မိုးငွေ့ဆိုတာ...ကော်ဖီခါးခါးအကြိုက်နဲ့ ဖက်ရှင်တအားမိုက်သူပေါ့...း)

Saturday, 6 April 2013

ပဲနို့ရည်ပဲပေါင်း နဲ့ ဖက်ထုပ်ပေါင်း.....


ပဲပေါင်းကိုလုပ်ကြည့်ချင်နေတာကြာပြီ...။ တရုတ်တန်းမှာဆို 19လမ်းထိပ်မှာ အမြဲဝယ်စားဖြစ်တယ်...။ ပဲပေါင်း ပဲနို့ရည်ပူပူလေး ...။ ပဲပေါင်းကို သစ်သားစည်ကြီးထဲမှာအခဲလုပ်ထားတာ ဂျယ်လီလိုလေးလေး အဲဒါကို သကြားနဲ့ဂျင်းပြုတ်ရည်ပူပူလေးဆမ်းပြီးစားရတာ သိပ်ကြိုက်တယ်...။ ငယ်ငယ်တုန်းက ရှမ်းပြည်မှာ ဈေးထဲသွားတိုင်း ၀ယ်စားဖြစ်တယ် အဲမှာကျတော့ ကြံသကာကိုဂျင်းနဲ့ခပ်ပျစ်ပျစ်ကျိုပြီး ဆမ်းပေးတယ် ပြီးတော့ အုန်းနို့လည်းပါတယ်...။ အခု လုပ်ကြည့်ဖြစ်တယ်ဆိုတာ မခိုင်ချောစုရဲ့စာအုပ်ထဲက လုပ်နည်းလေးဖတ်ပြီး အဲအတိုင်းလုပ်ထားတာ...။ ပဲနို့ကို ခဲသွားအောင် လုပ်ဆောင်ပေးတာကတော့ ဂျယ်လီမှုန့်လို့အလွယ်တကူခေါ်ကြတဲ့ Gelatine အမှုန့်ကို အချိုးကျလေး ထည့်ပေးရတာပါ....။ မုန့်လုပ်တဲ့ ချိန်ခွက်တွေ အချိန်အစတွေက ကိုင်တိုင်လက်တွေ့လုပ်ကြည့်မှသာ သူ့အညွှန်းအတိုင်းအတိအကျလုပ်တိုင်းလည်း မုန့်မပျက်ဘူးရယ် မရှိဘူးဆိုတာသိရတယ်...။


အခု မချောစုရဲ့နည်းအတိုင်း Gelatine မှုန့်ကို 20g ထည့်သုံးပေမယ့် (ပဲနို့ကတော့ 1လီတာပဲနော်) အခဲကလိုနေသေးတယ်...။ ဒါတောင် အမှုန့်ကို ချိန်တဲ့ ဇွန်းနဲ့အတိအကျထည့်တာ..။ Gelatine ကို နောက်ထပ် 5 g လောက်ထည့်ရင် ပိုအဆင်ပြေလိမ့်မယ်လို့ထင်တယ်...။ အိုခေ နောက်တခါ ထပ်စမ်းတာပေါ့ နော်...။  ပဲနို့က ရယ်ဒီမိတ်လည်းဖြစ်နေတော့ ခဲသွားတဲ့အခါ အသားက အရမ်းကိုချောပြီးပျော့အိနေတော့တာ... စားလို့တော့သိပ်ကောင်းတယ်...။ ဒီလုပ်နည်းလေးကို အခြေခံပြီး တခါကလုပ်ဖူးတဲ့ သီးစုံဂျယ်လီလေး ထပ်လုပ်ကြည့်ဦးမယ်...မကျေပွဲပေါ့...။

 သူက ဂျုံမှုန့်တော့မဟုတ်ဘူး...။ ကော်မှုန့်ပါပဲ... ထိုင်းကုန်စည်ပြပွဲလာလုပ်တုန်းက ၀ယ်ထားခဲ့တာ...။ ခုမှစမ်းလုပ်ကြည့်ဖူးတယ်...။ ပုံမှာပြထားတဲ့အတိုင်းလုပ်တာမဖြစ်လို့ ကွကိုယ် ပန်းပွင့်ပုံလေး ထုပ်လိုက်တယ်... မှတ်ကရော...။ ကော်မှုန့်ကို ရေကြက်သီးနွေးလေးနဲ့ဖျော်ပြီးနယ်ထားတယ်..။ အထဲမှာ အမှန်က ပုစွန်နဲ့သာအစာသွပ်တာပိုကောင်းတယ်လေ...။ သာမီးက ကြက်သားကြိတ်သားပဲရှိလို့အဲဒါနဲ့ လုပ်လိုက်တယ်...။ အဲလိုပဲ Recipe တွေကို အမြဲအမယ်ပြောင်းလုပ်ချင်တာလေ...။ အစာအတွက် ကြက်သား 100ဂရမ် ထီးမှိုနှစ်ပွင့် ရေနွေးစိမ်ပြီး သေးသေးလှီးထား ကူချိုင်လို့ခေါ်တဲ့ ကြက်သွန်မှိတ်တမျိုးကို အစည်းတစ်ဝက် သေးသေးလှီး ကြက်သွန်နီသေးတစ်ဥ သေးသေးလှီး ဒါတွေအားလုံးကို ပဲငံပြာရည်ကြည် စားပွဲဇွန်းတစ်ဇွန်း ငရုတ်ကောင်းလက်ဖက်ရည်ဇွန်း တစ်ဇွန်း ပြောင်းမှုန့်လက်ဖက်ရည်ဇွန်းတစ်ဇွန်း ကြက်သားမှုန့်လက်ဖက်ရည်ဇွန်တစ်ဇွန်းနဲ့ သေချာနှံ့အောင် လက်နဲ့ နယ်ပေးပါ...။ ပြီးမှာ နှမ်းဆီ နှစ်စက်လောက်ထည့်ပြီးထပ်နယ် နာရီဝက်လောက် နှပ်ထားပါ..။


ကော်မှုန့်လုံးကို ပထမဆုံးကိုင်ဖူးတာ ဂျုံလိုစေးကပ်မှုမရှိတော့ လက်မကပ်ဘူး ... ကောက်ညှင်းမုန့်လုံးနဲ့တူတယ်... ဒလှိမ့်တုံးနဲ့လှိမ့်တော့ကွဲတယ်... လိုချင်တဲ့အပြား/အပါးမရဘူး...။ နောက်တော့ လက်နဲ့ပဲလုံးပြီး ပြားအောင်ဖိလိုက်တယ် အစာသွပ်ထည့်လိုက်တယ် အပွင့်ပုံဖော်လိုက်တယ် ကဲအေးရော..။ ထမင်းပေါင်းအိုးကိုပဲသုံးလိုက်တယ်...။ အိုးထဲရေထည့်ပြီး အပေါ်ယံဇကာအောက်ခြေကို ဆီသုပ်ပြီး ဖက်ထုပ်ပွင့်ကလေးတွေကို တန်းဆီထည့်လိုက်တယ်...။ မိနစ်နှစ်ဆယ်လောက်ပေါင်းပြီး...။ ပူပူနွေးနွေးဆော့ ဂျင်းပဲငံပြာရည်လေးနဲ့စားပါ...။


 


နယ်က အဒေါ်ရောက်နေလို့ အမေက မအားဘူး အပြင်ထွက်နေရတယ်...။ အိမ်မှာထမင်းတအိုးပဲ တည်ထားပေးခဲ့တယ်...။ ဟင်းလဲမချက်ချင်တော့လို့ ကြက်ဥထမင်းကြော် ကြော်စားတယ်....။ ကြော်နည်းလေးက လွယ်ပါတယ်..။ ထမင်းက တရုတ်ပန်းကန်တစ်လုံးစာခူးထား..။ ဒယ်ထဲဆီ ထမင်းစားဇွန်းတစ်ဇွန်းထည့် ဆီပူရင် ကြက်ဥတစ်လုံးဖောက်ထည့် ထမင်းထည့် ပဲငံပြာရည်အကြည် ငရုတ်ကောင်းနဲနဲ ကြက်သားမှုန့်နဲနဲ ထည့်ပြီး ဆက်တိုက်မွှေပါလေ့...။ သုံးမိနစ်လောက်မွှေပြီးရင် ကြက်ဥထမင်းကြော်မွှေးမွှေးလေးရပါပြီ....။  အဲဒါကို ခရမ်းချဉ်သီး ကြက်သွန်ကွင်းလေးတွေနဲ့ ထိုင်းငပိထောင်း (ငရုတ်သီးအခြောက်နဲ့ထောင်းထားတဲ့ ထောင်းပြီးသား အဒေါ်လက်ဆောင်ပေးထားတာ) စပ်စပ်ကလေးနဲ့စား ဆွေမျိုးမေ့ပဲ....။

ကဲပါလေ... ဒီနေ့အတွက် သရေကျစရာတွေကတော့ ဒီလောက်ပါပဲကွယ်...။

Have a nice weekend..........

မိုးငွေ့


7 comments:

Thamee Su said...

ဖက်ထုပ်ပွင့်လေးတွေလှလိုက်တာ စားချင်စရာလေး မိုးငွေ့ရေ

မီးမီးငယ် said...

ရှယ်ဘဲ...။
ထိုဖူးနောင်းကြိုက်တယ်။
ကြက်သားပေါင်းလည်းကြိုက်တယ်။
လုပ်တတ်ဘူး..။
စားတတ်တယ်။
တကယ်ဘဲ..ရန်ကုန်ရောက်တုံးကမေ့နေတာ..။
သွားလည်ရင် စားရမှာဘဲနော်..။

ပျိုးယုဝသုန် (Pyo Yu Wathone) said...

အပေါင်းလေးတော့ လုပ်စားဦးမယ်ဟာ။။ အပေါင်းလေးတွေ ကြိုက်တယ်

blackroze said...

မြန်မာလာလည်လို့ လာတွေ့ရင်
တကယ်လုပ်ကျွေးမှာလား
ပစ်က ပဲနို့တော့ မကြိုက်ဘူး
ဒါမဲ့မကြီးမိုးငွေ့ လုပ်ထားတာလေးတွေ့တော့
စားချင်တယ်..
ဖက်ထုပ်တော့ကြိုက်တယ်..

Thu said...

ပဲနို့ကတော့ အသူအရမ်းကြိုက်တယ်။နေ့တိုင်းကိုသောက်တာ..:D
အဲ့လိုလေးတော့လုပ်စားဖူးဘူး။
ရန်ကုန်လာလည်ရင်လုပ်ကျွေးမှာလားဟင်
Areal Thu(Ahthu)

ရိုးမြေကျ said...

မမဖက်ထုပ်လေးတွေက ချစ်စရာလေး။ ဆိုင်ဖွင့်ဖို့တော့ ကောင်းနေပြီ။ သိပ်အချိန်ဆွဲမနေနဲ့တော့။ ရန်ကုန်ရောက်တိုင်း အနော်လာအားပေးမယ်။

မြသွေးနီ said...

ဖက်ထုတ်လေး လှလိုက်တာ...
ပဲနို့ကို တရုပ်တန်းရောက်တိုင်း သောက်ဖြစ်တယ်.. ကိုယ်တိုင်လုပ်စားရင် ပိုကောင်းမလားဆိုပေမယ့် ပျင်းတယ်.. ထမင်းကြော်လေးစိတ်ဝင်စားစရာရယ်:)