Friday, 9 May 2014

မွေးရပ်မြေသို့(၂)



 

နောက်နေ့မနက်တော့ အဖိုးအတွက် သက်ပျောက်ဆွမ်းကပ်ဖို့ စားစရာမုန့်တချို့နဲ့ ဟင်းတွေကို ဈေးထဲသွားဝယ်ရတယ်…။ ဒီဈေးဟာ ကျွန်မငယ်ငယ်တုန်းက အမေနဲ့အတူ ဈေးရောင်းထွက်ခဲ့ဖူးတဲ့ ဈေးလေးပေါ့..။ ခုချိန်ထိ ပုံစံသိပ်မပြောင်းသေးဘူး…။ ဆိုင်တွေများလာတာကလွဲရင် တောဈေးလေးပါပဲ…။ ဖက်ကလေးတွေနဲ့ ဟင်းသီးဟင်းရွက်တွေထုပ်ပြီး သဘာဝအတိုင်းလေးရောင်း နေကြတုန်းပဲ..။ ကျွတ်ကျွတ်အိတ်သုံးပေမယ့် ဖက်နဲ့အရင်ထုပ်ပြီးမှထည့်ပေးတယ်…။ အဲဒါလေးကိုတော့ သဘောကျမိတယ်…။ ရန်ကုန်မှာလဲ အဲလိုဖြစ်စေချင်လိုက်တာလို့တွေးမိသွားတယ်…။ အဖိုးသက်ပျောက်ဆွမ်းအတွက် ရှမ်းလိုချက်ထားတဲ့ ကြက်ရေကျဲဟင်း၊ ငှက်ပျောဖက်နဲ့ထုပ်ထားတဲ့ငါးခူငါးအုံး၊ ငါးခူငရုတ်သီးထောင်း အစာသွပ်ကြော်၊ ရှမ်းဝက်သားစင်းကော၊ ကောက်ညှင်းပေါင်း၊ ရှမ်းဝက်သားကင်ပေါင်း နဲ့လက်ဖက်ရည်တစ်ခွက် သစ်သီး စတာတွေပါတဲ့လင်ဗန်းနဲ့ ဟင်းခွက်လေးတွေပြင်ဆင် ရေသန့်တစ်ဗူးထည့် ဖယောင်းတိုင်တစ်စုံထည့်ပြီး အဖိုးအိမ်မျက်စောင်းထိုးက ရှမ်းဖုန်းကြီးကျောင်းကို သက်ပျောက်ဆွမ်းကပ်ဖို့ အကုန်သွားကြရတယ်…။ သက်ပျောက်ဆွမ်းလာကပ်သူ ဆွေမျိုးသားချင်းအကုန်လုံး ဘုန်းကြီးကိုဆွမ်းကပ်ပြီး  ဖယောင်းတိုင် တစ်ယောက်တစ်စုံစီ မီးညှိကိုင်ပြီး လက်အုပ်ချီ ဘုန်းဘုန်းရှမ်းလိုရွတ်ဖတ်တဲ့ တရားကိုနာပြီးတာနဲ့ ရေးစက်ချရတယ်..။ ရှမ်းဘာသာနဲ့ရွတ်ကို နားမလည်ပေမယ့်… ဘ၀တပါးပြောင်းသွားသူအတွက် ကောင်းမွန်ရာဘုံဘ၀ကိုရောက်ဖို့ ဒီနေရာမှာ စွဲကပ်မနေဖို့ အမျှအတန်းပေးဝေတာပါပဲ…။ ဒါပေမယ့် ရှမ်းဘုန်းကြီးတွေက အမျှ အမျှ အမျှလို့တော့ မရွတ်ဘူး… ကိုယ်တွေပဲနားမလည်တာလား…။ နောက်ဆုံး ရေစက်ချပြီးတော့ သာဓုခေါ်တာတော့ပါတယ်…။



ရှမ်းထုံးစံမှာ လူတစ်ယောက်သေဆုံးပြီဆိုတာနဲ့ ဆွေမျိုးမိတ်သင်္ဂဟတွေအားလုံးကို ဖိတ်စာနဲ့တကွဖိတ်ရပါတယ် သဂြိုလ်မယ့်နေ့မှာ အားလုံးတက်ရောက်ဖို့ အဲဒီနေ့ဟာ စည်စည်ကားကားနဲ့ ထမင်းဟင်း အအေးအစုံကျွေးပါတယ်…။ တကယ့်အလှူကြီးပါပဲ ရွာလုံးကျွတ် ရွာနီးချုပ်စပ်အကုန်လာကြတယ်..။ အဖိုးကိုမြေချဖို့ သားသမီးတွေကိုစောင့်တာနဲ့ ငါးရက်ထားတယ်..။ နောက်ဆုံးမြေချမယ်နေ့ကမှာ လာသမျှဧည့်သည်တွေက ရောက်လာတာနဲ့ အဖိုးအခေါင်းခြေရင်းမှာ အမွှေးတိုင်တစ်တိုင်စိုက်ထွန်းပြီးတာနဲ့ အလှူပုံးထဲကို အလှူငွေထည့်ရတယ်…။ နာရေးအကူငွေပေါ့…။ အဖိုးကိုမြေချတော့ အဖိုးကိုယ်ပိုခြံထဲမှာပဲ သူဆောက်ထားပြီးသား အုတ်ဂူမှာ ခေါင်းသွင်းလိုက်ရုံပဲ…။ ခြံထဲမှာလဲ လိုက်ပို့တဲ့ ဧည့်သည်တွေက ရာချီတယ် အပြည့်ပဲ… အဲမှာ အအေးဗူးတွေ ရေသန့်တွေဝေပေးရတယ်…။ ဂူမသွင်းခင် ဘုန်းကြီးတွေက သရဏဂုံတင် ရွတ်ဖတ်ကြသေးတယ်…။ ပြီးတာနဲ့ အဖိုးအခေါင်းပေါ်ကို သားသမီးတွေအားလုံး လှူဖွယ် သင်္ကန်းငါးစုံနဲ့ မျက်နှာသုတ်ပုဝါတွေကို ကန်တော့ဖို့ တိုင်ပေးတဲ့သူက တစ်ဦးချင်းဆီ နာမည်ခေါ်တာနဲ့ လှူဖွယ်ပစ္စည်းတွေကို သွားတင်ပြီး ကန်တော့ရတယ်…။ သားသမီးတွေပြီးတာနဲ့ ဆွေမျိုးတွေ ရင်းနှီးတဲ့မိတ်ဆွေတွေကို ဆက်ခေါ်ပြီး အဲလိုအလှူပစ္စည်းတွေကို အခေါင်းပေါ်တင်ကြရပြန်တယ်..။ အားလုံးပြီးသွားတော့ အခေါင်းဖွင့် အဖိုးမျက်နှာပေါ်ကို အုန်းသီးခွဲပြီး အုန်ရည်နဲ့လောင်းတယ်…။ အခေါင်းပြန်ပိတ်ပြီးတာနဲ့ ဂူသွင်းလိုက်ပြီ…။ အဲခါမှာ သဂြိုလ်ခြင်းကိစ္စပြီးသွားလို့ လိုက်ပို့ကြတဲ့ ဧည့်သည်တွေလည်း ပြန်သွားကြပြီ…။ ကျန်ဆွေမျိုးသားသမီးများကတော့ ဂူကို အင်္ဂတေနဲ့ပိတ်ဖို့ကိစ္စကို ဆက်လုပ်ရပါတယ်…။ ဒီနေ့တော့အကြမ်းပဲပေါ့…။ နောက်တော့မှ အဖိုးအုတ်ဂူကို အချောသတ် ကျောက်ပြားတွေကပ် ကမ္ဗည်းထိုးတာတွေကိုဆက်လုပ်ကြမှာ…။ အဖိုးကိုမြေချတာက မေ(၁)ရက်နေ့…။ 


 ရှမ်းထုံးစံအရတော့ အားလုံးပြီးသွားပြီဆိုပေမယ့်… ကျွန်မတို့က မြန်မာလို ရက်လည်ဆွမ်းလည်းကျွေးချင်သေးတာမို့ တာလေစစ်တပ်ရှေ့ အုတ်ကျင်းရွာက မြန်မာဘုန်းကြီးကျောင်းကို သွားပြီး ဘုန်းကြီးကိုလျှောက်ကြတယ်…။ ရက်လည်က စနေနေ့ မေ(၃)ရက်နေ့ကျတယ်…။ လူငါးဆယ်စာဆွမ်းဟင်းတွေကို ချက်ပြုတ်တာဝန်ခံတဲ့ အဖွဲ့ကို သေချာမှာခဲ့လိုက်တယ်…။ အဲနေ့တော့ ကျွန်မတို့တွေ အဖိုးအိမ်မှာမအိပ်တော့ဘဲ တာချီလိတ်ကို ဆက်သွားလိုက်တယ်…။ ရက်လည်အတွက်လိုအပ်တဲ့ အလှူပစ္စည်းတွေကို တာချီလိတ်နဲ့ မယ်ဆိုင်ဖက်ကမ်းတွေမှာ သွားဝယ်ကြရတယ်…။ မယ်ဆိုင်မှာပဲလိုတာအကုန်ဝယ်လိုက်ကြတယ်…။ တာချီလိတ်မှာ နှစ်ညအိပ်ပြီး စနေ့မနက်စောစောကျမှ တာလေကိုသွားကြတယ်…။ ဟိုရောက်တော့ ဘုန်းကြီးကျောင်းမှာ ချက်ပြုတ်ပြီးနေကြပြီ…။ မန်းကအဒေါ်က သူပါလာတဲ့ ငါးပိကြော်ဗူးတွေ ထိုးမုန့်တွေ လက်ဖက်တွေနဲ့ အချိုတည်းဖို့ပေးတယ်…။ ဘုန်းကြီးငါးပါးနဲ့ ရွတ်ဖတ် ရေစက်ချအမျှပေးပြီး တရားနာပြီးမှ ဆွမ်းစားဆောင်မှာ ဆွမ်းကပ်တယ်..။ ကျောင်းထိုင်ဘုန်းကြီးက ခင်္ရီးသွားနေလို့ ယာယီကျောင်းထိုင်ကိုယ်တော်ရယ် ငါးပါးပြည့်အောင် တခြားကျောင်းကပင့်ထားတဲ့ ဘုန်းဘုန်းတွေပါတယ်…။ ကိုရင်လေးတွေက ခုနှစ်ပါး…။


ရက်လည်ဆွမ်းကပ်တဲ့နေ့က ဘုန်းကြီးငါးပါးအတွက်လှူဖွယ်ပစ္စည်းတွေ

ဆုတောင်းပြည့်လန့်တောင်းဘုရား

ကျွန်မတို့ငယ်ငယ်တုန်းက လေးတန်းကနေ ကိုးတန်းထိ အဲအဆောင်မှာစာသင်ရတယ်



ရက်လည်ဆွမ်းကပ်ပြီးတော့ တာလေမြို့ထဲကို ခဏသွားလည်ကြပြီး တာလေနဲ့ခုနှစ်မိုင်လောက် ထပ်သွားရတဲ့ တန်ခိုးကြီးဆုတောင်းပြည့် လန့်တောင်းဘုရားကို သွားဖူးကြတယ်….။ ဘုရားကအပြန် တာလေကိုထပ်ဝင် ဓါတ်ပုံတွေရိုက် ကျွန်မတို့နေခဲ့တဲ့ ငလျင်တုန်းကပြိုပြီး အသစ်ဆောက်ထားတဲ့ အိမ်ကိုဓါတ်ပုံရိုက်.. သူငယ်တန်းတုန်းကတည်းက ကျွန်မရဲ့မြန်မာစာဆရာမကို သွားကန်တော့ ကျောင်းဝင်းထဲက ကျွန်မတို့ကျောင်းတက်ခဲ့တဲ့ တစ်ခုတည်းသာ ကျန်တော့တဲ့ ကျောင်းအဆောင်အဟောင်းကို ဓါတ်ပုံရိုက်ပြီး ကျွန်မငါးတန်းတုန်းက အင်္ဂလိပ်စာသင်တဲ့ ဆရာကိုလည်းဝင်ကန်တော့ခဲ့ရတယ်…။ ငယ်တုန်းကဆရာ ဆရာမတွေက ဒီနှစ်ယောက်ပဲ ဒီမှာရှိနေကြတာ ပင်စင်လည်းယူကုန်ကြပြီလေ…။ ကျောင်းဝင်းထဲမယ် အဆောက်အဦအသစ်တွေချည်းပဲ…။ ကျောင်းပြန်လည်ပြုပြင်ထိန်းသိမ်းရေးရံပုံငွေကောက်တဲ့အဖွဲ့က ဦးလေးတစ်ယောက်က ကျွန်မမွေးနေ့တုန်းက လှူခဲ့တဲ့အလှူမှတ်တမ်းလွှာပေးလိုက်သေးတယ်…။ ပြီးတော့ တာချီလိတ်ကိုပြန်လာခဲ့ကြတယ်…။ ကျွန်မ မကာဟိုခမ်းရပ်ကွက်မှာရှိတဲ့ အဒေါ်အိမ်မှာပဲတည်းတယ်…။ မရောက်တာကြာတော့ မစားဖြစ်တာကြာပြီဖြစ်တဲ့ ရှမ်းစာတွေလျှောက်စားတယ် ..။ တာလော့ရပ်ကတော့ အစည်ဆုံးပဲ မယ်ဆိုင်တံတားကူးပြီးတာနဲ့ တာလော့ပဲ…။ အဲမှာ တရုတ်ပစ္စည်းတွေအများဆုံးပဲ…။ ဟိုဖက်ကနေကူးလာတဲ့ထိုင်းတွေက ဒီဖက်မှာ အဲပစ္စည်းတွေကို ၀ယ်ကြတယ်…။ ဘရန်းအတုတွေအစုံ ယောင်္ကျားဝတ်ရှပ် စပို့ရှပ်…။ ခရီးဆောင်အိတ်သေတ္တာနဲ့ ပိုက်ဆံအိတ်တွေကလည်း ပေါခြင်းသောခြင်းပါပဲ…။ ဟိုဖက်ကမ်းက ထိုင်းအ၀တ်အစား အသုံးအဆောင်တွေကတော့ နယ်မြို့မို့ထင်တယ် ရန်ကုန်လောက်တောင်မစုံပါဘူး…။ ဒီဇိုင်းတွေကလည်း တုံးသေးတယ်…။



တာချီလိတ်မှာသုံးညအိပ်ပြီးမှာ ရန်ကုန်ပြန်ခဲ့တာ…။ တနလာင်္နေ့ ချင်းရိုင်းခရိုင်မှာလှုပ်ခတ်သွားတဲ့ ၆အဆင့်ရှိတဲ့ မြေငလျင်လှုပ်တော့ တာချီလိတ်မှာ အဖျားခတ်တာခံရတယ်…။ အဲညနေက ကျွန်မတို့ အပြန်မထွက်ခင် ရေမိုးချိုးပြီး အဒေါ်တို့အိမ်အပေါ်ထပ် အခန်းထဲမှာရှိနေကြတာ…။ တိုက်ကတော်တော် သိသိသာသာကိုလှုပ်ပြီး အသံမြည်နေတာ… ထပြေးဖို့သတိမရသေးဘဲ ကြောင်ပြီးထိုင်နေတုန်း…။ အဒေါ်က အောက်ကိုပြေးဆင်းလို့ လှမ်းအော်တော့မှ သတိဝင်လာပြီး ပြေးဆင်းကြတာ လှေကားနားရောက်တော့ ငလျင်ကရပ်သွားပြီ…။ ၅လောက်ရှိမယ်လို့တော့ ခန့်မှန်းကြတယ်…။ ချင်းရိုင်းမှာတော့ ကတ္တရာလမ်းတွေ အက်ကွဲပြီး  ရှေးဟောင်းဘုရားဆင်းတုတော်တွေ ခေါင်းပြတ်ကျ ဘုန်းကြီးကျောင်းတွေပြိုကျ…။ ကျွန်မတို့ပုဂံလို ရှေးဟောင်းလက်ရာတွေ ပန်းပုတွေနဲ့ထုဆစ်ထားတဲ့ နာမည်ကြီး ဘုရားဖြူကျောင်းလည်း တော်တော်ပျက်စီးသွားတယ်…။ ညဖက် ထိုင်းသတင်းမှာ ချက်ချင်းကြည့်ရတာ…။ အဲညမတိုင်ခင်က မိုးတွေအကြီးကျယ်ရွာပြီး မိုးကြိုးပစ်တာ…။ ရန်ကုန်မှာ နေတာကြာတော့ အဲလိုမိုးကြိုးပစ်သံကို မကြားရတာဘယ်လောက်ကြာပြီလဲ..။ အဲမှာတော့ လျှပ်စီးတစ်ခါလက်တာနဲ့ မိုးချိန်းသံအကျယ်ကြီး လိုက်လာတော့မယ်ဆိုတာကြိုသိတော့ နားပိတ်ထားရတယ်..။ တာလေကလူတွေကတော့ ၂၀၁၁ တုန်းက အကြီးကျယ်လှုပ်ခတ်သွားတဲ့ ငလျင်ဒဏ်ကိုခံထားခဲ့ရဖူးတော့ အကြီးကျယ်ကိုတုန်လှုပ်နေကြတာပေါ့…။ ငလျင်တခါလှုပ်ပြီးတာနဲ့ နောက်ဆက်တွဲငလျင်ငယ်တွေ လိုက်လာတတ်တယ်…။ နောက်နေ့မနက်အစောကြီး ကျွန်မတို့အိပ်ယာနိုးတော့ ထိုင်းသတင်းဖွင့်ကြည့်နေတုန်း တခါလှုပ်တယ်… မနက်စာစားနေတုန်း ရှစ်နာရီလောက်မှာ တစ်ခါထပ်လှုပ်ပြန်တယ်…။ သတင်းထဲမှာ ရန်ကုန် နေပြည်တော် မန္တလေးအထိ အဖျားခတ်တယ်ကြားတော့ ရန်ကုန်ကို ဖုန်းဆက်မေးကြည့်တယ်…။ ရုံးဆင်းချိန်လမ်းပေါ်ရောက်နေတော့ တော်တော်များများသိပ်မသိကြပေမယ့် ဆာကူရာဆယ်ထပ်တိုက်ပေါ်က လူတွေအကုန်ပြေးဆင်းကြတယ်လို့ ကြားတယ်…။



ပြန်ခါနီးတစ်ရက်ကို မယ်ဆိုင်ထပ်သွားပြီး ပစ္စည်းတွေဝယ် ရန်ကုန်သယ်မယ့် စားစရာတွေဝယ်နဲ့ တော်တော်မောသွားတယ်…။ ဒီတစ်ခါတော့အလာတုန်းကလို ကျွန်းပတ်မစီးရဲတော့လို့ တိုက်ရိုက်ဖရိုက်ပျံတဲ့ Air KBZ ကိုပဲစီးလိုက်တယ်…။ တာချီလိတ်ကနေ မွန်းလွှဲတစ်နာရီလေယာဉ်စထွက်တယ် ရန်ကုန်ကို နှစ်နာရီလေးဆယ်ငါးမိနစ်ရောက်တယ်…။ ရန်ကုန်ရောက်တော့ လေဆိပ်ကနေ အိမ်ကို ကားပိတ်လို့ လေးနာရီမှရောက်တယ်…။ စာဖတ်သူတွေပျင်းသွားမှာစိုးလို့ ခရီးသွားပို့စ်လေးကို အတိုချုံးပဲရေးလိုက်ပါတယ်..။ အတိုချုံးပေလို့ပဲ တော်တော်ရှည်နေတာ..။ ဒါပေမယ့် မပြီးသေးဘူးနော်… နောက်တပို့စ်မှာ ကျွန်မ စားဖြစ်ခဲ့တဲ့ ရှမ်းစာတွေကို ဓါတ်ပုံလေးတွေနဲ့ တင်ပါဦးမယ်..။



မိုးငွေ့


2 comments:

blackroze said...

ရှမ်းအစားအစာတွေအကြောင်းနဲ့ ရှမ်းပြည်နယ်
ပုံလေးတွေမျှော်နေပါတယ် မကြီးမိုးငွေ့ရေ

မီးမီးငယ် said...

တာချီလိတ်မှာကကိုယ်တွေ့ခဲ့တာ
ပြည်မကလူတွေပို
များတယ် ဒေသခံ
တွေသိပ်မရှိတော့ဘူး
ဖုံတွေများဆိုင်တွေရူပ်နဲ့လေ..ဟုတ်တယ်ဟုတ်