဖွားက ကျွန်မ ကစားစရာတွေ ပလဲထားတဲ့ သင်ဖျူးဖျာကို ဒီတိုင်းလိတ်ပြီး အရုပ်တွေရော အိုးပုပ်တွေရော အကုန်အမှိုက်ပုံးထဲထည့်ပစ်တယ်...။ အဲတုန်းက အမှိုက်ကို ချောင်းထဲပဲ သွားသွန်ပစ်လိုက်တာဆိုတော့ ကျွန်မဘိုမလေး ရေနစ်ရှာရောပေါ့...။ ကောင်းကံထောက်မစွာ တယောက်ယောက်က ကောက်ရပြီး ကျွန်မလိုပဲ သူ့ကိုချစ်ခင်ယုယစွာဆော့ကစားမယ့် ပိုင်ရှင်အသစ်လေးနဲ့ တွေ့ပါစေ..။ ကျွန်မ ဘိုမရုပ်ကလေး ပါသွားခဲ့တယ်...။ မေမေကလဲ ထပ်မ၀ယ်ပေးတော့ဘူး...။ အဲချိန်တုန်းက သိပ်မမှတ်မိတော့ပေမယ့် ကျွန်မတော်တော်လေး စိတ်ထိခိုက်သွားခဲ့တယ်....။ ကိုယ်အကြိုက်နှစ်သက်ဆုံး အရုပ်ကလေးကို အဖွားက အဲလိုလုပ်ပစ်လိုက်တာကိုးး...။ အဖွားတို့စ်ိတ်ကတမျိုးပဲ ကွန်မြူနစ်ရဲ့အငွေ့အသက်တွေက လွှမ်းတုန်းကိုးး..။ တစ်ဦးတည်းသော မြေးလေးဆိုပြီးလဲ တယုတယကြင်နာရကောင်းမှန်းမသိဘူး...။ အလိုလိုက်ရကောင်းမှန်းမသိဘူးပေါ့..။ အဖိုးကျတော့ အဖွားလောက်မဆိုးဘူး မုန့်ဖိုးပေးတယ် လိုချင်တာရှိလဲ ပူဆာလို့ရတယ်...။

ကျွန်မတို့အိမ်ရှေ့ဘေးဖက်အဖီလေးမှာ အုပ်ကျင်းရွာက မကွေးသားဦးမင်းကြည်တို့ညီအစ်ကိုတွေ အငှားယူပြီး အပ်ချုပ်ဆိုင်ဖွင့်တယ်...။ ယောက်ျားအ၀တ်အစားတွေ အဓိက စစ်တပ်က စစ်ဝတ်စုံတွေကိုချုပ်တာများတယ်...။ နေ့လည်နေ့ခင်းဆို ကျွန်မက အဲဦးလေးတွေဆိုင်နားမှာ ရစ်သီရစ်သီနဲ့ မကွေးထွက်ကပ်ကြေးကြီးတွေနဲ့ သူတို့ပိတ်စညှပ်တာကို ကြည့်တယ်။ အဲက ပိုထွက်လာတဲ့  ပိတ်စအပိုင်းအစတွေကိုယူပြီး အရုပ်လုပ်တယ်...။ ပိတ်ဖြူလေးကိုလိတ် ထက်ပိုင်းခေါက်လိုက်တယ် ပြီးတော့ချိုးထားတဲ့ထက်ပိုင်းအလည်မှာ နောက်ထပ် ပိတ်လိတ်လေး ထပ်ထည့်တော့ အရုပ်က ကိုယ်နဲ့လက်နဲ့ဖြစ်သွားပြီ...။  ဦးမင်းကြည်က ပန်းချီလဲဆွဲတော့ ကျွန်မအရုပ်ကို မျက်လုံးတွေ မျက်တောင်ကော့ကော့လေးတွေ ပါးစပ်တွေဆွဲပေးတယ်..။ အပ်ချည်အနက်နဲ့ ဆံပင်တွေထည့်ပေးတယ်...။ ကျွန်မလေ..အရုပ်ကလေးကို သိပ်သဘောကျတာပဲ...။  ပိတ်အစအရောင်တွေ အပွင့်အကွက်တွေကို ဦးမင်းကြည်တို့ အမိ်ှုက်ထုပ်ထဲသွားမွှေပြီး ရွေးယူ အရုပ်မလေးအတွက် ဂါဝန်တွေ အကျီင်္တွေ ထမီတွေလုပ်ပေးတယ်...။ ကပ်ကြေးနဲ့ကွကိုယ် ဂါဝန်ပုံတွေညှပ် လည်ပင်းပေါက်ဖောက်ပြီး ၀တ်ပေးနဲ့ ဟုတ်လို့ပဲ...။ အဲလို ငယ်ကတည်းက ဖက်ရှင်ဝါသနာက မသေးခဲ့ဘူး...။

ကျွန်မတို့မိသားစုနေတဲ့ အိမ်က အဖိုးတို့အုတ်တိုက်(နှစ်ထပ်အိမ်ကြီး)မဆောက်ခင်က ယာယီဆောက်ထားတဲ့ ပျဉ်ချပ်တွေနဲ့သစ်သားအိမ်လေးပါ...။ နေ့လည်ဖက် ကျွန်မက အဲသစ်သားအိမ်အပေါ်ထပ်မှာပဲဆော့လေ့ရှိတယ်...။ ခုနကပြောတဲ့ ပိတ်စအရုပ်ကလေးတွေကို အိမ်ဆောက်ပေးတယ် ဧည့်ခန်းမှာ စားပွဲထိုင်ခုံတွေလုပ်ပေးတယ်...။ မေမေတို့ဈေးရောင်းထဲထဲက မလိုတော့တဲ့ ကပ်ထူစက္ကူဗူးတွေကို အိမ်လုပ် အဲကပ်ထူနဲ့ပဲ လှေကားထစ်တွေချိုး စားပွဲထိုင်ခုံလုပ်တယ် အခန်းတွေကန့်တယ် ကုတင်လေးတွေလုပ်ပေးတယ်...။ ကျွန်မအရုပ်မလေးကလေ ကျွန်မလုပ်ပေးလို့ အိမ်တဆောင်မီးတပြောင်နဲ့ကို တခမ်းတနားနေရတာပါ...။ ဗလာစာအုပ်အဟောင်းတွေထဲက စက္ကူတွေကို အမျှင်လေးတွေညှပ် ပေတံနဲ့လ်ိမ်အောင် ဆွဲဆန့်တယ်.. အဲဒီစက္ကူပန်းစည်းတွေကို အရုပ်မလေးရဲ့ ဧည့်ခန်းမှာ ပန်းအိုးထိုးထားပေးသေးတယ်...။ အရုပ်တွေနဲ့စကားပြောလိုက် ဆော့လိုက်ပါပဲ...။ ကျွန်မဟာ တော်တော်တော့ အဆော့မက်ခဲ့တဲ့ ကလေးမလေးပါ...။ တောမှာ ကလေးဘ၀လေးကို ဖြတ်သန်းခဲ့ရလို့လည်း သိပ်ကျေနပ်တာပဲ...။ မြေကြီးတွေ သဲတွေနဲ့ဆော့ရတယ် သစ်ပင်တက်တယ် တောတွေတောင်တွေ လယ်တွေထဲ လျှောက်သွားရတယ် လူကြီးတွေမသိအောင် မြစ်တွေချောင်းတွေထဲ ဆင်းကူးခဲ့လို့လဲ ရေကူးအလိုလို တတ်သွားခဲ့တယ်...။ သဘာဝတောတောင်ရေမြေနဲ့ ထိစပ်ခဲ့ရလို့ ကျေနပ်မိတယ်...။ ဒါနဲ့တင် လူဖြစ်ရကျိုးက တ၀က်နပ်သွားပါပြီ...။

အဲအရုပ်ပိစိကွေးလေးဆော့ပြီး တဆင့် ခေါင်းအုံးတွေ ခွအုံးတွေကို အနှီးတွေအ၀တ်တွေပတ်ပြီး ကလေးလုပ်ကစားသေးတယ်...။ ကလေးအမေကလဲလုပ်သေးတာ ဗိုက်ထဲ ခေါင်းအုံးလေးထည့် ဗိုက်ကြီးသည်လုပ်... ကလေးမွေး အဲကလေးကို အနှီးလေးပတ်ပေး ကလေးကို ပုခက်ထဲထည့်သိပ်ရနဲ့ပေါ့ အို...စုံနေအောင်ဆော့တာပါပဲ...။ အဲ နောက်ပိုင်း နဲနဲကြီးလာတော့ အရုပ်ထက် အိုးပုပ်တွေဆော့တယ် ဟင်းချက်တယ် တကယ့်မီးနဲ့ချက်တယ် ဖယောင်းတိုင်မီးမွှေးပြီး ဖယောင်းခဲတွေနဲ့ဆီလုပ် သစ်ရွက်စိမ်းလေးတွေကိုကြော်တယ်...။ သစ်ရွက်နုလေးတွေကို ပါးပါးလှီးပြီး ခေါက်ဆွဲလုပ်တယ်...။ ခေါက်ဆွဲရေဖျော်ဖို့ ဇကာစစ်ကို ပုလင်းအဖုံးတခု ကိုအပေါက်လေးတွေဖောက် ၀ါးချောင်းသေးသေးကိုထိပ်လေးခွဲပြီး အဲအဖုံးမှာညှပ်လိုက်တယ် ဒါဆိုလက်ကိုင်လေးဖြစ်သွားပြီ ။  မြေနီတွေကိုအရည်ဖျော်ပြီး လက်ဖက်ရည် လုပ်ရောင်းတယ်...။  ခြံနောက်ဖေးက နွေဦးမပေါက်ခင် သရက်ပွင့်လေးတွေမွှေးလာကြပြီဆို သရက်ပွင့်ကြွေလေးတွေဟာလည်း ကျွန်မတို့အိုးပုပ်ကစားစရာအတွက် ဟင်းတစ်မယ်ဖြစ်ခဲ့တယ်..။ ခြံစည်းရိုးနားက ဘောင်ဘောင်သီး (အဲလိုခေါ်တယ်ထင်တာပဲ ၀ါးပြောင်းထဲထည့်ပြီး သေနပ်ပစ်သလိုဖေါက်ကြတာလေ) အဲအသီးမှည့်ပြီဆို ခူးပြီး ရည်ထဲထည့်စိမ်ထားရင် ပန်းခရမ်းရင့်ရောင်လေးရတယ် အဲဒါကို ဖျော်ရည်လေးလုပ်တယ်..။ သူ့အရွက်ကိုချေပြီး ရေဖျော်ရင်လဲ ချွဲပစ်ပစ်အစိမ်းရောင်အရည်ရတယ် သူ့ကိုလည်း ဖျော်ရည်လုပ်ပေါ့...။ အဲကတည်းက ဟင်းချက်ဝါသနာဆိုတာလည်း ပါလာခဲ့ပြီလေ...။ ကျွန်မ အိုးပုပ်ကို ဆယ်တန်းအောင်တဲ့အထိ ကစားခဲ့တယ်ဆို ယုံကြမလား...။ ဆယ်တန်းအောင်လို့ အိမ်ကိုခြောက်လပြန်နေတော့ ညီမလေးနဲ့အိမ်မှာဆော့သေးတယ်...။ ကျွန်မနဲ့ ကျွန်မညီမအငယ်ဆုံးက ကိုးနှစ်ကျော်ဆယ်နှစ်ကွာပါတယ်။

လွန်ခဲ့တဲ့ ဆယ်ရှစ်နှစ်ကျာ်လောက်က မေမေ စလုံးမှာ အလုပ်သွားလုပ်တော့ အရုပ်ကြိုက်တဲ့ ကျွန်မကို မေမေက Mc.Donald မှာ  မုန့်တွေဝယ်စားပြီး ဘာဘီရုပ်လေးရအောင်ယူခဲ့ပေးတယ်...။ အဲဘာဘီရုပ်လေးကို ကျွန်မခုထိသိမ်းထားတုန်းပဲ...။ ကျွန်မငယ်ငယ်က အဖွားအမှိုက်ပုံးထဲစွန့်ပစ်လိုက်တဲ့ ဘိုမရုပ်ထက်တော့ ပိုလှပိုချောပိုခေတ်မှီပေါ့...။ ကျွန်မဟာ အရုပ်ဆော့ရမယ့်အရွယ်မဟုတ်တော့ပေမယ့် ဘာဘီလေးကိုကြည့်ပြီး ငယ်စဉ်က ကျွန်မရဲ့ ဘိုမလေးကို တော်တော်လေးလွမ်းသွားခဲ့တယ်...။ ဘာပဲဖြစ်ဖြစ် ဘိုမလေးဟာ ပထမဦးဆုံး ကျွန်မကလေးဘ၀မှာ ကျွန်မစိတ်ချမ်းသာပျော်ရွှင်ဖို့ ကျွန်မအတွက် ကစားဖော်လေးအဖြင့် အချိန်အတိုင်းတာတစ်ခုထိ ဖြည့်ဆည်းပေးနိုင်ခဲ့လို့လေ...။


မိုးငွေ့

Friday, 24 January 2014

အိမ်လုပ်စတော်ရေခဲမုန့်နဲ့စတော်ဒိန်ချဉ်.....

 

ဒီနှစ်ရန်ကုန်မှာ စတော်ဗယ်ရီသိပ်ပေါတယ် ဈေးလဲမဆိုးဘူး အလုံးလေးတွေပိုသန့်လာတယ် ...။ ခါတိုင်းနှစ်တွေလို ၀ါးခြင်းထဲဖက်ခုပြီး အပုပ်တွေအောက်ခံရောင်းတာမျိုးမဟုတ်တော့ဘူး...။ ဘာပဲဖြစ်ဖြစ် အလုံးသန့်ချည်းထည့်ရောင်းတော့ ဈေးကြီးလဲ စားသုံးသူက အားရကျေနပ်တယ် တန်တယ်ထင်ပြီး ၀ယ်ကြတာပဲမဟုတ်လား...။ ခါတိုင်း ပေါ်ခါစဆို တခြင်းထောင့်ငါးရာလောက်ရှိတယ် ခုတစ်ခြင်းကို ရှစ်ရာတစ်ထောင်အဲလောက်ပဲ အလုံးလေးတွေက ပိစိကွေးတွေမဟုတ်တော့ အလုံးသန့်သန့်ကြီးကြီးတွေ ချိုလည်းအားကြီးချိုတယ်...။ အသီးကမာမာကြီးမဟုတ်ဘူး ပျော့တယ် သဲစင်အောင်ရေသေချာဆေးစစ်ပြီး လက်ဖျော်မယ်ဆို ဓါးနဲ့လိုသလိုလှီးပြီး သကြား ဒိန်ချဉ်ရောပြီး ခပ်ပစ်ပစ် ဖျော်သောက်ပါလေ..။ နှစ်ခြင်းဆို လူငါးယောက်စာရတယ်...။ သို့မဟုတ်လည်း ဒီတိုင်းလေး ရေခဲသေတ္တာထဲ အလုံပိတ်ဗူးလေးနဲ့အအေးခံပြီး သကြားလေးနဲ့တို့စားစား ဒီတိုင်းလေးပဲကိုက်စားစားကောင်ပါ၏။



 

ကိတ်မုန့်ကို ပိတ်ရက်မှာ အားရင်အားသလို စမ်းလုပ်ကြည့်နေတယ်...။ ဒီတစ်မျိုးက ထောပတ်သီးကိတ် ဘိုလိုတော့ Avocado pound cake လို့ခေါ်တာပဲ...။ ထောပတ်နဲ့နို့ကိုဖျော်စက်နဲ့မွှေပြီးသပ်သပ်ထား သကြား ထောပတ် ဂျုံ ပြောင်းဂျုံမှုန့် မုန်ဖုတ်ဆိုဒါ စတာတွေချင်ထားလိုက်တယ်..။ ထောပတ်နဲ့သကြား သစ်ခွအရသာတို့ကို ခရင်မ်ဖြစ်တဲ့အထိ စက်နဲ့မွှေ့ ပြီးတာနဲ့ ကြက်ဥကိုတစ်ကြိမ်တစ်လုံးဆီထည့်မွှေမယ် သမသွားမှ ကြိတ်ထားတဲ့ထောပတ်သီးနဲ့နို့ထည့်မယ် သေချာသမအောင်မွှေပြီးရင် ဇကာစစ်ထားတဲ့ဆား ဂျုံနဲ့အမှုန့်တွေအားလုံးထည့်ပြီး အနှေးနှုန်းနဲ့မွှေပေးနေမယ်...။ မုန့်ဖုတ်မယ့်ခွက်ထဲကိုထည့်ပြီး 180 ကြိုတင်အပူပေးထားတဲ့ မုန့်ဖုတ်ဖိုထဲ 45 မိနစ်ဖုတ်မယ်...။ သွားကြားထိုးတံလေးနဲ့ထိုးစမ်းကြည့်ပြီး မညစ်ပေဘဲပြန်ထွက်လာရင် ရပါပြီရှင်...။

Avocado Pound cake 

*makes a loaf pan Flesh of 1 Avocado 50ml milk 125g butter, softened 150g sugar 1/2tsp vanilla extra 2 eggs 200g cake flour 40g Polenta (fine corn meal) 1/2tsp baking powder 1/2tsp baking soda 1/4tsp salt Method 1. Blend avocado flesh together with milk, set aside. 2. Beat butter, sugar and vanilla until light and creamy. 3. Add in eggs one at a time, beating well after each addition. 4. Put in avocado milk mixture, combine well. 5. Add in flour, Polenta, baking powder, baking soda and salt, mix well. 6. Bake in a pre-heated oven at 180c for 45 minutes or until done when tested with a skewer.


အိမ်နားချင်းကအစ်မတွေဆီသွားတော့ သူတို့အိမ်မှာ ငှက်ပျောချဉ်တစ်ခိုင်ကြီးတွေ့တာနဲ့ တောင်းခဲ့တာ ဆယ်လုံးလောက်ဖြုတ်ခဲ့တယ် သူတို့က တခိုင်ဖြတ်ယူသွားတဲ့...။ အဲငှက်ပျောချဉ်ကိုအခွံခွာ အဖုံးလုံတဲ့ ဗူးထဲထည့်ပြီး ခဲခန်းထဲခဲထားလိုက်တယ်...။ အမေက ဒိန်ချဉ်ဖျော်ဖို့စတော်ဗယ်ရီကို သကြားနဲ့နှပ်ထားတာကို နဲနဲယူပြီး သူ့လဲခဲထားလိုက်တယ်...။ တစ်ညသိပ်ထား လိုက်တယ်ပေါ့...။ နောက်နေ့ကျမှ ခဲထားတဲ့ ငှက်ပျောခုနှစ်လုံး စတော်ဗယ်ရီလက်တဆုပ်စာနဲ့ သကြားခုနှစ်ဇွန်း နွားနို့ 50ml ရောပြီးဖျော်စက်ထဲကြိတ်လိုက်တယ်...။ ပုံထဲကအတိုင်းပစ်ပစ်လေးရတယ် အဲဒါကို ခွက်ထဲထည့်ပိတ် ပြန်ခဲထားနောက်တစ်ညပေါ့...။ ညမသိပ်ချင်လဲ ငါးနာရီခဲပြီးရင် စားလို့ရပါပြီ။


Freezer ထဲက သန့်ရှင်းလတ်ဆတ် လည်ချောင်းနာရမှာလည်းမပူရတဲ့ အိမ်လုပ်ငှက်ပျောစတော်ရေခဲမုန့်လေးကို ကြိုက်ရာပန်းကန်ခွက်ယောက်ထဲထည့်ပြီး သုံးဆောင်လို့ရပါပြီ

 ဒါက စတော်ဗယ်ရီချည်းလုပ်ထားတဲ့ ရေခဲမုန့်

ပျော်ရွှင်ချမ်းမြေ့သော ပိတ်ရက်လေးဖြစ်ပါစေ...း)

မိုးငွေ့

Monday, 20 January 2014

စနိုးဝှိုက်.....


ကိုယ်အမြဲပြောဖူးခဲ့ပါတယ်.... မင်းဟာ ဆောင်းရာသီရဲ့ နှင်းပွင့်ဖြူဖြူလေးတွေနဲ့တူတယ်လို့...။

ဟုတ်တယ်...အိန်ဂျယ်... နှင်းပွင့်လေးတွေလိုအေးစက်ဖြူဖွေးနေတာ ပြီးတော့ စူးရှမှုမရှိ မာယာတွေမရှိတဲ့ လုံးဝအဖြူထည် စနိုးဝှိုက်လေးပါ....။

မင်းအသားတွေက နှင်းတွေလိုဖြူတယ် မင်းနှလုံးသားတွေက နှင်းတွေလိုအေးစက်တယ်.....။ မင်းနှုတ်ခမ်းတွေကတော့ နွေးထွေးလိမ့်မယ်လို့ကိုယ်ထင်တယ်...။

ခုလို နှင်းတွေကျနေတဲ့အချိန်မှာ မင်းနွေးနွေးထွေးထွေးမှရှိရဲ့လား.....?

ကိုယ့်ရဲ့စကားလုံးတွေကို မင်းလာဖတ်ကြည့်လိုက်တဲ့တဒင်္ဂအတွင်း အေးစက်နေတဲ့မင်းနှလုံးသားကိုနွေးထွေးသွားစေတယ်ဆို ကိုယ်ကျေနပ်တယ် အိန်ဂျယ်....။

မိုးငွေ့

Friday, 17 January 2014

အချစ်တွေဆီက.....

နှစ်ပတ်လည်တစ်ခုအတွက်ရတဲ့လက်ဆောင် ကလေးနာရီပေမယ့် အဲလို စပေါ့စတိုင်လ်ကိုကြိုက်တယ်
မြန်မာရင်ဖုံးဝတ်တယ် အဲနာရီပတ်တယ် ...း)  (မမချစ်ညီမစစ်စစ်လေ)


 ၀မ်းကွဲညီမလေးလက်ဆောင်ပေးတဲ့ ဘိုလို ကလာ့ခ်ျဆိုလား ဘာလားခေါ်တဲ့ ပွဲထိုင်ပိုက်ဆံအိတ်ကလေး

ညီမတော်တ၀မ်းကွဲနောက်တစ်ယောက်ကပေးတဲ့ မျက်ရစ်ဆွဲအစိုရည် ဘော်ဘီဘရောင်းမိတ်ကပ်တောင့် ရေမွှေး

 ဒါက ကွကိုယ်ဝယ်သည် Parkson shopping mall က
 (Quick Silverဆိုင်က) Roxy လက်ကိုင်အ်ိတ်

 ဒါလည်း Parkson ကပဲ နှင်းဆီပန်းရင်ထိုးလေးပြောပါတယ် ဘီးကုတ်လေးတွေက Spirit က

 Spirit မှာ အမှန်တော့ ဂျူးစာအုပ်အသစ်သွားရှာတာ မရလို့ စာရေးကိရိယာတန်းပတ်လိုက်တာ အဲဒါတွေပါလားတယ် Handy Note book ကတော့ အွန်လိုင်းကမှတ်စရာ ချက်နည်းပြုတ်နည်းဖုတ်နည်း Recipe တွေကိုမှတ်ဖို့

 Bobby Browm  မိတ်ကပ်တောင့်လေးက နံပါတ် 5 Honey ဖြစ်တယ် ကိုယ့်အသားရောင်က နဂိုက အဖြူမဟုတ် အညိုဆိုတော့ တော်တော်လေးအဆင်ပြေတယ် အသားနဲ့တရောင်တည်းဖြစ်နေလို့ ကြိုက်တယ်။ Eyes Liner အရည် (ထောင်ထားတဲ့တစ်ခု)က ဆွဲပြီးရင် အရောင်ကခြောက်သွားတယ် Matte ကာလာပေါ့ ဆွဲလို့ကောင်းတယ် လှဲထားတဲ့တခုက မစမ်းရသေးဘူး

 အဒေါ်တစ်ယောက် ဗုဒ္ဓဂါယာကအပြန်လက်ဆောင်တဲ့  ကုလားမလက်ကောက်ကွင်းတွေ



ပျော်ရွှင်သော ပိတ်ရက်လေးဖြစ်ပါစေ...း)

မိုးငွေ့

Tuesday, 14 January 2014

ပန်းမဟုတ်သောပန်းတစ်ပွင့်ရဲ့ရင်ဖွင့်သံ.....




မြူနှင်းတွေစဲပြီ အိန်ဂျယ်……။

သည့်တိုင်…မင်းရောက်မလာခဲ့ပါဘူး……။ ကိုယ့်ဆီကို ဘယ်တော့မှပြန်ရောက်မလာတော့တဲ့ မင်းကို ဘာ့အတွက်ကြောင့်နဲ့ ကိုယ်မျှော်လင့်နေရသေးသလဲလို့ သူတို့တော့မေးကြတော့မှာပဲ…။ ကိုယ်ဘယ်လိုဖြေလိုက်ရမလဲ…..??

ဘာလိုလိုနဲ့ မင်းနဲ့ကိုယ်စဆုံခဲ့တာ သုံးနှစ်တင်းတင်းပြည့်တော့မယ် … ဒါပေမယ့် မင်းကိုယ့်အနားကနေ အပြီးပိုင်ခွဲခွာသွားခဲ့တာတော့ ဒီနေ့ဆိုဆယ့်လေးလတိတိရှိခဲ့ပြီ…။ ဘာကြောင့် (၁၄)ရက်နေ့ဆိုတဲ့ နေ့စွဲဟာ… ကိုယ့်အတွက် မင်းထားရစ်ခဲ့တဲ့ နေ့စွဲဖြစ်နေရတာလဲ….။ 

ကိုယ်ဟာ မင်းအတွက် ချစ်စရာမိန်းမတစ်ယောက်မဟုတ်ခဲ့ဘူး….. ကိုယ်ဟာ မင်းအတွက် ဆွဲဆောင်နိုင်တဲ့ မိန်းမတစ်ယောက်မဟုတ်ခဲ့ဘူး…. ကိုယ်ဟာ မင်းအတွက် ဘာမှအသုံးမကျတဲ့ မိန်းမပဲဖြစ်ခဲ့တယ်….။
မိန်းမ မဆန်တဲ့ကိုယ်…. မင်းချစ်လာအောင် မူနွဲ့မပြတတ်တဲ့ကိုယ်… အေးစက်စက်ထုံပေပေရှိလှတဲ့ကိုယ် အဲဒီကိုယ့်ရဲ့ ဘယ်တော့မှပြုပြင်လို့မရတဲ့ ရှိရင်းစွဲအမူအကျင့်တွေကြောင့် ကိုယ်ဟာ သိပ်ချစ်တဲ့မင်းရဲ့ ထားရစ်ခဲ့ခြင်းကိုခံခဲ့ရတာပါ……။ 

မင်းကတော့ ဒီဆောင်းတတွင်းလုံး ဘုရားကျောင်းရဲ့ဝေယျာဝိစ္စတွေကို ကူလုပ်ရင်း မင်းတို့ဘုရားသခင်ရဲ့အရိပ်အာဝါသအောက်မှာ ပျော်ရွှင်အေးချမ်းနေရောပေါ့….။ 

ဝမ်းသာပါတယ် အိန်ဂျယ်..။

ကိုယ့်စာတွေကို မင်းလာဖတ်သေးလား… ကိုယ်သိချင်လိုက်တာ….။

နာကျင်ခံစားမှုတွေကို ပိုက်ထွေးရင်း မိန်းမတစ်ယောက် ယနေ့ထိတိုင်ကြေကွဲလွမ်းဆွတ်နေဆဲ ဆိုတာ မင်းသိနိုင်ကောင်းပါရဲ့….။

နာကျင်မှုတွေဆိုတာ မင်းပေးခဲ့တဲ့လက်ဆောင်မဟုတ်ပါဘူး…။ ကိုယ်ကိုယ်တိုင် ပွင့်ရိုက်စက္ကူလှလှလေးနဲ့ အဲဒီနာကျင်မှုတွေကိုထုပ်ပိုး ဖဲကြိုးလှလှလေးနဲ့ချည်ခဲ့တာပါ….။

ယုဇနပန်းတွေဖွေးခနဲ ချုံလိုက်ပွင့်နေကြပြီ အိန်ဂျယ်….။
ကိုယ်ဟာ ပန်းမချစ်တတ်တဲ့ မိန်းမမဆန်တဲ့မိန်းမတစ်ယောက်ပါ….။ ဒါပေမယ့် အဲဒီပန်းပွင့်ဖြုဖြူသေးသေးမွှေးမွှေးလေးတွေကိုမြင်တိုင်း မင်းကိုမြင်ယောင်မိတယ် နင့်နဲစွာသတိရမိတယ်…။ မင်းဟာလည်း အဲဒီပန်းကလေးလို ဖြူဖြူလေးမို့လေ….။

မိုးငွေ့


Monday, 13 January 2014

ဇီချွမ်ပဲပြားဝက်သားကြော်.....

 
ဝတ်ရည် Food House နည်းလေးအတိုင်းကြော်ထားတဲ့ ဇီချွမ်ပဲပြားဝက်သားကြော်

ဝက်သားကြိတ်သား 200ဂရမ် ဂျပန်ပဲပြားနှစ်ခု ကြက်သွန်မှိတ် ဇီချွမ်ငရုတ်ကောင်းမှုန့်

ကြက်သွန်ဖြူသုံးမွှာနုတ်နုတ်စင်း ပဲငပိထမင်းစားဇွန်းနှစ်ဇွန်း ငရုတ်သီးပွတောင့်တစ်ခု

ဆီဟင်းခတ်ဇွန်းကြီးတစ်ဇွန်းပူလာရင် ကြက်သွန်ဖြူနဲ့ ငရုတ်သီးထည့်ကြော် မွှေးလာရင် ၀က်သားထည့်ကြော်ပါမယ်...။ ပဲငံပြာရည်ကြည်ထည့်ကြော်မယ် ဇီချွမ်ငရုတ်ကောင်းကို လက်ဖက်ရည်တစ်ဇွန်းပဲထည့်ရင်တော်ပြီ...။ သူက အနံ့ပြင်းပြီး အရသာကရှတတမို့ များများထည့်လို့မသင့်ပါဘူး...။ အနံ့လေးပါရုံပေါ့...။

ဝက်သားအရေခြောက်လာရင် ပဲငပိထည့်ပြီး ရေလေးနဲနဲထည့်နှပ်မယ်

ပြီးတာနဲ့ပဲပြားထည့်နှပ်မယ်...ပဲငပိက အငံပါပြီးသားမို့ အပေါ့အငံမြည်းပြီးမှ လိုမှဆားထည့်ပါလေ...

ကြာသပတေးဆွမ်းအတွက်ချက်ဖြစ်တဲ့ ဇီချွမ်ပဲပြားဝက်သားကြော်+မျှစ်ချဉ်ကြက်တောင်ပံဟင်းရည်+ကုလားပဲထောပတ်အချိုပဲ+သစ်သီးစုံ


မိုးငွေ့

Saturday, 11 January 2014

ချည်နှောင်လှည့်ပါ….



 
            ဂူဂယ်လ်မှယူသည် 


ကျွန်မနှင့်မောင် အိမ်ထောင်သက် ငါးနှစ်ပြည့်တော့မည်….။ ကလေးယူဖို့ ကျွန်မတို့နှစ်ယောက် သည်ခေါင်းစဉ်နှင့် ဆွေးနွေးသည့်အခါ အမြဲတစေ စကားများရန်ဖြစ်ခြင်းဖြင့်သာ အဆုံးသတ်ခဲ့သည်မှာ အဆန်းတကြယ် မဟုတ်တော့…။ ယခုလည်း ညစာစားပြီး တီဗီထိုင်ကြည့်ရင်းက ဇာတ်လမ်းထဲပါလာသည့် ချစ်စဖွယ် ကလေးဇာတ်ရုပ်ကလေးကို သဘောကျမဆုံးရှိကာ ကျွန်မကပဲ အမှတ်သည်းမရှိစွာ မောင့်ကို စပြောခြင်းဖြစ်သည်…။ 

“မောင်… မီတို့ကလေးလေးတစ်ယောက်လောက်ယူရအောင်နော်…. နော်..မောင်”  ကျွန်မက ပြောရင်း အားမလိုအားမရစွာ ဘေးမှာထိုင်နေသည့် မောင့်လက်မောင်းကို ခပ်သာသာလှုပ်လိုက်သည်။ မောင့်လို အသားဖြူဖြူကြည်ကြည်နဲ့ ကျွန်မလိုဆံပင်ခွေလေးတွေနဲ့ မျက်လုံးဝိုင်းဝိုင်း နှုတ်ခမ်းထူထူနဲ့သားကလေး တစ်ယောက်လောက်လိုချင်ခဲ့တာ ကျွန်မအလွန်မဟုတ်ဘူး မဟုတ်လား…။ မောင့်ကိုယ်ပွားလေး တစ်ယောက် ကျွန်မတို့နှစ်ယောက်ကြားထဲ တိုးလာခဲ့လျှင် ဘယ်လောက် ပျော်ရွှင်စရာကောင်းလိုက်မလဲ….။ မောင်နဲ့ကျွန်မတို့ကြား ပို၍ခိုင်မာအောင် ချည်နှောင်ပေးသော သံယောဇဉ်ကြိုးမျှင်လေးလည်းဖြစ်ဦးမည်လေ…။

ကျွန်မတို့နှစ်ယောက်မှာ တကယ်တော့ ကလေးမရခြင်းမျိုးမဟုတ်ဘဲ… မောင်ကိုယ်တိုင်က မလိုချင်ခဲ့လို့သာ ကျွန်မကလေးရူးနေသည့်ကြားက တားဆီးထားရခြင်းဖြစ်သည်…။ သူငယ်ချင်း အိမ်ထောင်သည်တွေကတော့ အဲလို ဆေးစား ဆေးထိုးပါများလျှင် တကယ်ကလေးယူချိန်မှာ ကလေးမရတတ်တော့လို့  ကလေးယူပါလားလို့ စကားဆုံတိုင်း လူချင်းဆုံတိုင်း သတိပေးတတ်ကြသည်..။ နောက်ဆုံးကျွန်မက မောင်မသိအောင် ဆေးထိုးဆေးစားမလုပ်ဖြစ်တော့ဘဲ… ရက်ရှောင်ခြင်းဖြင့်သာ ကလေးမရအောင်တားဆီးခဲ့ရသည်…။ တွေးကြည့်လေ ခါးသီးစွာကောင်းလေပါပဲ…..။ ကျွန်မက ကလေးအင်မတန်ချစ်တတ်သူ ကလေးရူးနေသူလေ…။ သူကတော့ အသိမိတ်ဆွေကလေးတွေကိုတွေ့လျှင်ပင် ချီပွေ့ဖို့မပြောနှင့် လှည့်ပင်မကြည့်တတ်ပေ…။ အဲလောက်ထိ သူအသည်းမာသူတည်း…။ ထူးခြားသည်က ကလေးအများစုမှာ သူ့ကိုတွေ့လျှင် စိတ်ဝင်တစားငေးကြည့်တတ်ကြခြင်းပင်..။ အဲလိုကလေးတွေစိတ်ဝင်စားတတ်တဲ့ သူသာ ကလေးတစ်ယောက်ကို ချစ်ခင်ကြင်နာယုယတတ်လျှင် ဘယ်လောက်ကောင်းလိုက်မည်နည်း…။
တခါက သူ့အစ်မတစ်ဝမ်းကွဲရဲ့ သမီးကလေးကို ပြောမရ၍ ကလေးကို ဟန့်သည့်အနေဖြင့် လည်ပင်းညစ်ဖူးသည်တဲ့…။ ဘုရားရေ…မောင်တော်တော်ရက်စက်တယ် မတော်ကလေးတစ်ခုခုဖြစ်သွားရင် ဘယ်နှယ့်လုပ်မလဲ ပြန်လျော်ပေးလို့ရသည့် ကိစ္စလည်းမဟုတ်…။

“မောင်……. ” ကျွန်မက သံရှည်စွဲခေါ်ပြီး မောင့်ပါးကိုလိမ်ဆွဲလိုက်သည်…။ မောင်က တီဗီကြည့်နေရင်းက စိတ်မရှည်တော့သည့်အကြည့်မျိုးနှင့် ကျွန်မကို မျက်စောင်းလှည့်ထိုးပါသည်…။ တွေ့လား…မောင်ဟာလေ ….။

“မီ..ကလေးတစ်ယောက်လောက်မွေးမယ်နော်…” 
ဒီတစ်ခါတော့ ကျွန်မက ဘေးတစောင်းလှည့်ကာ မောင့်နောက်ကျောထဲလက်ထိုးထည့်ပြီး မောင့်ခါးကိုတအားဖက်ပြီး ခပ်ချွဲချွဲပြောကြည့်သည်….။ မောင်များစိတ်လည်လာလေမလားဆိုသည့် မျှော်လင့်ချက်နှင့်ပေါ့…။ 
မောင်ကျေနပ်အောင် တစ်ယောက်လောက်ဟုသာပြောလိုက်ရသည် တကယ်တမ်းကျွန်မက အမွှာကလေးတောင် လိုချင်သေးတာ…။

“မောင့်လို အသားဖြူဖြူ ပါးပြင်မှာ သွေးကြောစိမ်းမျှင်လေးတွေ ယှက်နေတဲ့ မောင့်နှုတ်ခမ်းလိုမျိုး မောင့်အပြုံးမျိုးရှိတဲ့ သားသားလေးတစ်ယောက်မွေးမယ်ကွာ နော်…” ကျွန်မက ပြောလည်းပြောရင်း မောင့်ပါးပြင်တွေ မောင့်နှုတ်ခမ်းတွေကို လက်ချောင်းတွေနှင့်လိုက်တို့ထိတော့ မောင့်မှာတီဗီကြည့်နေတာကို ကောင်းကောင်းမကြည့်ရ ကောင်းလား
ဆိုပြီး စိတ်တိုလာတော့မည်…။ မောင့်ခါးကိုဖက်ထားသည့် ကျွန်မလက်မောင်းကို မောင့်က တစ်ချက်ဖျစ်လိုက်ရင်း….။

“ကဲ… ကလေးရူးမလေး…. ဇာတ်လမ်းကပြန်စပြန်ပြီလား…. ခုလောလောဆယ်တော့ ကိုယ်ပဲကလေးခဏလုပ်မယ်ဟုတ်လား ကဲဟိုဖက်တိုး ခင်ဗျားလေးပေါင်ပေါ်မှာ ခေါင်းအုံးပြီး ကြည့်မယ် ကျောညောင်းလာပြီ….” တဲ့… သူ့စကားလမ်းလွဲပုံက…။ 

သည်လိုနှင့် ကျွန်မ၏ ကလေးရူးတမ်းချင်း တခန်းရပ်ကာ တီဗီထဲကိုသာမောင်နှင့်အတူ နစ်မျောလိုက်ရသည်…။ ဇာတ်သိမ်းတော့ ကလေးလေးသေသွားတာကိုကြည့်ရင်း ကျွန်မငိုပါတော့သည်..။ နဂိုကမှာ မျက်ရည်မခိုင်သူမို့ ရုပ်ရှင်ကြည့်တိုင်း စာအုပ်ဖတ်တိုင်း ၀မ်းနည်းစရာအရိပ်အယောင်ပြတာနှင့် သူများမငိုခင် ကိုယ်ကကြိုပြီး မျက်ရည်ကျတတ်သူ မဟုတ်လား…။ မျက်ရည်တွေက ကျွန်မပေါင်ပေါ်အိပ်နေသည့် မောင့်မျက်နှာပေါ်ပေါက်ခနဲကျသွားပါလေရော..။

“ဟောဗျာ…ငိုပြီလား..ကလေးကျနေတာပဲ” ဆိုပြီး မောင်က ချက်ချင်းထလိုက်ပြီး ကျွန်မကိုကြည့်ပြီး ရယ်ပါတော့သည်…။ ပြီးတော့ ကျွန်မပါးပြင်ပေါ်က မျက်ရည်တွေကို သုတ်ပေးသည်…။

“မငိုပါနဲ့ကွာ…. ဒီလိုပုံနဲ့ ကလေးအမေဖြစ်ရင် ကလေးငိုတာနဲ့မီကလိုက်ငိုဆို ကလေးကို ဘယ်လိုချော့မလဲဗျ…”

“မောင်ကလည်း မောင်ကူချော့ပေးပေါ့…. မောင့်ကိုဆို ကလေးလေးကသိပ်ချစ်မှာ… ဟုတ်တယ် မောင့်မျက်နှာက ကလေးတွေချစ်တဲ့မျက်နှာမျိုး… မောင်ဘာမှမလုပ်ပြခင် သူတို့က မောင့်အနားမှာ ငြိမ်ကုတ်နေကြမှာ…မောင့်ပြောစကားလည်းနားထောင်မှာ သေချာတယ်….”

“အမလေးဗျာ.. ကလေးကဖြင့်ဘယ်ဆီနေမှန်းမသိ ချက်ချင်းကြီးပဲ ကျွန်တော်က ကလေးအဖေဖြစ်သွားပါလား”

“လုပ်ပါ…မောင်ရယ် ကလေးအဖေလုပ်ပါနော်….နော်…မီ မွေးပေးချင်လွန်းလို့ပါ… မောင်တို့များ ပြောင်းပြန် သူများတွေယောက်ျားက မိန်းမ ကလေးမမွေးပေးနိုင်ရင် နောက်မိန်းမတောင်ယူပြီးမွေးရတာ…”

ကျွန်မက မကျေမချမ်း နှုတ်ခမ်းစူပြီးပြောတော့ မောင်က ကျွန်မနှုတ်ခမ်းကို လက်သီးဆုပ်နဲ့ ခပ်ဖွဖွလာတို့ထိပြီး…

“မောင့်အတွက်က မီရှိရင်လုံလောက်ပြီလေ…..ဘာမှမလိုတော့ဘူး…” တဲ့……။

“မဟုတ်ဘူးလေ မောင်ရဲ့ မောင်မှားနေပြီ… မီက မောင့်အနားတစ်သက်လုံးနေနေမယ်လို့ ဘယ်သူအာမခံမလည်း…. မီ မောင့်အရင်သေချင်သေသွားမှာပဲလေ…..အဲခါကျရင် ဒါမှမဟုတ် အသက်ကြီးလာရင် မီတို့ကို ပြန်ပြီး ပြုစုစောင့်လျှောက်ဖို့ သားသမီးဆိုတာလိုကိုလိုတယ်လေမောင်ရဲ့..”

“အိုခေ အိုခေ… မီ ကိုယ့်ကို ဓါတ်ပြားဟောင်းပဲဖွင့်ပြမှာပဲ… ကိုယ်နားလည်တယ် သဘောပေါက်တယ်… ကိုယ်က တစ်ဦးတည်းသောသားမို့ တကိုယ်ကောင်းဆန်ချင်ဆန်လိမ့်မယ်… မီဖြစ်ချင်တဲ့ ကိစ္စကိုကိုယ်စဉ်းစားပေးမယ် ဟုတ်လား.. ဒီလောက်ဆိုကျေနပ်လား….” တဲ့…။

မဆိုးဘူးလို့ပဲပြောရမလား…… ကျွန်မတို့ အိမ်ထောင်သက်တမ်းတလျှောက်တော့ ကျွန်မမောင်နဲ့ ကလေးယူဖို့ပြောဆိုကြလျှင် ရန်ပွဲနှင့်သာအဆုံးသတ်လေ့ရှိခဲ့တာ ခုတခါတော့ မောင်က စဉ်းစားပေးမယ်ဆိုတော့ အဆင့်တော်တော်တက်လာပြီ ပြောရမည်လား… အသက်ရလာလို့ မောင့်အတွေးတွေ ပြောင်းလဲလာခဲ့လေသလားမပြောတတ်ပါ..။ ကျွန်မအသက် သုံးဆယ်ငါး မောင်က ကျွန်မထက်နှစ်နှစ်ငယ်တော့ သုံးဆယ်သုံး တကယ်ဆို ကျွန်မတို့ ကလေးယူဖို့ တော်တော်တောင် နောက်ကျနေခဲ့ပြီဆိုတာလည်း မောင်ထည့်တွေးသင့်သေးသည်….။ ခုတော့ ကျွန်မ မောင့်ဆီက ထွက်လာမည့်အဖြေကို မျှော်လင့်ချက်ကြီးစွာဖြင့် ရင်ခုန်စွာစောင့်မျှော်ရပေဦးမည်…။

မိုးငွေ့