မိုးငွေ့ဆိုတာ...ကော်ဖီခါးခါးအကြိုက်နဲ့ ဖက်ရှင်တအားမိုက်သူပေါ့...း)

Saturday, 4 May 2013

Angel Hair Spaghetti + Honey Lemon

 
 အမဲသားလုံးနဲ့ပုစွန် အိန်ဂျယ်ဆံချည်မျှင်ခေါက်ဆွဲကြော်..
( နာမည်ပေးတာ အရမ်းရှည်သွားသလားမသိဘူး ) 

 Angel Hair Spaghetti တစ်ထုပ်မှာ 500 g ပါတယ်... (စီးတီးမတ်မှာဝယ်လို့ရပါတယ်)

လေးယောက်စာအတွက် အထုပ်တစ်ဝက် 250g ကိုဆားနဲ့သံလွင်ဆီထည့်ထားတဲ့ ရေဆူဆူမှာ ငါးမိနစ်ကနေ ခုနှစ်မိနစ်လောက်ပြုတ်ရပါတယ်...။ အိန်ဂျယ်ဟဲက ခါတိုင်းပြုတ်တဲ့ နန်းကြီးမျှင်မဟုတ်ဘဲ နန်းသေးလို့ခေါ်ရမယ် အမျှင်လုံးလေးတွေက သေးသေးနဲ့ ပြုတ်ရတာလဲမြန် စားလို့လည်းကောင်းတယ်။
ပြုတ်ပြီးရလာတဲ့ အိန်ဂျယ်ဟဲတွေကို ဇကာနဲ့စစ်ပြီး အငံမပါတဲ့ ထောပတ်တစ်လက်မတုံး တစ်တုံးနဲ့နယ်ထားမယ်။


အသားလုံးလုပ်ဖို့ နို့ခွက်တစ်ဝက်ထဲကို ချေထားတဲ့ ပေါင်မုန့်ကြမ်း အသေးတစ်လုံးထည့်စိမ်ထားမယ်...။ ကြိတ်ပြီးသားအမဲသား 150g ကို နို့စ်ိမ်ထားတဲ့ ပေါင်မုန့်ကြမ်း၊ parsley(အီတလီစာမှာသုံးတဲ့အရွက် တရုတ်နံနံနဲ့တူတယ် အနံ့တော့မတူဘူး) ပုံအောက်ကပုံမှာပြထားတဲ့တစ်စည်းရဲ့ သုံးပုံတစ်ပုံကို နုတ်နုတ်စင်း၊ လတ်လတ်ဆတ်ဆတ်လှော်ပြီး ချက်ချင်းထောင်းထားတဲ့ ငရုတ်ကောင်း လက်ဖက်ရည်ဇွန်းနှစ်ဇွန်း၊ ဟင်းခတ်မှုန့်လက်ဖက်ရည်ဇွန်းတစ်ဇွန်း နဲ့ ဆားနဲနဲထည့်နယ်ပြီး ခဏနှပ်ထားမယ်...။
အသားလုံးတွေကို ရေဆူဆူအိုးထဲ လက်နဲ့ဖြစ်ဖြစ် ထမင်းစားတဲ့ဇွန်းနဲ့ဖြစ်ဖြစ် အလုံးလေးတွေလုပ်ပြီး သုံးမိနစ်လောက်ပြုတ်ပေးပါ...။

သံလွင်ဆီ ဟင်းခတ်ဇွန်ကြီးတစ်ဇွန်းကိုအပူပေးပြီး ကြက်သွန်နီအရွယ်တော်လုံးတစ်လုံးနဲ့ အဖြူနှစ်မွှာ သေးသေးစင်းထားတာကို ထည့်ကြော်မယ်..။ တစ်မိနစ်လောက်မွှေပြီးရင် ချယ်ရီခရမ်းချဉ်သီးလေးတွေကို ဆယ့်ငါးလုံးလောက်ထည့်ပြီး မီးဖြေးဖြေးနဲ့ အိုးကင်းပူတိုက်မယ်...။ ချယ်ရီလေးတွေ ရွှေညိုရောင်လေးဖြစ်ပြီး နွမ်းလာရင် persleyရွက်နဲ့ origano အမှုန့်နယ်ထားတဲ့ ပုစွန်ဆယ်ကောင်ကိုထည့်ကြော်ပါမယ်.. ပြီးတာနဲ့ ပြုတ်ထားတဲ့ အမဲသားလုံးပါတခါတည်း ထည့်ကြော်မယ်.. ။ မီးပြင်းပြင်းမသုံးတာမို့ စိတ်ရှည်ရှည်နဲ့ အသားလုံးလေးတွေကိုအရောင်ပြောင်းလာတဲ့ အထိကြော်ပြီးရင် အိန်ဂျယ်ဟဲအမျှင်ကိုထည့် ဆားနဲ့ ကြက်သားမှုန့်လေးထည့် အပေါ့အငံမြည်းပြီးရင်  Parmesan cheese အမှုန့်လေးဖြူးပြီး ဆိမ့်မွှေးတဲ့ အရသာရှိတဲ့ အိန်ဂျယ်ဆံချည်မျှင် ခေါက်ဆွဲကြော်လေး တစ်ပွဲရပြီပေါ့...။

အအီပြေ ရှောက်ပျားဖျော်ရည်လေးတစ်ခွက်သောက်လိုက် အဆာကြေ ရင်ချောင်တယ်...း)

ပျားရည်စားပွဲတင်ဇွန်းတစ်ဇွန်း သံပုယိုသီး(Lemon) တစ်စိပ် ဆားလက်ဖက်ရည်ဇွန်းတစ်ဝက်ကို အရင်ခွက်ထဲ ထည့်မွှေပြီး ရယ်ဒီမိတ်ဂရိတ်ဖရုသီးအရည်ကို ခွက်တစ်ဝက်ထည့် ရေခဲအပြည့်ထည့်မွှေပြီးရင် ချိုချဉ်ခါး Honey Lemon အေးအေးလေးတစ်ခွက်ရပြီပေါ့...

1 comment:

စံပယ်ချို said...

စါး-------------စားချင်တယ်