မိုးငွေ့ဆိုတာ...ကော်ဖီခါးခါးအကြိုက်နဲ့ ဖက်ရှင်တအားမိုက်သူပေါ့...း)

Tuesday, 3 April 2012

နေရောင်ကြားက မိုးစက်နေ့......

ဒီစကားပန်းတွေက ဘယ်ချိန်တွေမှာပွင့်လဲ ကိုယ်သေချာမသိပေမယ့်
မင်းကိုသတိတရလို့တင်လိုက်တာပါ အိန်ဂျယ်....


နေပူကျဲကျဲ ဖုန်တထောင်းထောင်းထနေတဲ့ ကတ္တရာစေးနဲနေပြီဖြစ်တဲ့ လမ်းမပေါ်မှာ ရုတ်တရက် မိုးတဖျောက်နှစ်ဖျောက်ရွာချလိုက်တော့ ဖုန်မှုန့်တွေကနေမိုးရေနဲ့ရောပြီး ရွှံတွေထလို့ .....။ ရပ်ထားတဲ့ကားဘော်ဒီတွေမှာလဲ ဖုန်တွေနဲ့မိုးစက်တွေက အကွက်လိုက်တွေဖြစ်လို့.....။

နွေရာသီရဲ့ အသွင်ပြင်က ခုမှပီပီပြင်ပြင်ပေါ်လာတာပါ.....။ မိုးလေးတွေရွာတာကတော့ သင်္ကြန်နားနီးလို့ သင်္ကြန်မိုးလို့တော့ပြောကြတာပဲ.....။ ပိတောက်တွေလဲ ပွင့်တာမတွေ့ဘူး....။ အင်းလေ... ပိတောက်ပွင့်တာကို ကိုယ်မသိလိုက် မတွေ့လိုက်လို့ဖြစ်မှာပါ...။


မီးတွေကလဲ စပျက်နေပြီ...။ ညနေအိမ်ပြန်ရင် အမှောင်ကြီးထဲနေရမယ။် ပူကလဲ ပူဦးမယ်....။ ဒီတော့ လေအေးစက်ကလေးရှိတဲ့ စူပါမားကက်ကို ခဏ၀င်ခိုလိုက်တယ်...။ လခထုတ်ခါစဆိုတော့ စားချင်တာလေး ဟိုမုန့်ဝယ် ဒီမုန့်ဝယ် လိုအပ်တာလေးဝယ်ပေါ့....။ သင်္ကြန်အတွက် သာကူစေ့ထုပ်တွေ ကျောက်ကျောထုပ်တွေ ထန်းလျက်တွေ သကြားတွေ ကောက်ညှင်းမှုန့် ဆန်မှုန့်တွေကို သီးသန့်ဘားလေးမှာ ရောင်းနေတာတွေ့တော့ အိန်ဂျယ့်ကိုသတိရသွားတယ်....။

မနှစ်က ဒီလိုအချိန်ကလေးပဲ ဒီစူပါမားကက်လေးမှာပဲ မင်းနဲ့မင်းသူငယ်ချင်း နှစ်ယောက် သင်္ကြန်တွင်းမုန့်လုပ်စားဖို့ဈေးလာဝယ်ရင်း ကိုယ်နဲ့ဆုံခဲ့ကြသေးတယ်လေ.....။ အို....ဘာလို့ မင်းနဲ့ပတ်သက်တာတွေကို အလွတ်ရရနေရတာလဲ......။


တစ်နှစ်ရှိပြီတဲ့ ...။

အော်...အချိန်တွေ အချိန်တွေ သိပ်မြန်တာပဲ....။
ဘာမှသိပ်မကြာသေးသလိုပဲနော်.....။


ဒီနှစ်သင်္ကြန်ရော မင်းဘာလုပ်ဖို့အစီစဉ်ရှိလဲ.. မင်းအိမ်က သင်္ကြန်လည်တာခွင့်မပြုထားလို့ ကမ့်ပဲဝင်ဖြစ်မှာလား..။ ကိုယ်တို့မဆုံဖြစ်တာတောင်ကြာပြီနော်....(လိုင်းပေါ်မှာပြောပါတယ်).....။ အမြဲကိုယ်ယောင်ဖျောက်ထားတဲ့မင်းကို လိုင်းပေါ်မှာရှိမရှိမြင်နိုင်တဲ့ စွမ်းအားလေးရှိရင် သိပ်ကောင်းမှာပဲ...အိန်ဂျယ်ရယ်...။


သေသေချာချာစဉ်းစားကြည့်ရင် ဒီနှစ်ထဲမှာ မင်းနဲ့ကိုယ်စကားတစ်ခွန်းမှမပြောရသေးဘူး....။ ကိုယ့်မွေးနေ့တုန်းကလဲ မေးလ်လေးနဲ့ ဟက်ပီဘတ်ဒေးဆိုတဲ့စကားလုံးလေးနှစ်လုံးကိုတောင်မှာ Subject မှာပဲရေးပို့လိုက်တာ.....။ စာကိုယ်မှာ ပလိန်းချည်း ဘာမှမရေးဘဲပို့လိုက်တာ.... ။

အော်....ပြောရဦးမယ် သိလား.....။ ကိုယ့်ညီမတစ်ယောက်က ကိုယ့်ကို အထင်ကြီးစွာနဲ့ ကိုယ့်ကို ရည်းစားရနေပြီဆိုပြီး သူငယ်ချင်းတစ်ယောက်ကိုပြောလိုက်တယ်....အိန်ဂျယ်လေတဲ့...။ ဟ ဟ.... အိန်ဂျယ် မင်းကို ကိုယ့်ရည်းစားတဲ့။ အထင်လွဲကုန်ကြပြီ.....။ မင်းက ကိုယ့်ရည်းစားလဲမဟုတ်ဘူး ချစ်သူလဲ မဟုတ်ဘူးဆိုတာ မင်းနဲ့ကိုယ်တို့ပဲ နားလည်ကြမှာနော်....။

ကိုယ့်ရဲ့ချစ်သူရည်းစားတစ်ယောက်မဟုတ်ပေမယ့်....
သေချာတာတော့ အိန်ဂျယ်.... မင်းဟာ...ကိုယ့်ဘ၀ထဲမှာ တလျှောက်လုံး ကိုယ်နဲ့လိုက်ပါနေမယ့်သူတစ်ယောက်ဆိုတာတော့ သူတို့သိကြမယ်မထင်ဘူး...။


ကိုယ်တို့တစ်ယောက်ကိုတစ်ယောက်ဆုံတွေ့ဖို့မလိုပါဘူး.... မျက်နှာချင်းဆိုင်ဖို့မလိုပါဘူး....စကားလက်ဆုံကျဖို့မလိုပါဘူး.....။ မမြင်နိုင်တဲ့ ဆက်သွယ်မှုလိုင်းလေး သေးသေးလေးကနေ...ဘယ်သူမှမကြားနိုင်တဲ့ စကားတွေကိုယ်တို့ပြောနိုင်ကြရင်ပြီးတာပါပဲ.....။


လာမယ့်ပိတ်ရက်ကလေးမှာ မဖတ်ရသေးတဲ့ ၀ယ်ထားတဲ့ စာအုပ်လေးတွေနဲ့ အချိန်ဖြုန်းရင်း ဘာကိုလွမ်းရမှန်းမသိ လွမ်းနေရဦးမှာပါ.....။


မိုးငွေ့



10 comments:

ညီရဲသစ် said...

ရည်းစား မဟုတ်ဘူး ဆိုရင် အိန်ဂျယ်နဲ့ ပတ်သက်မှုကို ဘယ်လို ခေါ်မလဲဟင်...

စံပယ်ချို said...

သာကူတို့ကျောက်ကျောတို့လုပ်ပြီးရင်လဲ
ကျွေးပါဦးနော်

မိုးသက် said...

အစ်မမိုးငွေ့.. အိန်ဂျယ်က ၀တ္ထုမှတ်နေတာ လက်စသတ်တော့ ရင်တွင်းဖြစ်တွေကိုး ကြည့်ဦး နာ့အစ်မ တော်ချက်..

လွင်ပြင်လှိုင်းငယ် said...

အက်ဆေးလေးကို အိန်ဂျယ်လေး ဖတ်မိရင် အရမ်းကောင်းမယ်နော်

သဒ္ဓါလှိုင်း said...

လွမ်းတာတွေကတော့ သိပ်မများပေမယ့် တစ်ခုခုကို ပြင်းပြင်းပြပြ လွမ်းနေတယ် မမိုး..။
အက်ဆေးလေးဖတ်ပြီး လွမ်းသွားရပြန်ပြီ.။
ချစ်တဲ့
သဒ္ဓါ

8Yar said...

သူလုပ်မှပဲ ကိုယ်တောင်လွမ်းချင်သွားတယ်။ လူဆိုး။ :P လာလည်ရင်း ဖတ်သွားပါတယ်ခင်ဗျာ။

ပျိုးယုဝသုန် said...

အိန်ဂျယ် သိမှာပါ.. ချစ်သူရည်းစာမဟုတ်တဲ့ ခင်တွယ်ရသူ ...

blackroze said...

မကြီးရယ်..တခါတလေတော့လည်း
သူနဲ့ကိုယ်သာသိတဲ့ ဆက်သွယ်မှု့လေးပေါ့

ချော(အစိမ်းရောင်လွင်ပြင်) said...

တစ်ယောက်နဲ့တစ်ယောက် ချစ်သူရည်းစားမဟုတ်တဲ့ ပတ်သက်မှုလေးကလည်း ဘာဘဲဖြစ်ဖြစ် ကြည်နူးစရာနော်။
အဲဒါလည်း တစ်မျိုးကောင်းပါတယ်။ ပူလောင်မှုမရှိတဲ့သံယောဇဉ်ပေါ့ နော်။

san htun said...

ဘာကို လွမ်းမှန်းမသိ လွမ်းသွားတယ်..ရည်းစားမဟုတ်တဲ့ ချစ်ရသူကို..:P