အဲဒီနေ့က ကျမတို့ရွာကတိုက်နယ်ဆေးရုံဝင်းထဲမှာ နေတဲ့ ဆေးရုံအကူ ဒေါ်ခမ်းအင်အိမ်မှာ ၀ိန်းလန်းရွာက စိတ်ဝေဒနာရှင်အမျိုးသမီးတစ်ယောက် ဆေးကုဖို့ရောက်နေတယ်ကြားလို့ ကျမတို့ကလေးတွေတစ်သိုက် စပ်စုပြီး သွားကြည့်ကြတယ်...။ ၀ိန်းလန်းရွာကဆိုတော့ လိရှမ်းလူမျိုးတွေဖြစ်တဲ့အလျှောက် ရှမ်းမလေးတွေက သိပ်လှကြတယ်လို့ လူကြီးတွေပြောတာကြားဖူးတယ်...။ အဲဒီရွာက လမုန်းမယ်တွေများတယ်တဲ့...။ ပြီးတော့ သူတို့အသားအရေက တခြားရှမ်းမလေးတွေလို ဖြူပြီးပန်းသွေးရောင် သမ်းနေတာမျိုးမဟုတ်ဘဲ...။ အသားက ၀င်းမွတ်ပြီး ၀ါဝါကလေးနဲ့ ဖြူကြတယ်...။ အဲဒီမှာ တာဝန်ကျတဲ့ စစ်ဗိုလ်တွေဆို မကြိုက်ဘဲ မရှိကြဘူးတဲ့....။
ဆေးလာကုတဲ့ အမျိုးသမီးက အသက် နှစ်ဆယ်ကျော်ကျော်ဘဲရှိဦးမယ်....။ ဒေါ်ခမ်းအင်ဆိုတာ ဆေးရုံအကူလဲလုပ်သလို သူ့အိမ်မှာ နတ်ရုပ်ပေါင်းစုံလဲ ကိုးကွယ်ထားတဲ့ နတ်ဝင်သည်လဲဖြစ်တယ်...။ ဒီတော့ သူဆီဘယ်သူ ညွှန်းလိုက်တယ်မသိဘူး...စိတ်ဝေဒနာရှင်အမျိုးသမီးလေးကို သူတို့က အပမှီတယ်လို့ ယူဆပြီး လာကုပုံရပါတယ်...။ ကျမတို့ကလေးတွေ သွားကြည့်တဲ့အချိန်မှာ ဒေါ်ခမ်းအင်က ပဲတောင့်ရှည်ကြော်နဲ့ ထမင်းခွံကျွေးနေတယ်...။ အမျိုးသမီးကလဲ အေးအေးဆေးဆေးပဲ စားနေပါတယ်...။ စိတ်ဝေဒနာသည် တစ်ယောက်ဆိုပေမယ့် မသိသာဘူး သာမန်လူပုံအတိုင်းပါပဲ...။
အဲလိုဘာမှမဟုတ် သွားစပ်စုပြီးကြည့်လိုက်တာ ညနေတော်တော်မိုးချုပ်မှ အိမ်ပြန်လာလို့ ဖေဖေကြက်မွေးနဲ့ရိုက်တာခံခဲ့ရတယ်လေ...။ ဖေဖေက ကျမကိုဆိုသိပ်ချစ်တာ... ။ ခုလိုတစ်ခါမှတောင် ရိုက်ဖူးတာမဟုတ်ဖူး...။ ဆူတာလောက်ပဲရှိခဲ့တာ...။ အဲဒီနေ့က ဖေဖေ မေမေနဲ့စကားများထားလို့ ကျမကို မဲလိုက်တာဖြစ်နိုင်တယ်...။ ခုချိန်မှာသာ ဖေဖေအသက်ရှင်နေသေးရင် ကျမမေးကြည့်ချင်ပါတယ်...။ မေမေက ကျမကိုမွေးပြီး ခြောက်နှစ်နေမှ မောင်လေးကိုမွေးတာဆိုတော့ ခြောက်နှစ်လုံးလုံး ကျမက တစ်ဦးတည်းသော သမီးနဲ့ တစ်အိမ်သားလုံးရဲ့ ဂရုစိုက်မှု ချစ်ခင်မှုကိုခံခဲ့ရတာပေါ့...။
ကျမအရွယ်ရောက်စမှတ်မိသလောက်တော့ ဖေဖေနဲ့မေမေ တကျက်ကျက်နဲ့ ရန်ဖြစ်တတ်တာပဲ...။ တစ်ခါတစ်ခါ ကျမကို ရေးချိုးပေးရင်း မေမေ မျက်ရည်ကျနေတတ်တဲ့ အခါမျိုးလဲရှိတတ်တယ်...။ ဖေဖေက ကျမအသက် နှစ်နှစ်သမီးအထိ မော်လမြိုင်စစ်တပ်တစ်ခုမှာ နောက်ဆုံးတာဝန်ထမ်းဆောင်ခဲ့ခြင်းပဲ...။ စစ်ထဲက ထွက်လိုက်တဲ့ အကြောင်းအရင်းက ဖိုးဖိုးပြန်ခေါ်လိုက်ခြင်းပါပဲ...။ မိသားစုနဲ့အဝေးကြီးမှာ သွားမနေရအောင်တဲ့...။ ဖိုးဖိုးက ဖေဖေ့ကို အိမ်မှာပဲ စီးပွားလုပ်စေချင်တယ်...။ ဖေဖေက စစ်ထဲကထွက်ပြီး စစ်မှုထမ်းဟောင်းအရက်ဆိုင်မှာ အလုပ်လုပ်ပါတယ်...။ အရက်ဆိုင်မှာလုပ်ပြီဆိုကတည်းက အသောက်အစားကမကင်းတော့ဘူးလေ...။ အဲဒါတွေကြောင့်လဲ မေမေနဲ့ ရန်ခဏခဏဖြစ်တတ်တာဖြစ်မယ်...။ ဖေဖေဟာ အပေါင်းအသင်း ပတ်ဝန်းကျင်မှားခဲ့တာပါ...။ အဲဒါကြောင့်နဲ့ပဲ ဖေဖေ့ဘ၀ အသက်ဆုံးသည်အထိ အပြောင်းအလဲတွေ များခဲ့တာပေါ့...။
ကျမ..ဖေဖေ့ကို....သိပ်ချစ်တယ်...။ ဒီလိုစကားကို ဖေဖေအသက်ရှင်စဉ်က ကျမပြောခဲ့ဖူးသလား ကျမ မမှတ်မိတော့ပါဘူး...။ ဖေဖေဆုံးတော့ ကျမအသက် ဆယ့်နှစ်နှစ်...။ ကျမပေါက်စနကလေးထဲက ဖွားဖွားတို့က နှာအမြဲစေးတတ်တဲ့ ကျမကို အုန်းဆီလိမ်းပေးတာ ဖေဖေကမကြိုက်ဖူးတဲ့..။ ကလေးခေါင်းတွေ နံကုန်မယ်တဲ့...။ ကျမကို နာမှာစိုးလို့ဆိုပြီး နားပေါက်မဖောက်ပေးခဲ့လို့ ခုထိ ကျမ....နားပေါက်မရှိဘူး....။ ဖေဖေက အဲလောက်ချစ်တာ သူ့သမီးလေးကို...။ ဖေဖေဟာ အလုပ်လုပ်တာသိပ်တော်သလို ဟင်းချက်လဲသိပ်ကောင်းတာ...။ ကျမအဒေါ်တွေဆို ဖေဖေချက်တဲ့ ခရမ်းသီးနှပ်ကို သိပ်ကြိုက်ကြလို့ ချက်နည်းတောင်သင်ထားကြတာ...။ ဒီနေ့ထိ အဒေါ်တွေက ခရမ်းသီးနှပ်ချက်စားတိုင်း သူတို့ခဲအိုကို သတိတရနဲ့ ပြောတတ်ကြတုန်းပဲ...။ ဖေဖေ ကချင်(၅)တပ်ထဲမှာ နေနေတုန်းကဆို ရိက္ခာရတဲ့ ကုလားမခြင်းဆွဲနိုဆီဗူးကို အိမ်မှာ နို့ဆီကြော်လုပ်ကျွေးတာ သိပ်ကောင်းတာပဲ...။ နို့ဆီတွေက မလိုင်လုံးတွေလို အလုံးလိုက်ဖြစ်သွားပြီး စားလိုက်ရင် ချိုဆိမ့်နေရော...။
ကျမတို့ အ.လ.က ကျောင်းဝင်းထဲမှာ ပွဲလုပ်တုန်းကဆို ဖေဖေက သူဝယ်ထားတဲ့ ဂက်စ်အိုးထဲကို သွပ်စတွေ စိတ်ရှည်လက်ရှည်နဲ့ညှပ်ထည့်ပြီး ပူဖေါင်းတွေကို အိုးနှုတ်ခမ်းဝမှာစွတ်ထား ခလုပ်ကလေးလှည့်လိုက်တာနဲ့ မိုးပျံပူဖေါင်းတစ်လုံးရရော...။ ကျမတို့အိမ်နောက်ဖေး သရက်ပင်အောက်မှာ ဖေဖေ ဂက်စ်တွေထည့်လို့ ရလာတဲ့ ပူဖေါင်းလေးတွေကို ချည်ကြိုးလေးနဲ့ချီပြီး ကျမက စုကိုင်ထားတာ...။ အလုံးနှစ်ဆယ် သုံးဆယ်လောက်ရရင် ကျမက ပွဲထဲမှာ သွားရောင်းရတယ်...။ ပျော်စရာကြီးနော်...။ ကျမ....ဈေးဘယ်လောက်ရောင်းချင်သလဲဆိုရင် ပွဲတစ်ခုမှာ အိမ်ကလူကြီးတွေမသိအောင် ကျမတို့ ဗွီဒီယိုရုံမှာ ရောင်းတဲ့ နေကြာစေ့၊ အချဉ်ထုပ်၊ ဒုတ်ထိုးသကြားလုံး၊ ပီကေစတဲ့ မုန့်မျိုးစုံကို မိုးကာတစ်ထည်မှာ စုထည့်ပြီး ပွဲခင်းထဲသွားထိုင်ရောင်းတာ လူကြီးတွေသိသွားတော့ ပြန်လာခဲ့သွားခဲ့ရတယ်...။
နောက်တော့ ဖေဖေက တာချီလိတ်မြို့က ရဲဘော်ဟောင်းအရက်ဆိုင်ကို ပြောင်းရတော့ မေမေနဲ့ နဂိုထဲက တကျက်ကျက်ဖြစ်နေတာ ပိုဆိုးသွားတာပေါ့...။ ဖေဖေနဲ့မေမေကွဲတော့ ကျမအသက် ခုနှစ်နှစ် ရှစ်နှစ်လောက်ပဲရှိဦးမယ်ထင်တယ်...။ မေမေနဲ့ကွဲပြီး သူ့အစ်ကိုရှိတဲ့ ကျောက်ဆည်မှာ ကုန်ကားသွားမောင်းတယ်...။ ဖေဖေနဲ့ကွဲသွားလို့ ကျမတို့မောင်နှမတွေက မေမေရော ဖိုးဖိုး ဖွာဖွားရော ဦးလေး အဒေါ်တွေပါ စုံစုံလင်လင်ရှိတော့ ဖေဖေ့ကို သတိရကောင်းမှန်း လွမ်းရကောင်းမှန်းလဲမသိခဲ့ဘူး...။ နဂိုထဲက လူကြောက်တတ်တဲ့ ကျမက ဖေဖေထွက်သွားတဲ့ သုံးလေးငါးနှစ်မှာ ဖေဖေ့ကို တော်တော်စိမ်းသွားတာ...။ ကျမတို့ဆီ ဖေဖေပြန်ရောက်လာတော့ ဖေဖေ့ ကျန်းမာရေးက သိပ်မကောင်းတော့ဘူး...။ ငှက်ဖျားအခံကလဲရှိသလို ဆေးလိပ်တွေအရမ်းသောက်ထားလို့ ချောင်းတဟွတ်ဟွတ်ဆိုးနေတယ်...။ အဆုတ်လဲ သိပ်ကောင်းပုံမရတော့ဘူး...။
ညနေ ညနေဆိုရင် ကျမတို့အိမ်မှာ ဗီဒီယိုပြတဲ့အချိန် ဖေဖေရောက်ရောက်လာတတ်တယ်...။
“သမီးရေ...ဖေဖေ့ နားကိုလာပါဦး” လို့ ဖေဖေလက်နှစ်ဘက်ဆန့်ပြီးခေါ်ရင် ကျမက နောက်ကိုတွန့်ဆုတ်ပြီး မသွားရဲခဲ့ဘူး...။ မောင်လေးကတော့ ငယ်ငယ်ကတည်းက သွက်တယ် ကျမလို လူလဲမကြောက်တတ်ဘူး...။ ဖေဖေ့ဆီကို သူသွားရဲတယ်...။ ဖေဖေက သူ့ကိုမော်တော်ဆိုင်ကယ်နဲ့ ရွာတစ်ပတ်ပတ်ပြီးတင်စီးလဲ သူလိုက်ရဲတယ်...။ ဖိုးဖိုးကတော့ မေမေ့ကို ဖေဖေနဲ့ပြန်ပေါင်းဖို့ဖျောင်းဖျရှာပေမယ့် ခေါင်းမာတဲ့မေမေကတော့ လုံးဝလက်မခံခဲ့ဘူး..။ မေမေစိတ်တော်တော်နာအောင် ဖေဖေအပြစ်တစ်ခုခုလုပ်ခဲ့တာများလား...။ အဲဒီတုန်းက ကျမသိပ်နားမလည်ခဲ့ဘူး...။ ဒီနေ့ထိအဲဒီမေးခွန်းကိုမေးလဲ မေမေ့မှာ အဖြေရှိမနေခဲ့ဘူး...။
ဖေဖေ့ ကျန်းမာရေး တစတစဆိုးရွားလာတော့ နောက်ဆုံး ဆေးရုံတင်လိုက်ရတယ်...။ အစအစအရာရာ ဖိုးဖိုးကပဲ တာဝန်ယူပေးတယ်...။ ဖေဖေ့နောက်ဆုံးအချိန်မှာ ဖေဖေသိပ်ချစ်တဲ့ သမီးလေးက ဖေဖေ့နားမှာ ရှိမနေခဲ့ပါဘူး...။ အဖေသေတာတောင်မသွားတဲ့သမီးဆိုပြီး ရွာကလူတွေက၀ိုင်းပြီးအပြစ်တင်ကြတယ်...။ ကျမ...ကျမ စိတ်မာလို့ သံယောဇဉ်မရှိလို့ စိမ်းပျက်ရက်စက်နိုင်လို့ လို့ အမျိုးမျိုးထင်ကြလိမ့်မယ်...။ တကယ်တမ်းတော့ ကျမက ကြောက်စိတ်တစ်ခုတည်းနဲ့ မသွားခဲ့တာ... ကျမကို ဘယ်သူမှ နားလည်ပေးနိုင်မှာ မဟုတ်ပါဘူး...။ ကျမကိုယ်ကျမလဲ လူကြောက်တတ်တဲ့စိတ်ကို အသက်ရွယ်ရလာတော့ တော်တော်ကြိုးစား ဖျောက်ယူခဲ့ရတယ်...ကျမနောင်တထပ်မရချင်တော့ဘူး...။
ဖေဖေဆုံးတော့ ငှက်ဖျားဆေးဒဏ်ကြောင့် နားတွေလဲမကြားရတော့ဘူး... မျက်စိတွေလဲ ကွယ်ကုန်တယ်...။ ဖေဖေ...သိပ်...ကို သနားစကောင်းပါတယ်...။ မောင်လေးကတော့ ဖေဖေအသက်ထွက်သွားတဲ့အထိ အနားမှာ ရှိနေခဲ့တယ်...သူအဲဒီတုန်းက အသက်ခြောက်နှစ်ကလေးရယ်...။ ကျမထက်စာရင် မောင်လေးကမှ ဖေဖေ့ဆန္ဒကိုဖြည့်ပေးနိုင်ခဲ့သေးတယ်..။
ဖေဖေ့ အသုဘကို ဖိုးဖိုးပဲ အားလုံးစီစဉ်တာဝန်ယူလုပ်ပေးခဲ့တယ်...။ ကျမ ဖေဖေဆုံးတော့ မျက်ရည်တစ်စက်ကလေးမှ မကျခဲ့ဘူး...။ ကျမကို လူတွေ ပက်ပက်စက်စက် ဝေဖန်တာခံခဲ့ရတယ်...။ တကယ်တော့ ကျမငိုနေခဲ့ပါတယ်...ဘယ်သူမှ.....မမြင်နိုင်ခဲ့တဲ့ ကျမ...မျက်ရည်တွေ ကျမကိုယ်တိုင်တောင် မမြင်ခဲ့တဲ့ မျက်ရည်တွေ....လောကကြီးတစ်ခုလုံးကို သွန်းဖြိုသွားခဲ့ပြီ......။
အနှစ်နှစ်ဆယ်ကျော်...ဆုံးပါးသွားပြီဖြစ်သော ဖေဖေ့ကို သတိရလွမ်းဆွတ်သော အားဖြင့် ဒီပို့စ်ကိုရေးသားပါသည်...။ ဖေဖေကောင်းရာ သုဂတိဘုံကိုရောက်ရှိပါစေ....။
မိုးငွေ့
10 comments:
မိုးရေ ထပ်တူထပ်မျှခံစားသွားပါတယ်
မျက်လုံးထဲမှာလဲ ကောင်မလေးတစ်ယောက်ကိုမြင်ယောင်ရင်းနဲ့ပေါ့ ..
မိုးဖေဖေကောင်းရာသုဂတိလားပါစေ
ချစ်တဲ့
မဒိုးကန်
ပို့စ်လေးဖတ်ပြီး စိတ်မကောင်းဖြစ်မိတယ် မိုးငွေ့ရေ...ကောင်းရာသုဂတိလားပါစေကြောင်း..
မိဘရဲ့ဆန္ဒကို ဘာများဖြည့်ဆည်းပေးပြီးပြီလဲ ကိုယ့်ကိုကိုယ် မေးခွန်းတွေ ပြန်မေးမိခဲ့တယ်။
ချမ်းမြေ့ပါစေ
ချယ်ရီမြေ
သမီးတွေက အဖေကို ပိုချစ်တတ်တယ်...
အဖေတွေကလည်း သမီးတွေဆို အချစ်ပိုတယ်...
အဖေချစ်တဲ့ သမီးလေးရဲ့ ရင်ထဲက စကားလုံးတွေကို ထပ်တူခံစားသွားပါတယ်ညီမရေ..
ဖတ်ပြီး ဝမ်းနည်းစရာကောင်းလိုက်တာ။ ဆက်ပြောဖို့ ခွန်အားမရှိတော့ဘူးမမိုး။။
ချစ်တဲ့
သဒ္ဓါ
ဖတ်ရတာ စိတ်မကောင်း ဖြစ်ရပါတယ် မမိုးငွေ့ရေ..၊ အဲဒီအချိန်တွေ တုန်းက စိတ်ခံစားမှုတွေနဲ့ ဘယ်လိုပဲ ပြုမူခဲ့သည် ဖြစ်စေ ဒီပို့စ်လေးထဲမှာတော့ အဖေနဲ့သမီးရဲ့ အပြန်အလှန် မေတ္တာ ကိုလည်း ခံစားလို့ရတယ်..။
ရှေ့ပိုင်းလေးက ကြည်နူးစရာကောင်းသလောက်၊နောက်
ပိုင်းကျတော့ စိတ်မကောင်း၊ဝမ်းနဲစရာ...၊သမီးတွေက
အဖေတွေကို သိပ်ချစ်တတ်ကြတယ်နော်...။
မိုးငွေ့ရေ တီတင့်မေမေဆုံးတုန်းကလည်း မိုးငွေ့လို
ထပ်တူထပ်မျှ တူညီတဲ့ခံစားချက်မျိုး ရှိခဲ့ဘူးတယ်။
'ကိုယ်ဝမ်းနာကိုယ်သာသိ'ဆိုသလို ရင်တွင်းခံစားချက်က
မျက်ရည်ကျတာထက် ခံရခက်တယ်နော်။
မိုးငွေ့ရဲ့ ချစ်သောဖေဖေ ကောင်းရာဘုံဘဝရောက်ပါစေ။
စိတ်ဓာတ်အစဉ်ကြည်လင်အေးမြပါစေကွယ်။
မေတ္တာဖြင့်
အန်တီတင့်
အဖေတွေက သမီးကို ပိုချစ်တယ်တဲ့...
ဒါကြောင့် အစ်မ အဖေက အစ်မကို သိပ်ချစ်ခဲ့မယ် ဆိုတာ ပြောနေစရာ မလိုပါဘူး။ အစ်မ အဖေ ကောင်းရာ ဘုံဘဝကို ရောက်ပါစေလို့ ဆုတောင်းပေးလိုက်ပါတယ် အစ်မ...
မမရေ ထပ်တူခံစားအားပေးလျှက်ပါလို့...
မမရဲ့ ဖေဖေ ကောင်းရာသုဂတိ လားပါစေလို့ ဆန္ဒပြုရင်း...
ကိုယ်ချင်းစာတယ်။
ထပ်တူထပ်မျှခံစားရတယ်။
နှစ်ပေါင်း၂၀ ဆိုလည်း၊
ဘယ်တော့မှမမေ့နိုင်ဘူးဆိုတာလည်းယုံတယ်။
သူသက်ရှိထင်ရှားရှိနေရင်လည်း၊
အရမ်းကျေနပ်နေမှာ၊
လိမ္မာတဲ့သမီးလေးတယောက်ရှိတာ။
......
မိုးဖေဖေကောင်းရာသုဂတိလားပါစေ။
ခင်မင်တဲ့
မီးမီး
Post a Comment