မိုးငွေ့ဆိုတာ...ကော်ဖီခါးခါးအကြိုက်နဲ့ ဖက်ရှင်တအားမိုက်သူပေါ့...း)

Wednesday, 22 October 2014

ကြက်ဟင်းခါးသီးပုစွန်ဆိတ်ကလေးနှပ်....

 
ကြက်ဟင်းပုစွန်ဆိတ်ကလေးနှပ်

ခုဈေးထဲမယ် ပုစွတ်ဆိတ်ပိကျိကလေးတွေ သိပ်ပေါတယ်...အဲဒါလေးကို ပုစွန်ပဲကြော်လုပ်စားမလား ကြက်သွန်ကြော်များများနဲ့ ငရုတ်သီးခွဲခြမ်းလေးနဲ့ပဲ အကြွပ်ကြော်ပြီး ပုလင်းထဲသိမ်းပြီးစားမလား ဒါမှမဟုတ် ငံပြာရည်ကြော် လုပ်စားမလား အကုန်ကောင်းတယ်..။ ကိုယ်ကတော့ မြန်မာကြက်ဟင်းခါးသီးလေးတွေ့လို့ ဈေးသည်က ခေါင်းရွက်ပြီးရောင်းနေတာ စည်ပင်လိုက်ဖမ်းလို့ ငါးရာဖိုး ဆယ့်တစ်လုံးနဲ့ယူတဲ့ အဲဒါနဲ့ငါးရာဖိုးဝယ်လိုက်တယ်...။ ပုစွတ်ဆိတ်ကလေး အစိပ်သားနဲ့ရောချက်တယ်။ 


ခါတိုင်း ယိုးဒယားသီးလိုအလုံးရှည်ရှည်နဲ့မဟုတ်ဘဲ မြန်မာသီးကဒီလို လုံးတုံးတုံးလေးတွေ ချစ်စရာလေး...။ အရင်က အခါးသိပ်မစားဘူး အသက်ကြီးလာလို့လားမသိ ခါးသက်တဲ့အရသာကို ခုံမင်တတ်လာတယ်...။ ကိုယ်ချက်တဲ့ Recipe လေးရေးပေးပါ့မယ်..။ ခရမ်းသီးနှပ်နဲ့ခပ်ဆင်ဆင်တူပါတယ်...။

1.ကြက်ဟင်းခါးသီးဆယ်လုံး
2.ကြက်သွန်နီဥကြီး 3လုံး
3.ကြက်သွန်ဖြူ 1လုံး
4.ခရမ်းချဉ်သီး 3လုံး
5.ပုစွန်ဆိတ် အစိပ်သား
6.ဆားလက်ဖက်ရည်နှစ်ဇွန်း
7.ငံပြာရည်စားပွဲတင်ဇွန်းတစ်ဇွန်း(မိမိလိုသလို)
8.နနွင်းနဲနဲ
9.ငရုတ်သီးမှုန့်စားပွဲတင်ဇွန်းတစ်ဇွန်း
10.ဆီဟင်းခတ်ဇွန်းကြီးနှစ်ဇွန်း

ကြက်ဟင်းခါးသီးတွေကိုအစေ့ထုတ်ပြီးခပ်ထူထူလေးပိုင်း ဆားရေနဲ့သုံးရေဆေးပြီးစစ်ထားပါ..။ ပုစွန်ဆိတ်ကလေးတွေကိုလည်း အမှိုက်သန့်ရေဆေးပြီးစစ်ထားပါ..။ ကြက်သွန်ဖြူနီထောင်းထားတာကို ဆီသတ်ပါ ...နီရောင်သန်းလာရင် နနွင်း ငရုတ်သီးအရောင်မှုန့်ထည့် ဆားထည့် အစေ့ထုတ်ပြီး ခရမ်းချဉ်သီးသေးသေးနုတ်နုတ်လှီးထား တာကိုထည့်ကြော်ပါ...။ ခရမ်းချဉ်သီးအရေခြောက်ရင် ပုစွန်ဆိတ်ထည့်ကြော် ပုစွန်မွှေးလာတာနဲ့ ကြက်ဟင်းခါးသီးထည့် ငံပြာရည်ထည့် သေချာမွှေပေးပြီးရင် မီးလျှော့ပြီး အဖုံးအုပ် 15မိနစ်လောက်နှပ်ထားပါ...။ ဆီပြန်လာရင် အပေ့ါငံမြည်းပြီးတာနဲ့ရပါပြီရှင့်...။ ထမင်းပူပူလေးနဲ့နယ်စားကောင်းမှကောင်းပဲ...း))

မိုးငွေ့

4 comments:

Thu said...

ခုတလောအမေချက်ကျွေးနေကျဟင်း :D
ခြံထဲကကြက်ဟင်းခါးသီးတွေပေါတယ်။ပုစွန်တွေပေါတယ်ဆိုပြီး ခဏခဏကြော်ကျွေးနေတယ်။ငယ်ငယ်တုန်းကတော့ကြက်ဟင်းခါးသီးလုံးဝမကြိုက်ဘူး။ခုတော့အမပြောသလိုပဲအသက်ကြီးလာလို့နေမှာ ကြိုက်မှကြိုက်

Ma Tint said...

ကြက်ဟင်းခါးသီးကို ပုစွန်ခြောက်နဲ့ပဲ နှပ်ဘူးတယ် ဒီတစ်ခေါက် မိုးငွေ့နည်းလေးနဲ့ နှပ်စားကြည့်မယ် ♥♥♥

စံပယ်ချို said...

ဘယ်လိုလေးချက်ချက် ကြော်ကြော်အားလုံးကြိုက်တယ်(ခါးတဲ့အရသာကိုသဘောကျနေမိသူ)

Iora said...

အဲဒါဟုတ်မယ်။
အသက်ကပိုပိုကြီးလာတော့ပိုပိုကြိုက်လာတယ်။
အဲလိုမြန်မာသီးလေးတွေကအင်ဒီးယန်းဆုိုင်သွားမှရတယ်။
သွားတုိုင်းဝယ်ဖြစ်တယ်။
ဝယ်ဖြစ်တုိုင်းတော့မချက်ဖြစ်ဘူး။
ပစ်တလှဲ့ ချက်တလှဲ့ ပေါ့။
ခုဝယ်ထားတာလေးရှိနေတယ်။ နောက်နေ့ တော့ချက်ဖြစ်အောင်ချက်မယ်ကွာ။
မိုးငွေ့ ချက်ထားတာမြင်တာနဲ့ စားချင်လာပြီ။
အိုင်အိုရာ