မိုးငွေ့ဆိုတာ...ကော်ဖီခါးခါးအကြိုက်နဲ့ ဖက်ရှင်တအားမိုက်သူပေါ့...း)

Thursday, 2 January 2014

အေးမရဲ့ နှစ်သစ်အကြို.....






ညဆယ်နာရီခွဲတော့ MRTV4 Live show ကြည့်နေရင်းနဲ့ မီးဖိုချောင်ထဲထသွားပြီး မီးသွေးမီးဖို မီးသွေးတွေ ထင်းရှူးဆီတွေသယ်ပြီး အိမ်ရှေ့ကပြင်မှာအလုပ်ရှုပ်နေတဲ့ သူ့ကို အမေက တအံ့တသြနဲ့…။


“ဟဲ့…အေးမ ညကြီးသန်းခေါင်းဘာလုပ်မလို့တုန်း…”


“ကျွန်မမီးဖိုပြီး ငခြောက်ဖုတ်မလို့ပါ….”


“ငါးခြောက်ဖုတ်တာ မနက်ကျမှလုပ်လေအေ ညကြီးအချိန်မတော် ခက်ပါ့ညည်းကလဲ ပြီးတော့ မီးဖိုထဲမလုပ်ဘဲ ဘယ့်နှယ့်အိမ်ရှေ့ကြီးမှာ…”


အမေက တီဗီရှေ့ ၀ါးပက်လက်ကုလားထိုင်မှာ လက်ထဲက ပုတီးတန်းလန်းနဲ့ သူ့ကိုနားမလည်စွာပြောနေသည်..။


“အမေကလည်း ကျွန်မလည်း နှစ်သစ်ကိုကြိုမလို့လေ… သူများတွေက အသားကင်ငါးကင်တွေ ၀ိုင်တွေနဲ့ကြိုနေတဲ့ အချိန်မှာ ကျွန်မက မြန်မာဆန်ဆန် ငါးရံ့ခြောက်လေးဖုတ် အကြမ်းရည်လေးနဲ့မြည်းမယ်လေ မကျေနပ်ရင် ထမင်းဆီဆမ်းလေးနဲ့တောင်စားလို့ရသေး…”


“ညည်းကလည်းအေ… ညည်းမောင်လေးနဲ့ အေမီတို့ခေါ်တော့လိုက်မသွားဘဲနဲ့..”


နိုင်ငံခြားမှာအလုပ်လုပ်ပြီး အပြီးပြန်လာတဲ့ သူ့ညီမတစ်ဝမ်းကွဲက မနေ့ကတည်းကခေါ်ပါတယ် မိုင်နာကွင်းမှာလုပ်မယ့် ကောင့်ဒေါင်းပွဲသွားမယ်တဲ့…….။ သူကတော့ အသက်ရလာလို့ပဲလားမသိ ပွဲလန်းတဘင်တွေကို သိပ်ပြီးလည်း စိတ်မ၀င်စားတော့..။ ကြည့်ဦးလေ သူတို့ပြောတဲ့ မိုင်နာကွင်းဆိုတာကြီးကို ခုပဲအမေနဲ့သူ တီဗီကထိုင်ကြည့်နေတာ လူတွေထောင်နဲ့သောင်းနဲ့ချီ …ပြီးတော့နာရီနဲ့ချီ မတ်တပ်ရပ်နေရတာ တိုးဝှေ့ထိုးသိပ်နေရတာ…။ အဲမြင်ကွင်းနဲ့တင် သူကတော့ စိတ်ပျက်နေပြီ…။ အဲဒီလူတွေကြားထဲမှာ အိမ်က အငယ်ကောင်နဲ့ သူ့ညီမတစ်ဝမ်းကွဲအေမီပါသည်…။ စင်ပေါ်က ဖျော်ဖြေရေးဆိုတာကလည်း တကယ့်နာမည်ကြီးအဆိုတော်တွေမဟုတ်ဘဲ… အဆိုပြိုင်ပွဲက အဆိုတော်တွေချည်းတွေ့ရတယ်…။ နည်မည်ကြီးဆိုလို့ ရဲလေးတို့ဘာတို့ ဟစ်ဟော့အဆိုတော်တွေပါတယ်…။ ဒါတောင်ရဲလေးဆိုနေရင်း အရေမရအဖတ်မရအစီစဉ်ဖြစ်တဲ့ ကြားဖြတ် အခြောက်ပွဲထည့်လိုက်လို့ ရဲလေးပြန်လည်းတက်လာရော မကျေမချမ်းနဲ့ ပွဲစီစဉ်သူကိုကောပါလေရောလေ..။


ကျောက်မီးဖိုသေးသေးလေးမှာ သူမီးမွေးတာရသွားပြီ…။ ဟိုတနေ့က အမေ့ကိုလက်ဆောင်လာပေးသွားတဲ့ ဆားပေါ့ ငါးရံ့ခြောက်နှစ်ကောင်ထဲက တစ်ကောင်ကို ကြောင်အိမ်ထဲက သူသွားယူလာလိုက်တယ်…..။ ငါးရံ့ခြောက်က အကောင်တော်တော်ကြီးတာ အသားလည်းပြည့်တယ်..။ မီးဖိုပေါ်တင်ပြီး မီးဖုတ်ရင်း သူသဘောကျစွာပြုံးလိုက်တယ်….။ ငါးရံ့ခြောက်ကို မီးဖုတ်လိုက် စဉ်းတုံးပေါ်တင်ပြီး ငရုတ်ကျည်ပွေ့နဲ့ထုလိုက်နဲ့….။ အမေက လှမ်းပြောသေးတယ်…။


“ညည်းစတန့်ထွင်ပြီး ငါးရံ့ခြောက်ဖုတ်တာအရေးမကြီးဘူး ညကြီးအချိန်မတော် သူများတွေအိပ်နေတော အနံ့နဲ့ရော အသံနဲ့ရော နှိပ်စက်နေတာလား” တဲ့…။


အမေပြောတာကိုမကြားချင်ယောင်ဆောင်ပြီး သူကတော့ငါးခြောက်ကို ဖုတ်မြဲတိုင်းဆက်ဖုတ်နေတယ်…။ အသားလေးတွေကိုထုလိုက် မွလိုက် ပါးစပ်ထဲထည့်လိုက်နဲ့ ဟန်ကိုကျနေရော…။ ငါးရံ့ကဆားတော်တော်ပေ့ါတာ စားကောင်းခြင်း….။ ကြွေရည်အုပ်ထဲကို သူ့ဖွထားတဲ့ ငါးရံ့ခြောက်တွေ ပြည့်လုနီးနီးရတယ်…။ အားလုံးလည်းပြီးရော ပဲဆီမွှေးမွှေးလေးကိုဆမ်းလိုက်တယ်….။ ငါးခြောက်ကို တပြုံးပြုံးနဲ့ကြည့်နေတဲ့ သူ့အမေကတော့ သူ့ကို ရူးသွားပြီမှတ်မယ်….။


မီးပိုနေလို့ အကြမ်းရည်အတွက် သူရေနွေးအိုးတည်ထားလိုက်တယ်……။

တီဗီရှေ့ကို အကြမ်းရည်ခွက် ငါးခြောက်ဖုတ်နဲ့ ထမင်းဆီဆမ်းပန်းကန်ထည့်ထားတဲ့ ဗန်းကြီးနဲ့ သူရောက်လာတော့ အမေက မျက်လုံးမျက်ဆံပြူးပြီး….။


“ဟဲ့…အေးမ..ညည်း ဒီချိန်ကြီးထမင်းစားဦးမယ်… ကြည့်လုပ်ဦး ရာသီဥတုကအေးကအေးသနဲ့ ညသန်းခေါင်ကြီး အငံတွေစားပြီး သွေးတက် လေဖြတ်နေမယ်အေ.. တို့အမျိုးတွေအားလုံး အဲဒါနဲ့သေကုန်တာ ညည်းသိတယ်နော်… အသက်ကိုဥာဏ်စောင့်တယ်တဲ့…”


“အမေကလည်း ကျွန်မသိပါတယ်…ငါးခြောက်ကဆားပေါ့ပါ မငံဘူး မြည်းကြည့်ပါဦးလား…” 


သူက ထမင်းလုတ်ထဲကိုငါးခြောက်မြှုပ်ပြီး အမေ့ကိုလှမ်းခွံမယ်လုပ်သေး..။

နှစ်ကူးဖို့ ဆယ့်ငါးမိနစ်အလိုပဲရှိတော့တယ်……။ ဖန်သားပြင်ပေါ်မှာ မိုင်နာကွင်းထဲကလူတွေ ဆူဆူညံညံ အုံးအုံးကျွတ်ကျွတ် ရွစိရွစိဖြစ်နကြပြီ……။


“ဒါနဲ့ အမေကအိပ်တော့လေ ညဥ့်နက်နေပြီ ဘာထိုင်လုပ်နေလဲ…”


“အငယ်ကောင်ကိုစောင့်နေတာလေ…”


“မစောင့်နဲ့အိပ်ရေးပျက်တယ် သွားအိပ်ချေ ကျွန်မစောင့်လိုက်မယ်… နက်ဖန်က ကရင်နှစ်ကူး အလုပ်ပိတ်တယ်…”


အမေက ပြီးရောဆိုပြီး အခန်းထဲဝင်သွားတော့ တီဗီရှေ့မှာ သူငါးခြောက်ဆီဆမ်း အကြမ်းရည်ခွက်နဲ့ကျန်ရစ်ခဲ့တယ်…။ ဘာပဲဖြစ်ဖြစ် ဒီနှစ်သစ်ကို သူတစ်ကိုယ်တော် ရိုးစင်းစွာဖြတ်သန်းကြောင်းတော့ ဖဘက သူငယ်ချင်းတွေကို ပုံလေးတော့တင်ပြီး ကြွားဦးမယ်လို့ စိတ်ကူးရတာနဲ့ ငါးခြောက်အုပ် ထမင်းဆီဆမ်းပန်းကန်နဲ့ အကြမ်းရည်ခွက်ကို ဓါတ်ပုံရိုက်လိုက်သေးတယ်..။


အမယ် ဘာတဲ့ MRTV 4 က အစီစဉ်ကြော်ငြာတဲ့ကောင်က ဒီနှစ်ကောင့်ဒေါင်းကို သူများနိုင်ငံနဲ့မတူအောင် ကပြီးကြိုဆိုမယ်တဲ့….။ ဘာများကကြမှာမို့လဲ အိုပါဂဏန်းစတိုင်လ်ကလွဲလို့….။ စိတ်ကုန်ချက်….။ အောက်ကလာကြည့်တဲ့သူတွေကလည်း သူခိုင်းတာအကုန်လုပ်ရတယ်……။


ဆယ့်နှစ်ဒေါင်ခနဲလည်းထိုးရော… အောင်မလေး ဘယ်ချိန်ကတည်းကစောင့်နေကြလည်းမသိတဲ့ ရပ်ကွက်ထဲက ငနဲသားတွေ လမ်းပေါ်မှာ အသံသေးအသံညောင်နဲ့ အော်ကြတော့တာပဲ…။ နှစ်သစ်ကိုကြိုဆိုတဲ့အသံတွေကလည်း တော်တော်ကျက်သရေရှိကြတယ် လူသတ်တော့မယ့်အသံမျိုး အရည်တွေဝင်လို့သတိလွတ်ဟစ်နေကြတာတွေ……။
 

အားလုံးတိတ်သွားကြပြီ…။
သူပန်းကန်တွေဆေးကြောသိမ်းဆည်းပြီး…တီဗီရှေ့ကဖျာလေးမှာ ခေါင်းအုံးချပြီး လှဲလိုက်တယ်…။ ဖန်သားပြင်က နှစ်သစ်ကြိုတဲ့အစီစဉ်ကမပြီးသေး…။ သူ့မောင်ကလေးကို ဒီမှာအိပ်ရင်းစောင့်ရပေဦးမယ်…..။ ဖုန်းမက်ဆေ့တွေကလည်း ဆိုက်တိုက်ဝင်လာ သေးတယ်။ သူကတော့ ဘယ့်သူဘယ်သူကိုမှ နှစ်သစ်နှုတ်ဆက်ဖို့စိတ်မကူးဘဲ ဖုန်းထဲက Candy crush ကိုကစားရင်း နှစ်သစ်ကိုကြိုဆိုလိုက်တယ်…။


ဒါပါပဲ…. အေးမရဲ့ ရိုးစင်းတဲ့ နှစ်သစ်အကြိုအစီစဉ်ကတော့…ဘယ်လိုလဲ သူများနဲ့မတူ တမူထူးခြားတယ်မှုတ်လား…..း))



မိုးငွေ့


5 comments:

ဖြိုးမောင်မောင်(CTM) said...

အေးမဖြစ်သွားပြန်ပြီလား O_o

နွေတေးရှင် (မင်းဧရာ) said...

သြော် မအေးမ
မြို့ပြကနေ ကြိုတဲ့ နှစ်သစ်က
ငါးရံ့ခြောက်ဖုတ်မှန်းသာ သိရင်
ကျနော်တို့ ရွာက ''ဘ''က ၀မ်းသာနေမယ် ထင်ရဲ့ တောရဲ့ ရနံ့လေး ရသကိုး ။

Iora said...

ဒီလိုမျိုးလေးသာကြိုရရင်
ငါးခြောက်မကုန်မချင်းကြိုနေမှာ။း)
အိုင်အိုရာ

သဒ္ဓါလှိုင်း said...

Happy New Year ပါ မမိုး
နှစ်သစ်မှာ စိတ်ချမ်းသာ၊ ကိုယ်ကျန်းမာ၊
ဆန္ဒအားလုံးပြည့်စုံ၍ သာသနာပြုနိုင်ပါစေ..
ချစ်ခင်စွာ
သဒ္ဓါ

blackroze said...

ငါးခြောက်ဖုတ်စားချင်လိုက်တာမကြီးအေးမ