မိုးငွေ့ဆိုတာ...ကော်ဖီခါးခါးအကြိုက်နဲ့ ဖက်ရှင်တအားမိုက်သူပေါ့...း)

Monday, 3 February 2014

Dare to Dream... Dare to Imagine....

 

2014 ရဲ့ ပထမဦးဆုံးတဂ်ပို့စ်ကို ဒီမနက်ဖဘဖွင့်လိုက်တော့ ညီမလေးရွှေဖြူရဲ့ note လေးကို ညီမအေရီရယ်သူက mention ပြန်လုပ်ထားတာတွေ့လို့သွားဖတ်လိုက်တာ... ရွှေဖြူဆိုတော့ ရုတ်တရက်ဘယ်သူမှန်းမသိလိုက်ဘူး...။ နောက်တော့မှ သူ့တိုင်းမ်လိုင်းမှာသွားကြည့်တော့မှပဲ ညီမ sweety snow မှန်းသိရတယ်..တကယ်တမ်းသူ့ဘလော့က My Green Life ပါ..။ ပြီးခဲ့တဲ့ ဘလော့ဂါဒေးတုန်းက ဘလော့ဂါအသစ်ကလေးတွေကိုမိတ်ဆက်တုန်းက ညီမလေး စနိုးပါတယ်...။ ကျေးဇူးပါညီမလေးရေ... တဂ်ပို့စ်လေးရေးခွင့်ရလို့လေ...။

ပထမဦးစွာ ခေါင်းစဉ်ပေးဖြစ်ပုံလေးပြောပြချင်ပါတယ်...။ ညီမစနိုးက 2014မှာ ဖြစ်ချင်တဲ့ အိပ်မက်မို့ Dreams လို့ပေးထားပုံရပါတယ်...။ ကိုယ်ကတော့ ကွယ်လွန်သွားပြီဖြစ်တဲ့ ကိုယ်တို့ရဲ့ ဆရာကြီး လူထုဦးစိန်ဝင်းဆီမှာ အင်္ဂလိပ်စာအတန်းတက်ခဲ့တုန်းက နေ့စဉ် ကျောက်သင်ပုန်းပေါ်မှာ ဆရာကြီးရေးထားတဲ့ စာသားတချို့ထဲက ဒီစာသားလေးကို ယနေ့တိုင် မှတ်မှတ်ရရလေးရှိနေတာပဲ..။ လူဆိုတာ အိပ်မက်မက်ရဲရတယ် စိတ်ကူးယဉ်ရဲရတယ်တဲ့...။ ကိုယ်က မိန်ရာသီဖွား အင်မတန် စိတ်ကူးယဉ်ဆန်တဲ့သူတစ်ယောက်...။ တစ်ခုခုလုပ်ရင် အမြဲ ရိုမန့်ဖြစ်မှကြိုက်တတ်တဲ့သူမျိုးပေါ့...။ အဲစိတ်ကူးတိုင်းကိုသာ အကောင်အထည်ဖော်နိုင်ရင် သဌေးဖြစ်လောက်ပါတယ်...။ 2014မှာတော့ ကိုယ့်စိတ်ကူးတွေ အကောင်ထည်ဖော်နိုင်အောင်ကြိုးစားနေပါတယ်..။

ပညာလိုအိုသည်မရှိဆိုသလို ...ကိုယ်တို့အသက်အရွယ်မှာ ပညာရေးနဲ့မသက်ဆိုင်တော့ဘူးလို့တော့ တထစ်ချမပြောစေချင်ပါဘူး..။ သင်တန်းတခုခု ကျောင်းတခုခုမတက်ဖြစ်တော့ပေမယ့်လည်း အွန်လိုင်းကနေ ကိုယ်လိုချင်နေတဲ့ကိုယ်သိချင်တဲ့ ဘာသာရပ်ကိုတော့ အချိန်ရရင်ရသလို လေ့လာဆည်းပူးနေပါတယ် ဒါဟာ ဘယ်တော့မှလည်း ဆုံးခန်းတိုင်မှာမဟုတ်ပါဘူး...။

မိသားစုအရေးကတော့ ပြည့်စုံနေပြီဆိုပေမယ့်လည်း တနေရာမဟုတ် တနေရာတော့လိုအပ်နေတတ်တာ မဟုတ်လား...။ မောင်နှမလေးယောက်မှာ ကိုယ်က အကြီးဆုံးမို့ အငယ်တွေရဲ့လိုအပ်ချက်ကို တတ်နိုင်သမျှ ဖြည့်ဆည်းပေးနေရဦးမှာပဲလေ...။ အဖေမရှိတော့ပေမယ့်လည်း အသက်ရှင်နေသေးတဲ့ အမေ့ကို ပြုစုရင်း မောင်နှမတွေကို ကြည့်ရှုရင်းနဲ့လည်း မိဘကျေးဇူးကိုဆပ်နေပါတယ်...။

စီးပွားရေးအနေနဲ့ကတော့ 2014 အစ ပြီးခဲ့တဲ့လကတည်းက ညီမတစ်ယောက်နဲ့စပ်တူ အသေးလေးတစ်ခုလုပ်ထားတယ်...။ အကျိုးအမြတ်ရဖို့ အချိန်စောင့်ရဦးမယ်...။ အဲဒီကတိုးပွားလာမှပဲ ကိုယ်တကယ်လုပ်ချင်တဲ့ စီးပွားရေးလေးကို လုပ်မယ်လို့ရည်ရွယ်ထားတယ်...။ ကိုယ်တကယ်လုပ်ချင်တာက စာအုပ်ဆိုင်လေးတွဲလျက်နဲ့ ကော်ဖီဆိုင်လေးဖွင့်ချင်တာ ...။ အဲဒီအိပ်မက်က လွန်ခဲ့တဲ့ ဆယ့်ရှစ်နှစ်လောက်ကတည်းကပါ...။ ဒါပေမယ့် အကောင်ထည်ဖော်ဖို့ဆိုတာ အရင်းနှီးကြီးကြီးလိုတယ်လေ...။ ကိုယ်က်ာဖီဆိုင်အတွက်စိတ်ကူးထဲက  အိုင်ဒီယာတွေ အပြင်မှာသူများတွေ တော်တော်များများ ကော်ဖီဆိုင်တွေမှာတွေ့နေရပြီ...။ ခုချိန်ထိ ကိုယ်စိတ်ကူးယဉ်ရဲနေဆဲ အိပ်မက်မက်ရဲနေဆဲဆိုပါတော့...။

လူမှုရေးအနေနဲ့ကတော့ ဒီနှစ်ကစပြီး ဘလော့ဂ်ဂါတွေနဲ့ အပြင်မှာသိပ်မတွေ့တော့ဘူးလားလို့ (((ဟမ်)))..။
နောက်တာပါ...။ အဲလိုအပြင်မှာ ပြောပြောနေကြတာကြားလို့ပါ...။ ဘလော့ဂါတွေပြန်ရောက်တိုင်း ပင်တိုင်လာတွေ့တဲ့အထဲမှာ မိုးငွေ့က ထိပ်ဆုံးကဆိုပဲ... နာမည်ကြီးထမင်းငတ်ပါ...။ ဒါကြောင့် ကိုယ်နဲ့ သိပ်မသိကျွမ်းမခင်မင်တဲ့သူတွေကို မတွေ့တော့ဘူးလို့ဆုံးဖြတ်တာပါ...။ တခါတလေ ကိုယ်နဲ့လိုင်းပေါ်မှာလည်းမသိ အပြင်မှာလည်းမမြင်ဖူးပေမယ့် တခြားဘလော့ဂါ အစ်ကိုအစ်မတွေက ဘယ်သူဘယ်ဝှာရောက်နေပါတယ် ဆုံကြမယ်လို့ခေါ်တတ်တယ်လေ...။ အဲလိုလူမျိုးဆို ကိုယ်မတွေ့တော့ဘူး ကိုယ့်ညီအစ်မအရင်းတွေလိုချစ်ခင်တဲ့ သူတွေလောက်ပဲတွေ့ဖို့ စဉ်းစားထားပါတယ်..။ လူရွေးတယ်လို့မဆိုစေချင်ပါဘူး... တကယ်လို့ ကိုယ်တကယ်မအားလို့ မတွေ့ဖြစ်ခဲ့တဲ့ မောင်နှမများရှိခဲ့ရင် ခွင့်လွှတ်ပေးကြပါလို့...။ သြော်.... တော်တော်ကြီးကျယ်တဲ့လူမှုရေးကိစ္စလို့ ဆိုကြဦးမလားပဲ..။ တကယ်တမ်း ကိုယ်က တစ်ယောက်တည်းနေရတာကိုနှစ်သက်တဲ့သူ...။ အသိုင်းအ၀ိုင်းအဖွဲ့အစည်းနဲ့ စိမ်းသူပါ...။

ဘာသာရေးဆိုလို့..... ကိုယ်သသေချာချာ မလုပ်ဖြစ်သေးဘူး...။ ဒါကြောင့် အပတ်စဉ် ကြာသပတေးနေ့တိုင်းဆွမ်းမပြတ်လောင်းနိုင်အောင် ကြိုးစားတယ်...။ ဒါတောင်ပြီးခဲ့တဲ့ပတ်က တရုတ်နှစ်ကူး သွားကူနေလို့ မလောင်းလိုက်ရပါဘူး..။ ရုံးကညီမတွေတော့ သစ်သီးလောင်းလှူလိုက်ပါတယ်ပြောတယ်...။ ကိုယ်မလှူနိုင်ပေမယ့် ကိုယ့်ရဲ့လုပ်လက်စအလုပ်ကလေး မပြတ်အောင် လက်ဆင့်ကမ်းလှူပေးတဲ့အတွက် တကယ်ဝမ်းသာပီတိဖြစ်မိပါတယ်...။ ဘာသာရေးကို လေးလေးနက်နက်လိုက်စားဖို့ စိတ်ကူးရှိတယ် ..။ ကိုယ့်မှာ စိတ်စွမ်းအင်တစ်ခုရှိတယ်...။ ရှေ့ကြိုဖြစ်မယ့်အရာကို အိပ်မက်မက်တတ်တယ် ပြီးရင် အိပ်မက်ထဲကအတိုင်း အပြင်မှာ တကယ်ဖြစ်နေတာမျိုး...။ အဲဒီစွမ်းအားတက်လာအောင် ဘာသာရေးကိုသေချာလုပ်မှရမယ်...။ တရားထိုင်ရမယ် ကျင့်ရမယ်ပေါ့..။ ကိုယ်က ဒီလောကီထဲက မရုံးထွက်နိုင်သရွေ့တော့ ဝေးဦးမယ်ထင်တယ်...။ ငယ်တုန်းက ကိုယ့်မှာလေးဖက်နာလိုမျိုးအဆစ်မြစ် ကိုက်တာဖြစ်ဖူးတယ်...။ အဲဒါကို ကိုယ်တရားထိုင်ပြီးစိတ်နဲ့ကုခဲ့တာ ပျောက်သွားတယ်...။ ခုမှသာ တနေ့တနေ့ထိုင်လို့ အညောင်းမိပြီး အဲဒီရောဂါပြန်ဖြစ်ချင်နေတာ...။ ခုနေ အဲဒီတုန်းကလိုမျိုး စိတ်စွမ်းအားနဲ့ ကုလို့ပျောက်ပါဦးမလား...။

ဝါသနာတဲ့.....။ ဘာပြောစရာလိုသေးလဲ စာရေးတာလေ...။ ပြီးတော့ ချက်မယ်ပြုတ်မယ် ဒါကိုယ့်ဝါသနာပဲ။ ဒီမှာပဲကိုယ်စာရေးတော့မလား စာအုပ်မထုတ်တော့ဘူးလားလို့မေးမယ်...။ တကယ်ဆို ကိုယ့်အက်ဆေးတွေကို ကိုယ့်ရဲ့ အိန်ဂျယ်ကိုယ်တိုင် စာအုပ်ထုတ်ပါလားလို့ တောင်းဆိုဖူးခဲ့တယ်...။ ကိုယ်ထုတ်ဖြစ်မှာပါ.... တချိန်ချိန်မှာ အိန်ဂျယ့်အတွက် အမှတ်တရဖြစ်ဖို့ပေါ့....။

အချစ်ရေးတဲ့.......။ 
ကိုယ့်အသက်အရွယ်နဲ့ ဒီအကြောင်းအရာက မအပ်စပ်တော့ပါဘူး....။
ပြီးတော့ ရေးစရာလဲမရှိဘူးလေ...။ ဒါပေမယ့် ကိုယ်ကတော့ အချစ်အကြောင်းနုနုလှလှလေးတွေကို အခွင့်သင့်သလိုတော့ ရေးဖြစ်နေဦးမှာပါ...။

ဒီလောက်ပါပဲ တော်တော်တောင်ရှည်သွားပြီ...။ 2014 ရဲ့ပထမဦးဆုံးတဂ်ပို့စ်လေးကို တဂ်ပေးတဲ့ ညီမလေးစနိုးကို ကျေးဇူးအထူးပဲတင်ပါတယ်...း)  လဆန်းပိုင်းအလုပ်တွေများမလာခင် အမြန်ရေးလိုက်ပါတယ်...။

2014မှာ ကျန်တဲ့ ဘလော့မောင်နှမတွေအားလုံးလည်း ကိုယ်ဖြစ်ချင်သောဆန္ဒများ အကောင်ထည်ဖော်လုပ်နိုင်ပါစေလို့...ဆုမွန်တောင်းပေးလိုက်ပါတယ်...။

မိုးငွေ့



5 comments:

တိမ်လွှာဖြူ said...

ကျေးဇူး ချစ်မ <3
တကယ်ပဲ ကိုယ်တိုင်ချရေးပြီးတော့ အခြားသူတွေရဲ့ အိပ်မက်လေးတွေကို သိချင်မိတယ် ..။ မတူညီတဲ့ တစ်ယောက်စီတိုင်းမှာ မတူညီတဲ့အိပ်မက်တွေရှိနေမှာပဲဆိုတာ အရမ်းစိတ်ဝင်စားဖို့ကောင်းတယ်လေ ..။
မမရဲ့ အိပ်မက်တွေအားလုံး အကောင်အထည်ဖော်နိုင်ပါစေနော် :-)

Thu said...

Ahthuလဲကြိုးစားပြီး ရေးအုန်းမယ်
အမပေးထားတဲ့ပို့စ်titleလေးကြိုက်တယ်။
ခွန်အားတွေလဲရတယ်..
Dare to dream...Dare to imagine :)

Thu said...

Ahthuလဲကြိုးစားပြီး ရေးအုန်းမယ်
အမပေးထားတဲ့ပို့စ်titleလေးကြိုက်တယ်။
ခွန်အားတွေလဲရတယ်..
Dare to dream...Dare to imagine :)

သဒ္ဓါလှိုင်း said...

မမိုးရဲ့ အိပ်မက်တွေ မက်ခွင့်ရပြီး ဆန္ဒတွေအားလုံး ပြည့်ဝပါစေလို့..

ချစ်ခင်စွာ
သဒ္ဓါ

ရိုးမြေကျ said...

မမက မိန်ရာသီဖွားလား။ အနော်ကတော့ ကုမ်။ အိန်ဂျယ်အက်ဆေးထုတ်ဖြစ်တဲ့နေ့မှာ ဖေ့ဘုတ်မှာ ကြေညာပေးပါမမ။ မရရအောင် ရှာပြီး အားပေးပါ့မယ်။ အနော့် အိပ်မက်တွေတော့ နောက်အပတ်မှပဲ ပြောပြမယ်မမ။ လာနားထောင်ဦးနော်