Wednesday, 29 June 2011

မင်းအတွက်...

ဂူဂယ်လ်မှပုံဖြစ်ပါသည်


မင်း.... သီချင်းတစ်ပုဒ်ကို သီဆိုမယ်ဆိုရင်
ကိုယ်ဟာ .... မင်းသီဆိုမယ့် သီချင်းအတွက်
လှပတဲ့ စာသားတွေကို သီကုံးပေးမယ့်သူ။

မင်း....ဇာတ်ကားတစ်ခုမှာ သရုပ်ဆောင်မယ်ဆိုရင်
ကိုယ်ဟာ... မင်းကမယ့်ဇာတ်မှာ ထိမိတဲ့
စကားလုံးတွေကို ဇာတ်ညွှန်းရေးပေးမယ့်သူ။

မင်း...ဘ၀ပြဇာတ်လေးအမြဲလှဖို့
ကိုယ်ဟာ... မင်းနောက်ကနေ
စီစဉ်ညွှန်ကြားပေးမယ့်သူ...။

အလွမ်းပြဇာတ်လေးမှာ
မင်းဝမ်းနည်းကြေကွဲတဲ့အခါ
ဟာသယဥာဏ်လေးနဲ့
မင်းအပြုံးတွေကို

အသက်သွင်းပေးမယ့်သူ။

တခါတရံမှာ ဗီလိန်နေရာကလည်း
ကိုယ်.... မင်းတွက်
ဇာတ်နာရရင်လည်းရပါတယ်။
အဲဒီလောက်ထိ
“မင်းအတွက်” ကိုယ်...ဖြစ်ချင်ခဲ့သူပါကွယ်...။ ။



မိုးငွေ့

Monday, 27 June 2011

ကောက်ညှင်းပေါင်း၊ ကြက်ကြော် နဲ့ မော်ဒန်လက်ဖက်သုပ်

မောင်လေးတာချီလိတ်ကပြန်လာတော့ အဒေါ်ကထည့်ပေးလိုက်တာ ကြက်ကြော် ကောက်ညှင်းပေါင်းနဲ့ ယိုးဒယားငရုတ်သီးထောင်း

Strand Hotel မှာ Rich Gem နှစ်ပတ်လည်ရှိုးပွဲလုပ်တုန်းက လာတဲ့ဧည့်သည်တွေကို ကျွေးတဲ့ လက်ဖက်သုပ်...။ ဂေါ်ဖီပြုတ်ရွက်နဲ့ပတ်ပြီး အဲလိုကြွေဇွန်းနဲ့တစ်လုတ်စာစီထည့်ထားတယ် အဲဒါကို အိမ်မှာ လုပ်စားကြည့်တာ

လက်ဖက်ရည်ကြမ်းလေးနဲ့

ဒညင်းသီးပေါ်ချိန် စေးထန်းနေလိုက်တာ....။ ပြုတ်ပြီးသားကိုဝယ်လာပြီး အိမ်မှာတစ်ခါပြန်ပြုတ် အအေးခံ အညှာလေးကိုဓါးနဲ့စိတ်ရှည်လက်ရှည်လှီးထုတ် ထုထောင်း ဆားဖြူးပြီး ဆီဆမ်းထားတာ...။ များများတော့မစားနဲ့ ကျောက်ကပ်ထိခိုက်တယ်...။


မိုးငွေ့

Sunday, 26 June 2011

ဒိန်ချဉ်ရေခဲမုန့်

ဆိုင်နံရံလေးကို ဟောဒီလို ရောင်စုံဒီဇိုင်းလေးပြင်ထားတယ်


ဒါက တခြားတဘက်ကနံရံလေးမှာ ဒီဇိုင်းအမျိုးမျိုး စာသားအမျိုးမျိုးနဲ့ လွယ်အိတ်မှာကပ်တဲ့ တံဆိပ်ဝိုင်းပုံ မီးထွန်းထားတယ်...

ရောင်စုံ crunchy လေးတွေဖြူးထားတဲ့ ဒိန်ချဉ်ရေခဲမုန့်

စပျစ်သီးဖြူးထားတဲ့ ဒိန်ချဉ်ရေခဲမုန့်


ချောက်ကလက်ဒိန်ချဉ်ရေခဲမုန့်

ဒါက ဆိုင်အ၀င်ဝညာဘက်ခြမ်းနံရံကစာသား


ပြည်လမ်းပေါ်က တော်ဝင်စင်တာ မြေအောက်ထပ်မှာရှိတဲ့ စားသောက်ဆိုင်တန်းတွေထဲက ဆိုင်လေးတစ်ဆိုင်နဲ့ မိတ်ဆက်ပေးချင်ပါတယ်...။ ဒိန်ချဉ်ရေခဲမုန့်ဆိုင်လေးပါ....။ ဆိုင်နာမည်က “Frolik”တဲ့... “Frolic” မြူထူးဆော့ကစားသည် ဆိုတဲ့ စကားလုံးကလာတာပါ...။ ရေခဲမုန့်ကတော့ ဒိန်ချဉ်တစ်မျိုးတည်းပဲရပါတယ်...။ အပေါ်ကကိုယ်ကြိုက်တဲ့ Topping လေးတွေကိုသာရွေးရတာ...။ အပေါ်မှာပြထားတဲ့ ခွက်က original ပါ အလတ်စားပေါ့... Jumbo size ရှိသေးတယ်.... အော်ခွက်ထက်သေးတဲ့တစ်ဆိုဒ်လည်းရှိပါသေးတယ်...။ အလတ်စားခွက်ကတော့ နှစ်ထောင်ပေးရပါတယ်....။ Topping လေးတွေကတော့စုံပလုံစိနေတာပဲ ...။ အဲ... ဓါတ်ပုံမရိုက်လာမိဘူး...။ သူတို့ခွင့်ပြုမပြုတော့မသိဘူး...။ နောက်တစ်ခေါက်သွားစားဖြစ်ရင် မေးကြည့်ဦးမယ်...။ Chocolate Crunchy တွေပုံစံမျိုးစုံရှိတယ် နွားနို့နဲ့သောက်တဲ့ Corn Flake အရောင်စုံ ရယ်... သီဟိုဠ်စေ့ရှိတယ်... Almond ... မက်မွန်သီး... ဝေဖါမုန့် အပြင် ကြက်ဥခေါက်မုန့်လို အချောင်းလေးတွေလည်းရှိပါတယ်....။ ရေခဲမုန့်မကြိုက်တဲ့ ကျမတောင် အဲဒီဒိန်ချဉ်ရေခဲမုန့်ကို တော်တော်ကြိုက်သွားတယ်...။ အဲဒီနေ့က သူ့နှစ်ဆိုင်ကျော်က ချန်ပီယံကြက်ကြော်သွားစားပြီး အအီပြေဒိန်ချဉ်ရေခဲမုန့်ဝင်စားတာ...။ ကြက်ကြော်က သုံးတုံးကိုနှစ်ထောင်ကျတယ်....။ အဲ... ဒိန်ချဉ်ဆိုင်မရောက်ခင် Pizza Conner က take away ဆိုပြီး ချိတ်ထားတာတွေ့လို့ ...။ Hawain regular တစ်ခုပါဆယ်ကို ဒိန်ချဉ်ဆိုင်လာပို့ပါဆိုပြီးမှာခဲ့တယ်...။ ၀ိတ်လျှော့နေတယ်...။ အစားကြီးလှချေလား မထင်ပါနဲ့....။ အဟဲ......တကယ်လည်းစားပါတယ်ရှင်.....။ ကြိုက်တာကိုးလို့....။


မိုးငွေ့

Thursday, 23 June 2011

မှတ်စု....



ဘုရားကျောင်းက ခေါင်းလောင်းသံ ဒေါင်ဒေါင်ဒင်ဒင်ကြားတိုင်း မင်းကို လွမ်းတယ်....။ ဗဒင်သီချင်းသံကြားလည်း..... မင်းကိုလွမ်းတယ်....(မင်းကသိုးမည်းလို့ခံယူထားလို့လေ)....။ ဟိုနေ့က... M3 မှာ ချမ်းချမ်းသီချင်းဆိုတော့လည်း....လွမ်းရပြန်တယ်ကွယ်...။ မင်းအတွက်(၃)ထဲက မင်းကြိုက်တယ်ဆိုတဲ့ “အဝေးကပဲချစ်မယ့်သူ”ဆိုတဲ့သီချင်းလေး....။ လိုက်ဆိုတဲ့....... ကိုယ့်အသံတွေ တုန်ရင်ကွဲအက် နေလိမ့်မယ်.....။ ပြီးတော့.....လေထဲက အတောင်ပံနဲ့ ပျံနေတဲ့အနမ်းတွေကို လွမ်းလိုက်တာ.......။

အဲဒီနေ့က မင်းခေါင်းသိပ်မူးနေတယ် ဘာလုပ်ရမလဲဆိုပြီး အွန်လိုင်းမှာမေးလာတယ်....။ ကွန်ရှေ့မှာမထိုင်ဘဲ မျက်စိကိုအနားပေး အချိုရည်ဖြစ်ဖြစ်သောက်ထားလိုက် ဒါမှမဟုတ် သကြားလုံးရှိရင်ငုံထားလိုက်လို့ပြောပြီး မင်းအနားယူနေတဲ့အချိန် စက်နဲ့ဝေးဝေးနေ နေတဲ့အချိန်မှာ နားထောင်ဖို့ မင်းအတွက်(၃)ထဲက သီချင်းတွေပို့ပေးလိုက်တယ်....။

အဲဒီနေ့က နေသာတဲ့ တနင်္ဂနွေနေ့....။ ကိုယ်တို့ Romance ရုပ်ရှင်ကားလေးဝင်ကြည့်ကြတယ်....။ မျက်ရည်လွယ်တဲ့ကိုယ့်ကို မင်းကိုင်နေကျ မွေးပွလက်ကိုင်ပုဝါအဖြူရောင်လေးနဲ့ တစ်ဖက်ကသုတ်ပေး တစ်ဖက်ကလည်းကိုယ့်ပခုံးကို ခပ်တင်းတင်းပွေ့ဖက် အားပေးတယ်...။ “ချစ်သည်းက ငိုလည်းလှတာပဲ” လို့ပြုံးပြီးပြောသေးတယ်...။ (ကိုယ့်ကို....ချစ်သည်းလို့ခေါ်တိုင်း “ကညာပျိုနဲ့ဇရာအို”ဇာတ်ကားထဲက ကောလိပ်ဂျင်နေ၀င်း ညဖက် ခင်သန်းနုဆီဖုန်းခိုးဆက်တော့ ခင်သန်းနုကို အိုကြီးတန်မဲ့ ခေါ်တဲ့ပုံကို မြင်ယောင်မိတယ်.... အဲဒီမှာ ကောလိပ်ဂျင်နေ၀င်း ချစ်သည်းလို့ခေါ်လိုက်တဲ့ လေသံက သိပ်မိုက်တာ)။

အဲဒီနေ့က မိုးအုံ့တဲ့ တနင်္ဂနွေနေ့.....။ ကိုယ်တို့ ကော်ဖီဆိုင်တစ်ခုမှာ အတူရှိနေကြတယ်...။ မိုးအေးလို့ ကိုယ်သောက်နေကျ Ice Latte ကိုမမှာတော့ဘဲ Americano အပူနှစ်ခွက်မှာတယ်...။ မင်းနဲ့အတူတူပေါ့....။ ကော်ဖီရောက်လာတော့ ကိုယ့်ကို မင်းက စိတ်ရှည်လက်ရှည် ဖျော်ပေးတယ်....။ မင်း....ကော်ဖီဖျော်ပေးနေတဲ့ ဟန်က ကမ္ဘာပေါ်မှာ ကြည့်လို့အကောင်းဆုံးမြင်ကွင်းတစ်ခုလို့တောင် ကိုယ်ထင်မှတ်သွားမိတယ်...။

အဲဒီနေ့က မင်းမကြိုက်တဲ့ ဒန်ပေါက်ကို ဇွတ်အတင်း...ကိုယ်စားချင်တယ်ပြောလို့.... ဒန်ပေါက်ဆိုင် တစ်ဆိုင်ရောက်သွားတယ်....။ အနိုင်ကျင့်ပြီးမင်းကို တစ်ပွဲကုန်အောင်စားခိုင်းတော့ မစားချင်စားချင်နဲ့ အီလည်လည်ဖြစ်နေတဲ့ မင်းမျက်နှာလေး ချစ်စရာကောင်းလိုက်တာ....။

အဲဒီနေ့က မင်းကိုသနားလို့ မင်းသိပ်ကြိုက်တဲ့ စမူဆာသုပ်ကို ကိုယ်လိုက်ဝယ်ကျွေးတယ်.....။ ၀မ်းသာလို့ တောက်ပသွားတဲ့ မင်းမျက်လုံးတွေကို ကိုယ်ချစ်လိုက်တာ....။

အဲဒီနေ့က ကြေကွဲဝမ်းနည်းစရာတစ်ခုကြောင့် မင်းမျက်ရည်ကို ကိုယ်မြင်ခွင့်ရလိုက်တယ်....။ ကိုယ့်ပခုံးပေါ်မှာ ယောက်ကျားတစ်ယောက်ရဲ့ မျက်ရည်စွန်းထင်းသွားလိမ့်မယ်လို့ ကိုယ်တစ်ခါမှမတွေးခဲ့ဖူးဘူး...။ မင်းကျောပြင်ကို ပွတ်သပ်ချော့သိပ်လို့ ကိုယ်ပါ မျက်ရည်ဝဲခဲ့ရတယ်....။

အဲဒီနေ့က မင်းကိုယ့်ကို သီချင်းတွေအများကြီးဆိုပြတယ်.........။ ကိုယ်ကြိုက်တဲ့ အစ္စဏီရဲ့သီချင်းက........ မင်းအသံနဲ့ သိပ်လိုက်ဖက်တာပဲ.......။ (ကိုယ့်ဆီကို ဘယ်တော့မှာ ရောက်မလာတော့မှာမို့ အတိုးချပြီး ဆိုပြနေသလား)

အဲဒီနေ့က အပြာရောင်တနင်္ဂနွေနေ့....။ မင်းနဲ့ဘုရားကျောင်းလိုက်သွားတယ်....။ ဘုရားကျောင်းခုံတန်းမှာ ဒူးထောက်ပြီး လက်အုပ်ချီ မျက်စိမှိတ် ဘုရားအာရုံပြုနေတဲ့ မင်းပုံစံလေး ကိုယ့်မျက်စိထဲကမထွက်ဘူး....။ ပြီးတော့ အဲဒီနေ့က ချိုမြိန်တဲ့ အနမ်းလေးတွေကိုလည်း ကိုယ်ဘယ်တော့မှမေ့မှာမဟုတ်ဘူး....။

အဲဒီနေ့က မိုးတွေသည်းလိုက်တာ....။ ကောင်းကင်ကြီးလဲ မဲမှောင်လို့....။ အငြိုးကြီးစွာ မိုးထစ်ချုန်းသံတွေကလည်း ကြောက်စရာ.......။ ညတုန်းကလည်း အိပ်မက်မကောင်းဘူး......။ မင်းနဲ့ကိုယ် ရေစီးသန်တဲ့ ချောင်းတစ်ခုမှာ ဟိုဖက် ဒီဖက်ခြားနေကြတယ်....။ မကောင်းတဲ့ အတိတ်နိမိတ်များလား....။ မင်းကိုယ့်ကို ၀ယ်ပေးထားဖူးတဲ့ အဖြူရောင်ပုဝါလေးကလည်း မင်းလက်ထဲမှာ.....။ ပြီးခါကျတော့ မင်း အစိမ်းရောင်မြက်ပင်ရှည်ကြီးထဲ ပျောက်ကွယ်သွားတယ်....။

အဲဒီနောက်......အဲဒီနောက်.............. မင်းကိုယ့်ဆီရောက်မလာတော့ဘူး........................................။

အဲဒီလို အမှတ်တရတွေ အများကြီးထားခဲ့ပြီးမှ.... ကိုယ့်အနားကနေ ကိုယ်ယောင်ဖျောက်သွားခဲ့တယ်.............။

မင်း.......ဘယ်ဆီမှာလဲ အိန်ဂျယ်........။

ကိုယ့်ကို ရှောင်ပုန်းနေတဲ့သူတစ်ယောက်ကို လိုက်ရှာဖို့ ကိုယ်မကြိုးစားတော့ပါဘူး......။ မင်းဆီမှာ ခိုင်လုံတိကျတဲ့ အကြောင်းပြချက်တစ်ခုရှိနေမှာပါ.....။

ဒီနေ့..... မင်းကို လွမ်းဆွတ်လွန်းလို့ နီကိုလပ်ကေ့ခ်ျနဲ့ မက်ရိုင်ယမ် သရုပ်ဆောင်ထားတဲ့ City Of Angel ကားဟောင်းလေးကို ထိုင်ကြည့်ဖြစ်တယ်....။ အတောင်ပံသေးသေး ကြည်ကြည်လေးတွေပါတဲ့ ကလေးကာတွန်းကား Fairy Tales ထိုင်ကြည့်ဖြစ်တယ်......။ ချစ်စရာ အတောင်ပံလေးတွေနဲ့ ကာတွန်းရုပ်ကလေးတွေကို သဘောကျလို့ အသံထွက်ရယ်မိတယ်....။ ကိုယ့်ရယ်သံတွေ မျက်ရည်နဲ့ရောပြီး အက်ကွဲနေလိမ့်မှာ....။ ခုတော့ မင်းအမှတ်တရထားခဲ့တဲ့ ဆုပ်ကိုင်လို့ရတဲ့ အရာတွေက အဖြူရောင်ခြုံပုဝါတစ်ထည်.... အဖြူရောင်ပိုက်ဆံအိတ်သေးသေးတစ်ခုနဲ့ ကော်ဖီကြိုက်တဲ့ကိုယ့်ကို အဖြူရောင်ကော်ဖီမဂ်ခွက်လေးတစ်လုံး ......။

မိုးငွေ့

Tuesday, 21 June 2011

ဝေးလွင့်သွားသူ....


-->
လေတွေတိုက်ခတ်နေပါစေ
ဆံနွယ်တွေလွင့်ပျံနေပါစေ
မျက်ရည်မြစ်တွေစီးဆင်းနေပါစေ
လေပြေတွေဆော့ကစားလို့
ပွရှုပ်သွားမယ့် ဆံနွယ်တွေကို
သပ်တင်ပေးမယ့်သူမရှိပါဘူး
လွမ်းနာကျလို့ ငိုမယ်ဆိုလည်းငိုပါ
မျက်ရည်တွေကို ခပ်ဖွဖွသုတ်ပေးမယ့်သူမရှိပါဘူး..
ကွန်ပျူတာကီးဘုတ်ပေါ် တချောက်ချောက်နဲ့ စာရိုက်ရလို့
လက်ချောင်းတွေညောင်းလည်း နှိပ်နယ်ပေးမယ့်သူမရှိပါဘူး

မိုးငွေ့

Monday, 20 June 2011

စနေမိုးရေစက်များနှင့်အလှူ

လှည်းတန်းပွိုင့်မရောက်ခင်က


18.6.2011 စနေနေ့ နေ့လည်(၁)နာရီ စံပြကားဂိတ်ကနေ (၁၂၄)ဘတ်စ်ကိုစစီးလိုက်တာ တစ်နာရီတိတိကြာပါတယ်...။ စထွက်တုန်းကတော့ ရာသီဥတုကအုံ့အုံ့မှိုင်းမှိုင်း...။ ကောင်းကင်ကတော့ အပေါ်ကပုံထဲကမြင်တဲ့အတိုင်းခဲသားရောင်ဖြစ်နေတယ်...။ လေပါလို့ အုန်းလက်တွေလည်းလှုပ်ခတ်နေတယ်....။
ကျမတို့ရဲ့ ဦးတည်ရာကတော့လှော်ကားမှာနေနေတဲ့ အဘဦးသုခကိုလိုအပ်တဲ့ စားစရာနဲ့ ငွေသွားလှူကြတာပါ...။

ရုံးကနေ့တစ်ဝက်ဆိုတော့ ရုံးကညီမနှစ်ယောက်နဲ့ ကျမနဲ့သွားကြတယ်....။ ရွှေပြည်သာကို ရန်ကုန်မှာသာနေတာ တစ်ခါမှ အထဲထိမရောက်ဖူးဘူး...။ လမ်းတစ်လျှောက်ရာသီဥတုက မိုးအုံ့တယ်ဆိုပေမယ့် နေရှိန်ပြီး အိုက်စပ်စပ်ဖြစ်နေတယ်...။ ပထမကားစစီးတော့ ထိုင်ခုံမရဘူး မြေနီကုန်းကျမှ အဆင်းသမားတွေဆီကနေခုံရပါတယ်...။ ကားပြူတင်းနားနေရာရတော့လေတိုက်တာနဲ့ နေရှိန်တာနဲ့ မျက်စိတောင်စပ်ပါတယ်...။ ဒါပေမယ့် ကိုယ်သွားလုပ်မယ့် ကုသိုလ်ကောင်းမှုတစ်ခုအတွက် ကြိုတင်တွေးပြီး ပီတိဖြစ်နေမိတယ်...။ မျက်စိမှိတ်ပြီးလိုက်သွားရင် ဘာမှာမမြင်မတွေ့လိုက်ရမှာစိုးလို့ မျက်စအစပ်ခံပြီး ပတ်ဝန်းကျင်ကို ပြူးပြဲကြည့်သွားတယ်...။ ကားက အင်းစိန်လမ်းမကြီးအတိုင်းသွားတယ်... ဒညင်းကုန်းကျော်တော့ ရွှေပြည်သာမြို့နယ်အစပ်ကိုရောက်ပြီ...။ မြို့ပြင်ရောက်တော့ မိုးတွင်းကလည်းဖြစ် သစ်ပင်တွေစိမ်းစိမ်းစိုစိုနဲ့ ကြည့်ရတာ အေးချမ်းနေတယ်...။ လမ်ဘေးတစ်လျှောက် ကျွန်းပင် အရွက်ဖါးဖါးကြီးတွေ ပိတောက်ပင်တွေ ဗာဒံပင်တွေ ကုက္ကိုပင်ကြီးတွေ စိန်ပန်းပင် ငုဝါပင်တွေစုံလို့ပါပဲ....။ မိုးရွာထားတော့ ကတ္တရာလမ်းဘေး မြေအနိမ့်ပိုင်းမှာရေတွေဝပ်လို့.... အဲဒီရွှံနွန်တောထဲမှာ ကန်ဇွန်းပင်တွေ ပိန်းရွက်တွေ ပြွတ်နေအောင်ပေါက်နေကြတယ်...။ အဲလိုရေ၀ပ်တဲ့ မြေကွက်လပ်တွေ နေရာတိုင်းတွေ့ရတယ်...။

စိတ်ထဲမှာ နယ်မြို့တစ်မြို့ကိုခရီးနှင်နေရတဲ့ အတိုင်းပဲခံစားနေမိတယ်....။ ရန်ကုန်တိုင်းထဲပေမယ့် ဟောင်းနွမ်းပြိုပျက်နေတဲ့ ခရီးသည်နားနေရာကားမှတ်တိုင်တွေ တော်တော်များများတွေ့ရတယ်....။ မြေကြီးမို့မို့ပေါ်မှာ တာလပတ်မိုးထားတဲ့ ကြော်ငြာဗီနိုင်းစတွေ ဟိုဒီတစ်စဆွဲချိတ်ထားတဲ့ လက်ဖက်ရည်ဆိုင်တွေ...။ ၀ါးထံရံကပ်တွေနဲ့လုပ်ထားတဲ့ ဆိုက်ကားဂိတ်တွေ ...။ ရွှံတွေထူလပစ်ဖြစ်နေတဲ့ ရပ်ကွက်ဈေးလေးတွေ.....။ သဘာဝကျကျလေးမြင်ရတာဖြစ်ပေမယ့်.... ဒီဘက်ပိုင်းမှာ တိုးတက်မှုတွေ လိုအပ်နေသေးတာကိုတော့ မျက်ဝါးထင်ထင်မြင်လိုက်ရတယ်...။

သဘာဝပတ်ဝန်းကျင်ကို ဖွဲ့နွဲ့တာနည်းနည်းများသွားတယ် လိုရင်းကိုစလိုက်ကြရအောင်...။ ကျမတို့စီးလာတဲ့ (၁၂၄)ဘတ်စ်ကားက အစိုးရစက်ရုံတွေဖြစ်တဲ့ အုတ်ဖုတ်စက်ရုံ၊ မီးခံအုပ်ဖုတ်စက်ရုံ၊ ရွှေပြည်သာစက်မှုဇုံနဲ့ သာဓုကန်စက်မှုဇုံတို့ကို ဖြတ်ကျော်လာပြီးနောက်...။ အဘဦးသုခသားပြောထားတဲ့ ဂျိုကာမှတ်တိုင်မှာ ဆင်းပါတယ်...။ နောက်တစ်ဂိတ်ဆို ဂိတ်ဆုံးပဲတဲ့ စပါယ်ယာကပြောတယ်...။ အဘကိုကျမသိတာ ဟိုးး ငယ်စဉ်ကတည်းကပါ...။ ကျမတို့ ရှစ်တန်းကိုးတန်းကတည်းက လမ်းမတော်ဘက်မှာ မုန့်လာလာအော်ရောင်းနေကျလေ...။ သူရောင်းတဲ့ မုန့်တွေက ပင်တိုင် ခေါက်မုန့်နဲ့ ရေခဲထုပ်....။ ကျန်တာကတော့ ပဲကြော် မြေပဲကြော် မြေပဲယို နှမ်းယိုနဲ့ ယပ်တောင်တို့ပဲဖြစ်တယ်...။

သူဈေးရောင်းရင် အော်တဲ့ အသံလေးပြောပြချင်ပါတယ်....။

“ပဲကြော် မြေပဲကြော်....” “မြေပဲကြော်....ပဲကြော်”
“မြေပဲကိုနှမ်းပစ်.... ကြက်ဥခေါက်မုန့် ရေခဲထုပ် ရေခဲထုပ်....ယပ်တောင် ယပ်တောင် မြန်မာအဲယားကွန်း”

ယပ်တောင်ပါတဲ့နေ့ဆို အဲဒီလေးနောက်ဆက်တွဲအော်တတ်တယ်....။

ဈေးလာရောင်းရောင်းတိုင်း ရုံးညီမတစ်ယောက်က သနားလို့ဆိုပြီး တစ်လတစ်ခါ ငွေငါးထောင်လှူတတ်ပါတယ်..။ အဲလိုလှူရင်းနဲ့ အဘလိပ်စာကို လိုရမယ်ရတောင်းထားလိုက်တာ...။ ပြီးခဲ့တဲ့ နှစ် ရှစ်လပိုင်းကတည်းက အဘဈေးမရောင်းတော့ဘူး ...။ နိစ္စဓူဝကြားနေရတဲ့ အဘဈေးအော်ရောင်းသံမကြားတော့ နေမကောင်းများဖြစ်နေသလား အဘများသက်ရှိထင်ရှားရှိသေးရဲ့လားပေါ့...။ ဒါနဲ့ ပေးထားတဲ့ လိပ်စာနဲ့ တစ်ဆင့်ခေါ်ဖုန်းကနေဆက်ကြည့်လိုက်တော့ ...အဘဦးသုခတစ်ယောက်ဈေးမရောင်းနိုင်တော့ဘူး အိပ်ယာထဲလဲနေပြီတဲ့...။ အဲဒါနဲ့ အဘအားဖြစ်စေမယ့် နို့မှုန့်တို့ ကွေကာအုပ်တို့ ကိတ်မုန့်တို့ကို ပေးချင်တယ်ဆိုတော့...။ သူ့မှာ မြေးမလေးနဲ့သားရှိပါတယ်တဲ့....။ အဲဒီတုန်းက ကျမတို့သေချာမသိလို့ တစ်ခါ သူ့မြေးမလက်ထဲ့ကို ငွေစတချို့အပ်ခဲ့တာ...အဲဒီကလေးမ အဖိုးကိုဝယ်မကျွေးဘဲ ဖျောင်ပစ်လိုက်သတဲ့....။ ခုသွားတော့မှ သေချာဂဃနဏသိရတာ...။ အဘဦးသုခမှာ သားသမီးသုံးယောက်ရှိတယ်...။ အခု အဘကိုပြုစုပေးနေတဲ့ ကိုအောင်သန်းက အလတ်တဲ့...။ အကြီးဆုံးသမီးကလည်း ကျန်းမာနေတုန်းကလာလာပြီး ပိုက်ဆံယူတတ်ပြီး...။ ခုလို လေဖြတ်သွားတော့ ပေါ်မလာတော့ဘူးဆိုပဲ...။ အစောကပြောတဲ့ မြေးမဆိုတာ အဲဒီသမီးအကြီးကမွေးတဲ့ သမီး...။ ဒီ...အခုနေနေတဲ့ တဲအိမ်သာသာ အိမ်ကရံကိုတောင်ယူသွားလို့ ရပ်ကွက်လူကြီးတွေက ပြန်တောင်းပြီး သိမ်းပေးထားရသတဲ့....။ သမီးအငယ်ကတော့ တရားပေါက်သလို ဘာလိုလိုနဲ့ပျောက်သွားတယ်ဆိုပဲ....။ အော်ဗျာ...... ကိုယ့်မိဘအရင်းခေါက်ခေါက်ကိုတောင် ဒီလို လုပ်ရက်တဲ့သူ ဘယ်လိုစိတ်နှလုံးသားနဲ့သူတွေလဲ....။




အဘဦးသုခ အိမ်ကိုသွားဖို့စ၀င်တဲ့လမ်း ဗေဒါပင်လည်းမတွေ့ရဘူး
ဘဲအုပ်ကလည်းတစ်ရာနှစ်ရာမဟုတ်ဘူး လေးကောင်တည်း

ဘယ်အိမ်ကအိမ်မွေးခွေးလေးလဲတော့မသိဘူး
ရေမချိုးထားပေးတော့ ညစ်ထေးထေး သနားကမားရုပ်လေးနဲ့

အရှေ့နားက ဓါတ်တိုင်ရှိတဲ့ လှိုင်းကြက်ခွပ်ထနေတဲ့ ညာဘက်ချိုးဝင်သွားရမှာ


ရေလည်ခေါင်က အဘရဲ့အိမ်ကလေး

သီချင်းဆိုပြနေတဲ့ အဘဦးသုခ

အဘဈေးရောင်းစဉ်ကခေါက်မုန့်ပုံးလေး


ကျမတို့ကို ကားပေါ်အတူစီးလာတဲ့ အဲဒီရပ်ကွက်ထဲက အဒေါ်ကြီးလမ်းပြလို့ အဘနေတဲ့ လမ်းကို ရေတွေပါတွေကူးပြီးရောက်သွားတော့ ...အဘသား ကိုအောင်သန်းက မနေ့ကတည်းက ကျမတို့အဖွဲ့လာမယ်ဆိုတာ ဖုန်းကြိုဆက်ထားတော့ လမ်းထိပ်ထွက်ကြိုပါတယ်...။ ကိုအောင်သန်းဆိုတာ ရိုးပုံရိုးအနဲ့ အသက်လေးဆယ်ကျော်ငါးဆယ်နီးပါး အရွယ်လောက်ရှိမယ်...။ အဘနေတဲ့ အိမ်ကလေးကိုဝင်ဖို့ ရေတွေကအပြည့်။ ၀ပ်နေတဲ့ရေတွေက ဖို့ထားတဲ့ သဲအိတ်ပေါ်တောင် ကျော်နေပါပြီ...။ အိမ်လေးက ခြေတံရှည်အိမ်ကလေး...။ အင်းလေ... ခြေတံရှည်သာမဟုတ်ရင် နေစရာတောင်မရှိလောက်ဘူး...။ အဲဒီထဆင်ထူးရပ်ကွက်က အိမ်တိုင်းလိုလို မိုးတွင်းရေလွတ်ဖို့ ခြေတံရှည်တွေဆောက်ထားပုံရပါတယ်...။ အိမ်ကပြင်မှာ ဖိနပ်ချွတ်ပြီး အိမ်ပေါ်လှမ်းတက်လိုက်တော့.. ပင့်ကူအိမ်တွေတွယ်သန်းနေတဲ့ ဘုရားစင်အောက်မှာ အောက်ပိုင်းကို ခပ်နွမ်းနွမ်းစောင်တစ်ထည်ခြုံပြီး ပက်လက်ကလေးရှိနေတဲ့ အဘဦးသုခ....။ ပြီးတော့ ကျိုးတိုးကျဲတဲ ကြမ်းပြင်မှာပဲ ဒီတိုင်းကျောခင်းရတော့ အဘကျောတွေ နာနေရှာမှာပဲ... ။ ဘာလို့ အခင်းခင်းမပေးလဲမေးတော့။ အခင်းက ခဏခဏ ဆီးသွားဝမ်းသွားဆိုတော့ သူလဲမလျှော်နိုင်တော့တာ...။ ပြီးတော့ အဲဒီမှာက ရေလဲရှားတယ်...။ ကိုအောင်သန်းက “အဖေ... ဒီမှာ ဘယ်သူတွေလာသလဲသိလား” ဆိုတော့...။ “စွမ်းမိသားစုကလား”တဲ့...။ သူ့ကိုလှူနေကျသူတွေဖြစ်မှာပေါ့...။ “မဟုတ်ဘူး အဘရဲ့ သမီးတို့က ရွှေတောင်တန်းကပါ” လို့ပြောလိုက်တော့ သူမှတ်မိတယ်...။ ကျန်းမာနေတုန်းက ဒီလှော်ကားကနေ ရထားစီးပြီး ဟိုးး မြို့ထဲအထိ ဝေးဝေးလံလံဈေးသွားရောင်းတာ...။ ပြီးတော့ လမ်းမတော်တစ်မြို့နယ်ထဲမှာပဲ ပတ်ရောင်းတာ...။ ငယ်ငယ်တုန်းက အဘ“ယပ်တောင် ယပ်တောင် မြန်မာအဲယားကွန်း”လို့အော်ရင် သိပ်သဘောကျတာ....။

ကျမတို့ ကိုအောင်သန်းထံ အဘအတွက် မုန့်နဲ့ ငွေတွေအပ်ပြီး အဘနဲ့စကားတွေပြောဖြစ်တယ်...။ အဘက မျက်စိကွယ်နေပြီ...။ ဒါပေမယ့် အသံကတော့ အောင်တုန်း...။ ဘေးအိမ်က အစ်ကိုကြီးတစ်ယောက်က “ဧည့်သည်တွေကို သီးချင်းဆိုပြလိုက်ပါဦး”ဆိုတော့....။ ဆိုတာများ အသံလုံးကြီးကြီးနဲ့....အဲဒီနားက လေးငါးအိမ်ထိကြားရမယ်....။ ဘာသီချင်းမှန်းခေါင်းစဉ်သေချာမသိပေမယ့် သမိုင်းထဲက သူရဲကောင်းတွေအကြောင်း စပ်ဆိုထားတဲ့ သီချင်းတစ်ပုဒ်ပဲ....။ နောက်....“အနော်ရထာရွှေကြိမ်လုံးရယ်နဲိ့ထွန်းတုံးကိုတဲ့”လို့အစချီပြီး အနော်ရထားမင်းကြီး လယ်ထွန်သွားတဲ့ တေးထပ်ကဗျာကိုလဲ ချက်ကျကျလေး ရွတ်ပြသေးတယ်...။ အဘကိုသမီးတို့ မုန့်တွေလာပေးတာ ပိုက်ဆံလာလှူတာလို့ပြောတော့...။ “အေးးကွယ်... အိုဗာတင်းပါလား...”တဲ့ ။ ပြောပါသေးတယ်....ပိုက်ဆံလာလှူတာဆိုတော့ “ပိုက်ဆံရရင် ဗိုက်လန်ပြမယ် .... ပိုက်ဆံမရရင် အမိုက်အမှန်ပွမယ်...”တဲ့ သီချင်းဆိုသလိုဆိုပြတယ်....။ “လူဖြစ်တာ ဆင်းရဲရင် ဘ၀တစ်ဝက်သေတာပဲ... အိုရင် ဘ၀တစ်ဝက်သေတာပဲ”တဲ့...။ ခုခေတ်ခါ အားကိုးရာမဲ့သက်ကြီးရွယ်အိုတွေ တော်တော်များများ လမ်းဘေးမှာတောင်းစားနေရတဲ့အချိန်မှာ အဘဦးသုခကတော့ အိပ်ယာထဲမလဲတဲ့ အချိန်ထိအလုပ်လုပ်သွားခဲ့ပါတယ်...။ မာနရှိတဲ့ ကိုယ့်အားကိုယ်ကိုးတတ်တဲ့ အဘဟာ သိပ်ကို ဂုဏ်ယူစရာကောင်းတဲ့ စံနမူနာထိုက်တဲ့ အဘိုးကြီးတစ်ယောက်ပါ..။

အသက်(၈၁)နှစ်ဆိုပေမယ့် အဘက မှတ်ဥာဏ်တွေကောင်းတုန်း...။ အဘရယ် ဘာမှမစဉ်းစာနဲ့ တရားသာမှတ်ပါလို့ပြောတော့... ဓမ္မာရုံကနေ့တုန်းဖွင့်တဲ့ တရားခွေတွေကို ကြားနာနေရတာပါတဲ့....။ အဘကို ဓါတ်ပုံတွေရိုက်...။ ဗီဒီယိုမှတ်တမ်းရိုက်ပြီး ခေါင်းရင်းမှာတွေ့ရတဲ့ အဘရဲ့ ခေါက်မုန့်ပုံးလေးကိုပါရိုက်ခဲ့တယ်...။ အိမ်ဘေးကသူတွေက မိုးရိပ်တွေမဲမှောင်နေပြီး အောင်သန်းရေ...ဧည့်သည်ကိုပြန်ပို့ချည်တော့ဆိုတော့မှ ကျမတို့လဲ ပြန်ဖို့လုပ်တော့တယ်...။ အိမ်ပြင်ထွက်လာတော့ ကောင်းကင်ကြီးတစ်ခုလုံး ခဲသားပုပ်ရောင်တွေက အညိုးဖွဲ့နေပုံပေါက်နေပါတယ်...။ ကိုအောင်သန်းက ကျမတို့ကို ကားစီးရမယ့် ဂိတ်အစထိလိုက်ပို့ပေးပါတယ်....။


ရေဆိုးရေညှစ် အမှိုက်သရိုက်တွေနဲ့နေအိမ်တစ်အိမ်


မနှစ်ကမှစခင်းပေးနေတဲ့ ကွန်ကရစ်လမ်းပေါ်က ဓါတ်ပုံရိုက်နေတဲ့ မိုးငွေ့နဲ့
သူ့ကိုရိုက်တယ်ထင်လို့ ပို့စ်ပေးနေတဲ့ ကလေးလေး....

ရေမြှုပ်နေတဲ့ ခြံထဲက အပန်းဖြေ ထိုင်ခုံလေးနှစ်လုံး

ရေပေါ်လက်ဖက်ရည်ဆိုင်နဲ့ ဈေး


ကားထွက်တော့ မိုးကခပ်စွေစွေပဲရွာပါတယ်...။ မိုးစက်တွေကိုကြည့်ပြီး ပျော်စရာကြီးလို့ ပြောတော့ ပါလာတဲ့ ရုံးကညီမလေးက မိုးရွာတာပဲပျော်စရာလို့ပြောတဲ့ ကျမကို ရယ်ပါတယ်....။ ဘာပဲဖြစ်ဖြစ် ကျမကမိုးကိုချစ်တာကိုး....။ အသွားတုန်းကတွေ့ခဲ့တဲ့ လမ်းဘေးမှာပေါက်နေတဲ့ ပိန်းရွက်တွေတိုင်းရဲ့အပေါ်မှာ မိုးရေစက်တွေတင်နေတာများ စိန်တစ်ပွင့် ကျောက်တစ်လုံးလိုပဲ လက်လက်ကိုထလို့...။ စောစောက တိမ်ရိပ်တွေကိုကြည့်ရတာ အညှိုးတကြီးရွာချမယ့်ပုံနဲ့.....။ ရွာတော့ရွာချလိုက်ပါတယ်...။ ကျမတို့ကားလှည်းတန်းနားရောက်တော့လေ....။ ကိုယ်ဆင်းရမယ့်ဂိတ်မှာတော့ မိုးက၀ုန်းဒိုင်းကိုကျဲနေရောပဲ....။

ခရီးဝေးလို့ ကားစီးရတာ ပင်ပန်းပေမယ့် ကိုယ်ပြုခဲ့တဲ့ အလှူဒါနအတွက် ကျေနပ်ဝမ်းသာပီတိဖြစ်ရလို့ မိုးရွာရွာ နေပူပူမှုပါဘူး...။ အဘကိုမှတ်တမ်းတင်ခဲ့တဲ့ ရည်ရွယ်ချက်ကလဲ မမြသွေးနီတို့ရဲ့ “Save The Age” သက်ကြီးရွယ်အိုစောင့်ရှောက်ရေးအသင်းကို ဓါတ်ပုံနဲ့တကွ အကြောင်းကြားချင်လို့...။ နောက်ပြီး ဒီလကမှစပြီး အဲဒီအဖွဲ့အစည်းမှာ ကျမနဲ့ ရုံးကညီမနှစ်ယောက်ပေါင်း ငွေတစ်သောင်းပုံမှန်အလှူထည့်ဖို့ပြောထားပြီးသား...။ နောက်များလဲ အချိန်ရရင် ရသလို ခုလိုပဲ ထပ်သွားဖို့ အစီစဉ်ရှိပါတယ်...။ လောလောဆယ် အဘဦးသုခအတွက် မွေ့ယာနဲ့ အိပ်ယာနာမပေါက်တဲ့ ပလပ်စတစ်အခင်း ၀ယ်ပေးဖို့စီစဉ်နေပါတယ်...။ အဘကိုစေတနာမေတ္တာအားဖြင့် ကူညီချင်သူတွေအတွက် အောက်မှာ ဆက်သွယ်နိုင်တဲ့ လိပ်စာလေးရေးပေးထားပါတယ်...။

မြို့ပြင်မှာတင်ရေကြီးတာမဟုတ်ပါဘူး... ကျမတို့မြို့နယ်မှာလဲ ရေကြီးပါတယ်...



ဦးသုခ
အမှတ်၂၂၉၅/B ၊ သစ္စာ(၃)လမ်း၊
(ထ)ရပ်ကွက်၊လှော်ကား၊ ရွှေပြည်သာမြို့နယ်။
တစ်ဆင့်ခေါ်ဖုန်း 0973091101


မေတ္တာအားဖြင့်
မိုးငွေ့

Friday, 17 June 2011

ထမင်းလက်ဖက်သုပ်နဲ့ မချစ်စု


ညီမလေးကဆိုင်ကပြန်လာတော့ ဗိုက်ဆာတယ် ထမင်းနဲ့ဟင်းလည်းမစားချင်ဘူးတဲ့....။ ဒါဖြင့် ထမင်းလက်ဖက်သုပ် စားမလားသုပ်ပေးမယ်ဆိုတော့... ကြက်ဥပါမိုးပေးဆိုလို့....။ ရေခဲသေတ္တာထဲက ချဉ်စပ်လက်ဖက်ကို ထမင်းပေါ်တစ်ဇွန်းလောက်ခပ်ထည့် ပဲဆီနည်းနည်းဆမ်း ဆားလေးဖြူးပြီး အားရပါးရ နယ်ဖတ်လိုက်တယ်... ပန်းကန်ထဲကို ပုံစံခွက်လေးနဲ့မှောက်ထည့်ပြီး ကြက်ဥ ဟက်ဖရိုက်မိုးပေးလိုက်တယ်...။ ထုံးစံအတိုင်းပေါ့ ကြက်ဥကတော့အမြင်မလှဘူး အဲလိုကျွမ်းတာ...။




မန်းလေးကို ညီမတစ်ဝမ်းကွဲလေး အစည်းဝေးသွားတက်ပြီးအပြန် ၀ယ်ခဲ့တဲ့ လက်ဆောင်ပါ....။ မချစ်စုပေမယ့် ရန်ကုန်မှာလို အမျှင်မများဘူး...။ စိန်တလုံးသရက်သီးအကြီးစားလားထင်ရတယ်....။ ချိုအီပြီး အသားလေးက ချောမွတ်နေတာ ကျောက်ကျောလေးအတိုင်းပဲ.......။ ခုတလော ညစာလျှော့စားနေတော့ အသီးကိုပဲ များများစားလိုက်တယ်...။ ဒါကြောင့် ဒီသရက်သီးတစ်ပွဲလုံးသည် မိုးငွေ့တစ်ဦးတည်းစားဖို့ပါ...။


မိုးငွေ့

Wednesday, 15 June 2011

ခေါင်းစဉ်မပါတဲ့ ကောင်းကင်




အိန်ဂျယ်ရေ........ မင်းပြောတော့.............ကိုယ်ရေးခဲ့ဖူးတဲ့ “ကဗျာလူ”ဆိုတဲ့ ကဗျာကိုကြိုက်တယ်ဆို......။ ကိုယ့်အက်ဆေးလှလှလေးတွေကို ကြိုက်တယ်ဆို.....။
တုန့်ပြန်မှုမရှိတဲ့သူကို နှုတ်ဆက်စကားဆိုရင်း တိတ်တဆိတ်ထွက်လာခဲ့တဲ့ ခြေလှမ်းတွေလေးလံနေလိမ့်မယ်...။ တိတ်ဆိတ်မှုတွေလွှမ်းခြုံနေတဲ့ ညဥ့်နက်နက်လာလေ.... အိပ်မရတဲ့ ညတွေပိုပိုရှည်လာတာကို သတိထားမိလာတယ်....။ ဘယ်တော့မှမီးထွန်းမထားတဲ့ အိမ်လေးဆီကို စမ်းတ၀ါးဝါးသွားဖို့ကြိုးစားနေမိတဲ့ ကိုယ့်ကိုယ်ကို ဘယ်လိုရပ်တန့်ရမယ်ဆိုတာ သင်ယူရဦးမယ်....။ ဘယ်လောက်ထိကြာအောင် သင်ယူရမလဲ ကိုယ်မသေချာသေးဘူး....။
ကိုယ့်နှုတ်ဆက်သံတွေကနွေးထွေးလှိုက်လှဲသလောက် သူ့တုန့်ပြန်စကားတွေက အစိမ်းရောင်တွေနဲ့ သုတ်လိမ်း ထားတယ်.........။ အဲဒီအတွက် ခံနိုင်ရည်ကလည်းမရှိလိုက်တာ.....။ မျက်ရည်တွေက ဆရာမကြည်အေး မိုးကဗျာထဲကလို ပိုးပိုးပေါက်ပေါက်ခုန်ဆင်းကျလာကြတယ်.....။ ခရီးနှင်ခဲ့တာ အဝေးကြီးမို့ တစ်ကိုယ်လုံးလဲ ညောင်းညာနေအောင် မလှုပ်ချင်တော့ဘူး........။ ကိုယ့်ကို ရေတစ်ခွက်လောက်တိုက်ပါ.........။ ကော်ဖီဖျော်တိုက်ချင်လဲရပါတယ်....။ ကိုယ်....မင်းဖျော်တဲ့ ကော်ဖီသောက်ချင်ပါတယ်.........။ ဒါပေမယ့်လည်း ကံဆိုးမိုးမှောင်စွာပဲ ကိုယ်သောက်မယ့်အလှည့်ကျမှ ကော်ဖီကကုန်သွားပြီတဲ့............။
ရပါတယ်....ထားလိုက်ပါ........။ ကိုယ့်ဝဋ်ကြွေးနဲ့ကိုယ်ပဲရှိပါစေတော့.......။
အတောင်ပံတစ်စုံနဲ့ အမှောင်ထုတွေထဲကို ပျောက်ကွယ်သွားချင်လှပြီ....။
အစကတည်းက ရိပ်မိသင့်တယ်......။ မင်းဘက်မှာရှိတဲ့ အစိမ်းရောင်မြက်ပင်ရှည်တွေက မင်းရဲ့အရောင်ကို ကိုယ်စားပြုတာပဲ..........။ ဖျော့တော့တဲ့ ငွေမှင်ရောင်တွေက ကိုယ့်ရဲ့ချိနဲ့နှုံးခွေနေတဲ့နှလုံးသားအတွက် ကိုယ်စားပြုတဲ့ အရောင်....။ ပြုံးတစ်ခါ မဲ့တစ်လှည့်နဲ့ ကိုယ့်ကိုလဲ မျက်လှည့်ပြတတ်သေးတယ်.....။ မင်းကိုနားလည်ဖို့ ကြိုးစားပိုင်ခွင့်ကိုယ့်မှာမရှိပါဘူး...။
အမြဲမှိန်ပြနေတဲ့ မီးအိမ်ကလေးကို ကြယ်စင်တွေရဲ့ ထွန်းလင်းတောက်ပမှုနဲ့ ကိုယ်အမှတ်မရှိ လိုက်ရှာနေမိတုန်းပဲ..။ မဖြောင့်တဲ့ လမ်းကျဉ်းလေးက မကြာခဏပျောက်ပျောက်သွားတတ်လွန်းလို့ မနည်းသတိထားကြည့်နေရတယ်.....။ မှောင်ကလည်းမှောင်သေး....။ အမြင်အာရုံတွေေ၀၀ါးလာရင် ကိုယ်ခဏတော့နားရမယ်........။ တစ်နေရာထဲမှာ စုပြုံပြီး နာကျင်မှုတွေရောက်နေကြတယ်.........။ ဘယ်အနာကို အရင် ကုသမလဲလို့ ကိုယ်မစဉ်းစားပါဘူး..........။ လက်ချောင်းတွေ တစ်ကိုယ်လုံးညောင်းညာကိုက်ခဲတာတွေကို ကိုယ်မမှုပါဘူး.......။ ဘာလို့လဲဆိုတော့ ကိုယ့်အကျီင်္ရဲ့ ဘယ်ဘက်အိပ်ကပ်အောက်က နုနယ်တဲ့ အရာဝတ္ထုရဲ့ နာကျင်မှုကို လိုက်မမီကြလို့ပါ..........။ သူ့ခင်ဗျာ.... ကိုယ့်ရဲ့ အသက်ရှင်ရပ်တည်မှုအတွက် ဒိုင်းတစ်ခုလို ကာကွယ်အုပ်မိုး အနှစ်နာခံ ရုန်းကန်နေရရှာတာပါ..........။
တစ်ကိုယ်လုံးကိုင်ရိုက်ခံထားရသလိုပဲနာကျင်ပေမယ့်.......... ကိုယ့်ရဲ့ ဘယ်ဘက်ခြမ်း အရှေ့မြောက်ရပ်ဝန်းက အခန်းငယ်လေးတွေအတွက် ကိုယ့်ရဲ့မျက်လုံးတွေ လက်ချောင်းတွေ အလုပ်လုပ်နေရဦးမှာ.....။ ကိုယ်မအိပ်ချင်သေးပါဘူး.......။ အိပ်ပျော်သွားတော့ရော.... မင်းက အိပ်မက်ထဲလာမှာမို့လို့လား........။ ဟင့်အင်းးးး ကိုယ်မထင်ပါဘူး မင်းလာမယ်ဆိုတာ.........။ ကမ္ဘာကြီးတစ်ခုလုံးရပ်တန့်သွားမယ့်နေ့....... ပင်လယ်ရေတွေ ခန်းခြောက်သွားမယ့်နေ့......... ဂီတသံစဉ်တွေအားလုံးဆိတ်ငြိမ်သွားမယ့်နေ့......... ကောင်းကင်မှာ ငှက်ကလေးတွေ မပျံသန်းတော့မယ့်နေ့......။ ဟုတ်တယ် ... မင်းရောက်လာခဲ့မယ်ဆိုရင် အဲဒီနေ့တွေဖြစ်ပျက်သွားလိမ့်မယ်........။
အဲဒီမီးထွန်းမထားတဲ့ အိမ်ဆီကို ကိုယ်ဘယ်တော့မှမသွားတော့ဘူးလို့ ဆုံးဖြတ်ချက်ချချင်တယ်..........။ အဲခါကျရင် အမှောင်ထဲကပုန်းနေတဲ့ မင်း.... ကိုယ့်ဆုံးဖြတ်ချက်အတွက် ဘယ်လိုမှတ်ချက်ချမလဲ.....။ အားနာစွာနဲ့း( ဒီလိုမဲ့ပြမှာလား........။ ကိုယ့်ဆုံးဖြတ်ချက်ကို သဘောတူတစ်ဝက်မတူတစ်ဝက်နဲ့ မင်းစိတ်ကို ကိုယ်ခံစားမိနေတယ်.........(မှန်တယ်ဆိုရင် လက်ခုတ်တီးပြပါလို့ ပြောပိုင်ခွင့်လဲမရှိပါလား).... ဟူးးးးးးးး ။


မိုးငွေ့

Tuesday, 14 June 2011

ကြက်သားမုန်ညင်းချဉ်ကြော်

တာချီလိတ်က အဒေါ်ပို့လိုက်တဲ့ မုန်ညင်းချဉ်တွေပါ......။ အထုပ်လိုက်အချဉ်တည်ထားတော့.... အရွက်လိုက်ဖြေပြီး ရေစင်စင်ဆေး....ပါးပါးလှီးပြီးပန်ကန်ထဲထည့်ထား....။ ကြိတ်ပြီးသား ကြက်သား (၁၀၀)ဂရမ်လောက်ကို အသားမှုန့် ပြောင်းမှု့န် ပဲငံပြာရည်ကြည် နဲ့ ဆီနည်းနည်းထည့်နယ်ထား....။ ကြက်သွန်ပါးပါးလှီး ဂျင်းလက်တစ်ဆစ်ကို အချောင်းလိုက်လေးလှီးထား...။ ဆီပူအိုးထဲကို ကြက်သွန်နဲ့ ဂျင်းထည့်ပြီး မွှေးလာရင် ကြက်သားထည့်ကြော်...။ ကြက်သားအညိုရောင်ဖြစ်သွားတဲ့အထိကြော်ပြီး မုန်ညင်းချဉ်ထည့်ကြော်ပါ...။ သကြားကို လက်ဖက်ရည်ဇွန်းနှစ်ဇွန်းလောက်ထည့် ဆားကိုမြည်းကြည့်ပြီးမှ
ထည့်ပါ... မုန်ညင်းချဉ်ကငံပြီးသားမို့....။ မုန်ညင်းချဉ်ကိုမခြောက်တခြောက် အနေထားထိ အဆက်မပြတ်မွှေပြီးကြော်ပါ...။


မုန်ညင်းချဉ်ကြော်ပေါ်ကို ငရုတ်သီးခြောက်ကြွပ်ကြော်လေးဖြူးပြီး ငရုတ်သီးကြော်လေးနဲ့ တွဲဖက်စားရင် သိပ်ကောင်းပါတယ်...



မိုးငွေ့

Sunday, 12 June 2011

ကဗျာမျက်ရည်



-->
လွမ်းလိုက်တာ.
ပုတ်ခတ်နေတဲ့ လှိုင်းတချို့နဲ့
ကြယ်စုံညတွေကို
လွမ်းလိုက်တာ.
လေပြေတချို့နဲ့
သံစဉ်ချိုချိုတွေကို
လွမ်းလိုက်တာ
ရုပ်ရှင်အတူကြည့်ခဲ့တဲ့နေ့နဲ့
ကော်ဖီပူပူနှစ်ခွက်ကို
လွမ်းလိုက်တာ
ဘုရားကျောင်းက
ခေါင်းလောင်းထိုးသံနဲ့
မင်းဘုရားရှိခိုးနေပုံတွေကို
လွမ်းလိုက်တာ
မင်းရဲ့ အကြည့်နဲ့
ကြင်နာယုယမှုတွေကို
တွယ်တာနေမိတယ်
မင်းရဲ့ ရိုးစင်းတဲ့ စကားလုံးနဲ့
ဖြူစင်တဲ့အပြုံးတွေကို
တမ်းမက်နေမိတယ်
လေထဲက အနမ်းပျံတွေနဲ့
နှုတ်ဆက်သံလေးတွေကို
မွတ်သိပ်စွာ …….
လွမ်းဆွတ်သတိရ
မက်မော တွယ်တာမှုတွေနဲ့
ကိုယ့်ကို တကယ်ပဲ
ထားရစ်ခဲ့ပြီလား
အိန်ဂျယ်ရယ်…….။
မိုးငွေ့

Friday, 10 June 2011

ရှမ်းငါးချဉ်စပ်ဟင်းချို


တီလာဗီးယားငါးနှစ်ကောင်ကို ခုတ်ထစ်ပြီးရေစင်စင်ဆေး ဆားနယ်ထား...။ ရေပွက်ပွက်ဆူတဲ့အိုးထဲကို ခရမ်းချဉ်သီးနှစ်လုံး လေးစိပ်စိပ်ထည့် .... စပါးလင်းဓါးပြားရိုက်တစ်ချောင်း... ပဒဲကော လက်တစ်ဆစ်ရိုက်ထည့်...ဆားနဲ့ ကြက်သားမှုန့်ထည့်....။ သုံးမိနစ်လောက်ပေးဆူပြီးရင် ငါးတုံးလေးတွေထည့်.... ငါးမိနစ်လောက်ထပ်ပေး ဆူလိုက်ဦး...။ အဲဒီချိန်မှာ မကျည်းမှည့်ကိုရေဖျော်ထား.... ။ ရှမ်းနံနံ နံနံပင် ငရုတ်သီးစိမ်း ပင်စိမ်းနဲ့ ဖတ်ဖိုင်ရွက်ကို ရေဆေးပြီး တစ်လက်မအနေထားလှီးထားလိုက်....။ မကျည်းရည်ထည့် အပေါ့အငံမြည်းပြီး အရွက်တွေအားလုံးကိုအုပ် မီးပိတ်လိုက်တော့....။


ဟောဒီလို ပဒဲကောနဲ့ စပါးလင်နံ့မွှေးနေတဲ့ ငါးချဉ်စပ်ဟင်းချိုရပြီပေါ့...အရောင်လေးကအဖြူတည်လေးပေမယ့် ချဉ်စပ်အရသာလေး ..။ ရှမ်းပြည်မှာဆို အဲဒီငါးဟင်းကို ကောက်ညှင်းပေါင်းနဲ့စားတာ အရေသောက်လိုက် ငါးအသားဖတ်တွေကို ပဲပုပ်မှုန့်နဲ့တို့စားလိုက်နဲ့ ဂွတ်မှဂွတ်ပဲ....။(ပဲပုပ်မှုန့်ထဲမှာက ရှမ်းငရုတ်ကောင်းလှော်နဲ့ ငရုတ်သီးပီနန်သီးအခြောက်ကို လှော်ပြီး ဆားအချိုမှုန့်ထည့်ထားပြီးသား အရသာရှိပြီးသားပဲပုပ်မှုန့်ပေါ့) ရှမ်းငရုတ်ကောင်းကိုတော့ ဒီမှာ သွားကြည့်လို့ရပါတယ်...။

မိုးငွေ့

Wednesday, 8 June 2011

အတွယ်အတာ....

ဂူဂဲလ်ဆာ့ခ်ျကပုံလေးပါ...


အချိန်က ညဆယ်နာရီ ဆယ်မိနစ်… ။ ဗိုက်အရမ်းဆာလာလို့ ခေါက်ဆွဲပြုတ်တစ်ခွက်ကိုသောက်ရင်းက အကြောင်းအရင်းမရှိ ရင်ထဲဝမ်းနည်း စို့နင့်လာသလိုလို ခံစားမှုမျိုး….။ ဒီလို ခံစားမှုမျိုး ကိုယ့်ဆီရောက်မလာတော့တာ နှစ်ပေါင်းများစွာရှိနေပြီပဲ…။ မညီမျှတဲ့ ညီမျှခြင်းတစ်ခုကို အတင်းဆွဲညှိယူလို့မရတာမျိုး… ရင်ထဲတစ်ဆို့ဆို့နဲ့….။

ရစ်ပတ်တွယ်ငင်ခြင်းဆိုတဲ့ ဒီအမျှင်တန်းတွေ…. ကိုယ်ဆီထပ်မရောက်လာပါနဲ့တော့….။ ကိုယ့်အရွယ် ကိုယ့်ရဲ့ ရင့်ကျက်မှုနဲ့ ခံနိုင်ရည်ရှိတယ် ဆိုပေမယ့်လေ….။ တခါတလေ လောကနိယာမတရားကို အချိန်တွေ အသက်အရွယ်တွေက အလွယ်တကူ ချိုးဖေါက်ပစ်တတ်တာမျိုးလဲရှိတာကိုး…။ အဲဒီလိုတွင်းနက်ထဲကို ခုန်ဆင်းဖို့အထိတော့ ကိုယ့်အသိဥာဏ်တွေက ကိုယ့်ကို မိုက်မဲခွင့်မပြုပါဘူး….။ ခေါက်ဆွဲပြုတ်က သံပုရာသီးညှစ်တာနည်းနည်းများသွားလို့ ချဉ်သွားတယ်…။ ဘယ်အရာကိုမှ လွန်လွန်ကျူးကျူး မခံစားမိဖို့ ကိုယ့်ကိုသတိပေးသလိုပါပဲ…။

ကမ္ဘာပေါ်မှာ စိတ်ကူးအယဉ်ဆုံးလူတွေဟာ စာရေးဆရာတွေလား….။ စိတ်ကူးကမ္ဘာထဲ ပျော်မွေ့ပါများတော့ လက်တွေ့ဘ၀ရဲ့ တန်ပြန်မှုကို ခံနိုင်ရည်မရှိတတ်ကြဘူးတဲ့…။ ခုတလော မီးဖိုချောင်လက် မလှည့်ဖြစ်ဘူး…။ ခံစားချက်တွေများနေတယ်…။ မဖြစ်ဘူး… အလုပ်ကို ထမင်းဗူး ပြန်ထည့်မှပါ…။ အပြင်စာတွေကညစ်ပတ်တယ်…။ စီပိုးတွေကလည်း အဖြစ်များနေတယ်…။ အသက်ကိုဥာဏ်စောင့်၏တဲ့…။ နောက်ဘ၀အတွက် ဘာကောင်းမှုကုသိုလ်မှ မလုပ်ရသေးဘဲ လောကကြီးထဲကနေတော့ ပစ္စလက်ခတ်ထွက်မသွားချင်သေးဘူး…။ ကိုယ့်မှာ တွယ်တာစရာတွေက ခပ်များများရယ်…။ ကိုယ့်စာတွေ… ကိုယ့်ပိတ်သတ်တွေ… အဲဒါတွေက ကိုယ့်ဝိဥာဉ်ရပ်တည်နေဖို့ မရှိမဖြစ်တွေလေ…။

ပြီးတော့ ဧရိယာပြင်ပရောက်နေတဲ့ သူနဲ့လည်း စကားသေချာမပြောဖြစ်သေးဘူး…။ ခုတလော အလုပ်များနေတယ်တော်တော်ပဲ…။ ထူးထူးဆန်းဆန်း ဖုန်းတောင်ဆက်ပြီး “ကိုယ်အလုပ်တွေအရမ်းရှုပ်နေတယ်”တဲ့…တုံးတိကြီးပြောတယ်…။ ကိုယ်လဲ “အိုကေလေ… ဒါဆိုလဲ မပြောတော့နဲ့ တာ့တာ” ဆိုပြီး ဖုန်းချပစ်လိုက်တယ်…။ အေးရော….။ အိမ်ကပေးစားမယ့် မိန်းမနဲ့လက်ထပ်ရတော့မယ်ဆိုပဲ….။ အင်းလေ အိမ်ကပေးစားမှ ရမယ့်အခြေအနေကိုးလို့… မခံချင်အောင်ပြောလိုက်တော့ တကယ်ပဲ ကိုယ့်သူငယ်ချင်းလေး ဆတ်ဆတ်ခါထိသွားတာ…။ ခုလဲ ခေါက်ဆွဲစားရင်း သီချင်းနားထောင်ရင်း သူနဲ့အလ္လာဘ သလ္လာဘများပြောမလားမှတ်တယ်…။ ဧရိယာပြင်ပတဲ့…။


မိုးငွေ့

Sunday, 5 June 2011

အဝေးကပဲဆက်ချစ်သွားမယ်....


-->
ကိုယ်ခဏကလေး ကွန်ပျူတာစခရင်နဲ့ဝေးသွားတဲ့ အချိန်အတွင်းမှာ…..မင်းရောက်လာခဲ့တယ်….။ ခဏကလေးပါပဲ…..ကိုယ်ပြန်ရောက်လာချိန်မှာ မင်းရှိနေသလားမရှိဘူးလားတော့ မင်းကိုယ်တိုင်ပဲသိလိမ့်မယ်….။ မတွေ့ရတာကြာပြီဖြစ်တဲ့သူတွေ နှုတ်ဆက်လေ့ရှိတဲ့ စကားမျိုးမဟုတ်ဘဲ….. မင်းသိချင်တဲ့ မေးခွန်းလေးတစ်ခုကို မင်းဘာသာမင်းရွတ်ဆိုသွားတဲ့ စကားလေး……။ နှစ်ကြောင်းလောက်ပါပဲ….။ အမြဲတမ်းကိုယ်ယောင်ဖျောက်ပြီး လာတတ်တဲ့အတွက် မင်းကို ကိုယ်ပြန်ပြောလိုက်တဲ့ စာတစ်ကြောင်းနှစ်ကြောင်းရဲ့ တုန့်ပြန်မှုကို ကိုယ်တိတ်တဆိတ်မျှော်လင့်နေခဲ့တယ်…..။ ဒါပေမယ့် မင်းဘာမှပြန်မပြောခဲ့ဘူး….။ မင်းပြန်ထွက်သွားသလား လိုင်းကျနေလို့လား ဒါမှမဟုတ် မင်းပုန်းပြီး…. ကိုယ်ကိုချောင်းကြည့်နေခဲ့သလား….....။

ကိုယ်လက်ချောင်းတွေ ကီးဘုတ်ပေါ်မှာ အဆင်သင့်လေးတင်ထားလျက်….. ပြန်မရောက်လာတော့တဲ့ မီးလင်းမနေတဲ့ မင်းနာမည်လေးကိုပဲ ကိုယ်တွေတွေလေးငေးကြည့်နေမိတယ်…..။ စခရင်ဆေဗာမှာ ပူဖေါင်းလေးတွေ အရောင်စုံတစ်လုံးပြီးတစ်လုံးတက်လာနေတယ်…..။ သိပ်မကြာခင် ကိုယ်ခလုတ်တစ်ခုခုကို မဖိလိုက်ရင် ကွန်ပျူတာလေး အမှောင်ကျသွားတော့မယ်…..။ မင်းလည်းအမှောင်ထဲပျောက်ကွယ်သွားမယ်….။ မဟုတ်ပါဘူး…. မင်းနာမည်လေးနဲ့ ဘောက်စ်လေး ပျောက်သွားလိမ့်မယ်…..။ တခဏလေးပါပဲ ခလုတ်တစ်ခုခုကို ကိုယ်လက်ချောင်းနဲ့ထိလိုက်ရင် ပြန်ပေါ်လာမယ်ဆိုတာသိနေပေမယ့် အဲဒီတခဏလေးပျောက်သွားမှာကို ကိုယ်စိုးရိမ်နေတယ်….။

မင်းကပူဖေါင်းကြည်ကြည်လေးတွေနဲ့တူတာပါ…..။ ဟုတ်တယ်….. တို့ထိလိုက်မိရင် ဖေါက်ခနဲပေါက်ကွဲသွားမယ့် ဆပ်ပြာပူဖေါင်းလေးတွေနဲ့တူတယ်…..။ ဒါကြောင့် မင်းဟာ ကိုယ်အဝေးတစ်နေရာက တင်းတိမ်ရောင့်ရဲစွာ မက်မောတမ်းတရတဲ့ အိန်ဂျယ်လေးဖြစ်နေရတာလေ…။ ကိုယ်မင်းကို မတို့ထိရဲပါဘူး….။ ပူဖေါင်းလေးတွေလို ပေါက်သွားမှာစိုးတယ်ကွယ်….။ တကယ်တော့ မင်းနဲ့အနီးစပ်နိုင်ဆုံးဆိုလို့ ဟောဒီကွန်ပျူတာလေး တစ်ခုတည်းကပဲရှိတာပါ……..။ မင်းကို ကိုယ်အရမ်းးးး သတိရလွမ်းဆွတ်တဲ့အခါ မင်းဓါတ်ပုံလေးတွေကို ဖွင့်ကြည့်လိုက်မယ်…. မင်းနဲ့ပတ်သက်ခဲ့တဲ့အကြောင်းအရာ အဖြစ်ပျက်ဟောင်းတွေကို ပြန်ဖတ်နေမယ်….။ ပင်လယ်ပြာပြာနဲ့ ကြယ်စုံညတွေမှာ ဆိုညည်းပြခဲ့ဖူးတဲ့ မင်းသီချင်းသံချိုချိုလေးတွေကို ပြန်ကြားယောင်နေလိုက်မယ်…..။ ကိုယ့်အတွက်ဖြေသိမ့်နိုင်စရာ အကြောင်းအရာနည်းနည်းလေးပဲရှိပေမယ့် ကိုယ်အဲဒီနည်းနည်းလေးနဲ့ မင်းကိုရောင့်ရဲလိုက်ပါတယ် အိန်ဂျယ်…..။

မင်းရောက်လာခဲ့မလားဆိုတဲ့ မျှော်လင့်ချက်နဲ့ ကိုယ်ညတိုင်း ညဥ့်နက်တဲ့အထိစောင့်နေခဲ့တယ်….။ ပျောက်ဆုံးနေသော အိန်ဂျယ်ကိုရှာဖွေခြင်းလို့ နစ်မှာရေးတင်ပြီးတော့လေ….။ နေ့ပေါင်းများစွာ ညပေါင်းများစွာသာ ကုန်ဆုံးလို့သွားတယ်…. မင်းကိုယ့်ဆီရောက်မလာခဲ့ပါဘူးကွယ်………..။ တစ်နေရာမှာ မင်းပုန်းပြီးကိုယ့်ကိုကြည့်နေမလားလို့ ကိုယ်စိတ်ကူးယဉ် ကြည့်ချင်တာတောင် မင်းက ကိုယ့်စိတ်ကူးထဲကို ၀င်မလာချင်သူပါ……..။ ကိုယ်ဟာ…. မင်းအတွက် ဒီလောက်တောင်ပဲ ရွံမုန်းစရာကောင်းသလား……..။

တကယ်တော့ ဒီအလွမ်းဇာတ်မှာ ကိုယ်တစ်ယောက်တည်းကနေခဲ့သူပါ…….။ ပျော်စရာအချိန်လည်း အဝေးမှာကျန်ခဲ့ပြီ….။ ချိုမြိန်တဲ့ အနမ်းတွေကို တမ်းဆွတ်ရင်း…...ချိုအီနေတဲ့ တယောသံလေးမှာ နစ်မျောရင်း..... ငှက်ကလေးတွေပျံဝဲနေတာကို မော့ကြည့်ရင်း ရှေ့တည့်တည့်က အေးစက်နေပြီဖြစ်တဲ့ ကော်ဖီခွက်ကိုငေးမောရင်း ....အိန်ဂျယ်ရေ…. မင်းကို အဝေးကပဲဆက်ချစ်သွားမယ်….။

မိုးငွေ့