မိုးငွေ့ဆိုတာ...ကော်ဖီခါးခါးအကြိုက်နဲ့ ဖက်ရှင်တအားမိုက်သူပေါ့...း)

Monday, 3 November 2014

ငါးခူမုန့်ဟင်းခါး.....

 အိမ်ဖြစ်ငါးခူးမုန့်ဟင်းခါး

ဒီမုန့်ဟင်းခါးကို ရန်ကုန်မုန့်ဟင်းခါးလို့ပဲ အလွယ်တကူမှတ်ကြပါစို့...။ ဘာလို့လဲဆိုတော့ ဧရာဝတီတိုင်းမြို့တွေကချက်တဲ့နည်းနဲ့မတူလို့ပါ...။ အဲကမုန့်ဟင်းခါးက အရောင်မပါဘဲ ငရုတ်ကောင်းနိုင်နိုင်သုံးပါတယ်...။ ခုကျွန်မချက်တဲ့ မုန့်ဟင်းခါးကတော့ ကုလားပဲနှစ်နဲ့ငါးခူနဲ့ချက်မှာပါ အရသာက စိန်ဥ ရွှေဥမုန့်ဟင်းရည်လိုအရသာမျိုးလို့ အနီးစပ်ဆုံးပြောလို့ရပါတယ်..။



ခြောက်ယောက်စာအတွက် လိုအပ်တာတွေက ငါးခူနှစ်ကောင် ငှက်ပျောအူတပိုင်း ကြက်သွန်နီဥကြီးနှစ်ဥ နဲ့ကြက်သွန်ဖြူငါးတက်(အနှစ်လုပ်ဖို့) ကြက်သွန်နီဥသေးဆယ်လုံး (ဟင်းရည်ထဲခတ်ဖို့)၊ ဂျင်း၊ စပါးလင်နှစ်ပင်၊ ဆန်လှော်အတွက် ရေဆေးထားတဲ့ဆန်လက်တစ်ဆုတ်စာ ကုလားပဲဗူးတစ်ဝက်၊ မုန့်ဖတ်ငါးဆယ်သားနဲ့ နံနံပင် သံပုရာသီးတို့ဖြစ်တယ်...။ ရွှေလိပ်ပြာမုန့်နှစ်နဲ့ ဗူးသီးတစ်စိပ်ကို ဗူးသီးကြော်လုပ်ဖို့...။


ထုံးစံအတိုင်းငါးခူကိုဆေးပြီး နနွင်းနဲနဲ ငံပြာရည် စပါးလင်းနဲ့ပြုတ်ထားမယ်...။ ဆန်ကိုလှော်ပြီးထောင်းထား..။ ကုလားပဲကိုလဲပြုတ်ပြီးထောင်းထား...။ အနှစ်တွေထောင်းပြီးပြီဆိုရင် ဆီသတ် အနှစ်ဝါရောင်သန်းလာရင် ငရုတ်သီးအရောင်တို့ နနွင်းတို့ထည့် ငါးခူပြုတ်နွင်ထားတာ ထည့်ကြော်..။ အနံ့မွှေးလာရင် စောစောက အဖတ်တွေအားလုံးစစ်ထားတဲ့ ငါးပြုတ်ရည်အိုးထဲထည့်ပြီး တည်ထား ဆူလာရင် ဆန်လှော်မှုန့်ဖျော်ထည့် ပဲထည့် ငပျောအူထည့် အပေ့ါငံထည့်ပြီး ဆက်တည် ဆူလာရင် ကြက်သွန်ဥထည့်ပြီး ကြက်သွန်ကျက်ရင် မုန့်ဟင်းရည်ရပါပြီ...။ ငါးခူအရသာလေးချိုပြီး ပဲအရသာဆိမ့်တဲ့ အိမ်လုပ်ရန်ကုန်မုန့်ဟင်းခါးလေးပေါ့...။ မိမိနှစ်သက်သလို ပဲသီး နံနံပင် ငါးဖယ် ဘဲဥ သံပုရာသီး ငရုတ်သီးမုန့် လိုရာထည့်ပြီးသုံးဆောင်နိုင်ပါတယ်...။ ကျွန်မကတော့ ကောက်ညင်းပေါင်း ထည့်စားရတာကြိုက်တယ်...။ ဗူးသီးကြော် ပဲကြော် ကိုယ့်ဘာသာကိုယ်ကြော်ပါတယ်...။ ဗူးသီးကြော်ကဖြစ်မြောက်ပေမယ့် ပဲကြော်ကတော့ ဂွမ်းသွားပါတယ်...အချပ်မဖြစ်ဘဲ ပဲအကျေကြော်ဖြစ်သွားပါတယ် လက်နဲ့ချေစရာမလို အော်တိုကျေပြီးသား မိုးငွေ့ရဲ့ပဲကြော်ပေါ့...။

မိုးငွေ့

5 comments:

နန်း ရွှေမှုံ said...

မုန့်ဟင်းခါး စားချင်လိုက်တာ။ မုန့်ဟင်းခါးလွယ်လွယ်မရတဲ့နေရာမှာလဲရောက်နေ၊ ကိုယ်တိုင်ကလဲ မချက်တတ်တော့ မစားရဘူး။ မိုးငွေ့ချက်ပြတော့လဲ လွယ်လွယ်လေးပဲ။ ဒီတပတ် ပိတ်ရက်ကြရင် စမ်းပြီး ချက်စားကြည့်အုံးမယ်။ ဖြစ်မလားလို့။ တော်ကြာ ဂွမ်းသွားမှ ဒွတ်ခ။

စံပယ်ချို said...

ဟုတ်တယ်နော် အိုမားလဲ အကြော်ကြော်တာ ရွှေလိပ်ပြာကိုကြိုက်တယ် ကုလားပဲပါတော့ပိုပြီးချိုတာပေါ့

Iora said...

ငါးခူနဲ့ မုန့် ဟင်းခါးစားချင်နေတာ။
အုိုင်အိုရာ

Ashley Myat said...

စားချင်လိုက်တာ မမမိုးငွေ့ရယ်
ဒီမှာက ရယ်ဒီမိတ်ပဲ စားနေရတာ
အိမ်ချက် မုန့်ဟင်းခါးကို စားချင်တယ် :)

Ma Tint said...

မုန့်ဟင်းခါးကို ငါးကျီးနဲ့ချက်ရင် အရသာပိုကောင်းတယ်လို့ တီတင့်ရဲ့ ဖွားဖွားပြောခဲ့ဘူးပေမယ့် အသားပေါတဲ့ ငါးခူနဲ့ပဲ ချက်ဖြစ်တယ် မိုးငွေ့ရေ။ မုန့်ဟင်းခါးဆိုရင် မရိုးမအီအောင်စားနိုင်တယ် ...