မိုးငွေ့ဆိုတာ...ကော်ဖီခါးခါးအကြိုက်နဲ့ ဖက်ရှင်တအားမိုက်သူပေါ့...း)

Thursday, 1 December 2011

မိုးငွေ့ရဲ့နေရာလေးတစ်ခု........



ဘလော့ဂ်ရေးနေခဲ့တာ သုံးနှစ်ရှိသွားပြီ....။ တကယ်တော့ စာရေးဝါသနာပါတာရယ်.... ကိုယ့်ခံစားမှုကို ဖွင့်ချချင်တာရယ်ပဲရှိခဲ့တာပါ.....။ ဘလော့ဂ်တစ်ခုလုံးကိုကြည့်ရင် ကျမဘက်က စာလာဖတ်သူရင်ထဲ စွဲကျန်ရစ်မယ့် မယ်မယ်ရရပို့စ်တစ်ခုမှမပေးနိုင်ခဲ့ဘူး....။ ဘာပဲဖြစ်ဖြစ်... ဒီစာမျက်နှာကို ဖွင့်ထားတာဟာ ကိုယ့်ဘ၀ရဲ့ မှတ်စုစာအုပ်တစ်အုပ်... ကိုယ့်တစ်သက်တာလုံးအတွက် မပျောက်ပျက်သွားမယ့် အမှတ်တရ နေရာလေးတစ်ခု အဖြစ်ထားခဲ့ချင်တာပါပဲ....။


နှစ်ပတ်လည်ဆိုပြီး.... ဘလော့ဂ်ကို ခမ်းခမ်းနားနားလေး လာလည်တဲ့သူတွေကို မဧည့်
ခံတော့ပါဘူးလေ.....။ ကျမရင်ထဲကလာတဲ့....ဟောဒီ စာတွေဟာ ကျမရဲ့ ဧည့်ဝတ်ပြုမှုတွေပဲမဟုတ်လား....။

ကျမဘလော့ဂ်လေးကို ကျမချစ်တယ်....။

စာရေးဝါသနာပါလို့ ကျမကို ဒီဘလော့ဂ်လောကနဲ့ မိတ်ဆက်ပေးခဲ့တဲ့ ဒီဘလော့ဂ်လေးကို ဖန်ဆင်းပေးခဲ့တဲ့ မိုးငွေ့နှင့်အတူဖန်ဆင်းရှင်ကိုလည်း ကျေးဇူးအထူးတင်ပါတယ်....။




တစ်ခါက စိတ်အရမ်းညစ်လို့ ဒီဘလော့ဂ်လေးကို နှစ်ကြိမ်တိတိ ဖျက်ပစ်ဖို့ စိတ်ကူးခဲ့ဖူးတယ်........။ ပထမတစ်ကြိမ်တုန်းကတော့ ကိုယ့်ဘာသာကိုယ်မနေနိုင်လုိ့ပြန်ရေးဖြစ်တယ်....။ ဒုတိယတစ်ကြိမ်လည်း တူတူပါပဲလေ...။ အဲဒီတုန်းက ဘလော့ဂ်ဘက်ကိုမလှည့်ဘဲ ဘယ်လောက်နေနိုင်မလဲလို့ ကိုယ့်ကိုယ်ကို စမ်းသပ်ကြည့်ခဲ့ဖူးတယ်.....။ တစ်ပတ်တောင်မခံပါဘူး....။ အမှန်တိုင်းပြောရရင်..... အဲဒီပို့စ်မတင်ဖြစ်တဲ့ ရက်တွေမှာ... အက်ဆေးအတိုအစလေးတွေ ထိုင်ရေးဖြစ်နေခဲ့တာပါ ....။ ၀ါသနာ...၀ါသနာ.... လုံးဝကိုသတ်လို့မသေနိုင်တဲ့အရာ..။

ငယ်ငယ်တုန်းကမှတ်မိပါသေးတယ်....။ ငယ်ငယ်တုန်းကဆိုပေမယ့် သိပ်တော့မငယ်တော့ပါဘူး တက္ကသိုလ်စတက်နေပြီ....။ အဲဒီတုန်းက ခံစားချက်တွေနဲ့ ၀တ္ထုလိုလို ဘာလိုလို ရေးထားခဲ့ဖူးတဲ့ စာအုပ်တစ်အုပ်ကိုလည်း အမှိုက်ပုံးထဲ ပစ်ခဲ့ဖူးတယ်.....။ နောက်တော့မှ အရမ်းနှမြောမိတာ....။ အဲလို အရေးအသားတွေ ပြန်မရနိုင်တော့ဘူးလေ........။ စာစရေးဖြစ်တာ ခုနှစ်တန်းကတည်းက....။ အဲဒီတုန်းက ၀တ္ထုစာအုပ်တွေဘာတွေဖတ်နေပြီ.......။ အဖေက အဲဒီကတည်းဆုံးပါးသွားတော့....။ ဖခင်မရှိဘူးဆိုတဲ့ အားငယ်တဲ့ စိတ်က အမြဲကိန်းအောင်းနေခဲ့တာ တစ်လျှောက်လုံးပဲ ဆယ်တန်းအောင်ပြီးလို့ တက္ကသိုလ်ရောက်တဲ့ အချိန်ထိပဲ....။ တစ်ခုခုဆို သူများတွေထက် ခံစားမှုပိုပြင်းထန်တယ်....။ ဒီတော့ ကိုယ်ရင်ထဲက ဆန္ဒတွေ ပေါက်ကွဲမှုတွေကို စာအုပ်မှာချရေးရင်းကနေစခဲ့တာပါပဲ....။ ၀ါသနာဆိုတာကလဲ အထုံပါရမီပါခဲ့လို့ ယုံကြည်ပါတယ်....။ ပတ်ဝန်းကျင်ကလှုတ်ခတ်မှုနဲ့ ၀မ်းနည်းစို့နင်လာချိန်မှာဆို ကိုယ့်ရဲ့ မျက်ရည်တစ်စက်ဟာလည်း စာတစ်ပုဒ်ဖြစ်ခဲ့ဖူးတာပဲ......။

ကျမကို စိတ်ဓါတ်အင်အားမြှင့်တင်ပေးခဲ့တာလဲ စာအုပ်တွေပါပဲ....။ ဆယ်တန်းအောင်လို့ ခဏနားနေတုန်းက အစ်ကိုကြီးတစ်ယောက်နဲ့ ခင်ဖူးတယ်... သူပေးဖတ်တဲ့ မေတ္တာရှင်မလေးပေါ်လီယာနာဆိုတဲ့ စာအုပ်ကြောင့် ကျမစိတ်ဓါတ်တွေ အားပြည့်သွားခဲ့တာ....။ အဲဒီနောက် ရောနသံဇင်ရော်လို စိတ်အင်အားပေးတဲ့ စာအုပ်တွေဖတ်ဖြစ်လာတယ်....။ ဆရာဖေမြင့်ဘာသာပြန်တဲ့ chicken soup လိုစာအုပ်မျိုးတွေ ဖတ်ဖြစ်လာတယ်....။ နောက်ပိုင်း အင်္ဂလိပ်စာသင်တန်းတက်ရင်း ဗြိတိသျှစာကြည့်တိုက်မှာ အသင်းဝင်းကဒ်လုပ်ပြီး စာအုပ်အတော်များများငှားဖတ်ဖြစ်တယ်....။ ပဲခူးကလပ်နားက အမေရိကန်စာကြည့်တိုက်မှာလဲ ကဒ်လုပ်ပြီး ငှားဖြစ်တယ်...။ အဲဒီတုန်းက ကျောင်းသားဘ၀ဆိုတော့ လွတ်လပ်တာကိုး... သင်တန်းလေးတက်လိုက် စာဖတ်လိုက်ပဲ.... ။ စာဖတ်ချိန်တော်တော်ရတယ်....။ ခုနောက်ပိုင်းအလုပ်လုပ်တော့ စာဖတ်ချိန်တော်တော်နည်းသွားတယ်....။ ဘလော့ဂ်လောကထဲရောက်တော့ သူများအိမ် စာလည်ဖတ်တယ်....။ ဒါကလဲ လိုင်းကောင်းနေမှပါ...။ အစိုးမရဘူး ဘာမှ...။




ဘလော့ဂ်စရေးတုန်း
ကတော့ ကျမဘလော့ဂ်ကို မဂ္ဂဇင်းစာအုပ်တစ်အုပ်လို ကဏ္ဍတွေစုံစုံလင် ပါစေချင်ခဲ့တယ်...။ တစ်နှစ်ကျော်... နှစ်နှစ်အထိ ကျမဘာကို အားသန်သလဲဆိုတာသေချာမသိသေးဘူး.....။ ဒီလိုပဲ စမ်းတ၀ါးဝါးနဲ့ ဟိုဟာလေးတင်လိုက်... ဒီဟာလေးတင်လိုက်ပါပဲ....။ နောက်တော့... ကျမ၀ါသနာပါတဲ့ ဟင်းချက်နည်းလေးကို မျှဝေချင်တာနဲ့ simply's coral kitchen ဆိုတဲ့ လေဘယ်လ်အောက်မှာ ဟင်းအမယ်တွေ တော်တော်စုံစုံလင်လင်တင်ဖြစ်လာခဲ့တယ်.......။ မသက်ဝေနဲ့ မပန်တို့ရဲ့ အက်ဆေးအရေးအသားတွေကို ရူးသွပ်ခဲ့ရင်းက ကျမ အက်ဆေးအတိုအထွာလေးတွေ စရေးရင်း ခံစားမှုလေးတွေကို အက်ဆေးလေးတွေနဲ့ ပုံဖော်ရတာနှစ်သက်လာတယ်....။ ၀တ္ထုတိုကတော့ ကြိုကြားလေး ရေးဖြစ်ပါတယ်....။ တချို့ကတော့ ကျမရဲ့ တစ်ခါတုန်းကတို့ရွာမှာနဲ့ တစ်ခါတုန်းကတက္ကသိုလ်မှာ ဆိုတဲ့ ခေါင်းစဉ်အောက်က အကြောင်းအရာလေးတွေကို နှစ်သက်ကြတယ်ပြောပါတယ်....။ ပျော်စရာလည်းကောင်းပါတယ် ကိုယ်ငယ်ငယ်တုန်းက အကြောင်းလေးတွေ မှတ်မိသလောက်လေး မှတ်တမ်းတင်ဖြစ်တဲ့ ပို့စ်လေးတွေမို့ ကျမကိုယ်တိုင်လည်းသဘောကျတယ်...။

ဒီနှစ်ပိုင်းမှာတော့ ကျမရဲ့ဇာတ်လိုက်ကျော်လေး အိန်ဂျယ်နဲ့ပတ်သက်ပြီး လူသိများလာပါတယ်...။ ကျမရေးတဲ့စာတွေက နှလုံးသားအတွက် အဟာရဖြစ်စေမယ့် ခံစားမှုစာစုလေးတွေများတယ်...။ ခုနောက်ပိုင်းပိုပြီးတော့ ကိုယ့်ခံစားမှုကိုဦးစားပေးလာတယ်.....။ ကျမဘလော့မှာ ကျမအားသန်တဲ့ ကျမကျွမ်းကျင်ပိုင်နိုင်တဲ့ပို့စ်တွေကိုပဲတင်ဖို့စိတ်ကူးရှိတော့တယ်.......။ ငယ်စဉ်ကတည်းက lonely ဖြစ်တတ်တဲ့ ကျမက ဘလော့လောကထဲရောက်တော့လည်း သိပ်ပြီး အိမ်မလည်ဖြစ်ဘူး... ကိုယ်သိတဲ့သူတစ်ယောက်နှစ်ယောက်ဆီကိုပဲသွားဖြစ်တယ်......။ ခုနှစ်ပိုင်းကျမှသာ ဘလော့ဂါတော်တော် များများနဲ့ သိကျွမ်းရင်းနှီးလာတယ်... ။

မိုးငွေ့နှင့်အတူဆိုတဲ့ နေရာလေးတစ်ခုဖြစ်လာတာကလဲ ချစ်ခင်စွာလာရောက်အားပေးတဲ့ စာဖတ်သူများရဲ့ စိတ်အင်အားပေးမှုတွေအများကြီးပါပါတယ်...။
တကယ်တော့ ကျမတို့က ဘလော့ဂါဖြစ်သလို စာဖတ်သူတွေလည်းဖြစ်ပါတယ်....။ ကိုယ့်ဘလော့မှာ စာလည်းရေးရင်း သူများဘလော့ကစာတွေကိုလည်း လိုက်ဖတ်တဲ့ စာဖတ်ပိတ်သတ်တွေပါ....။

ဒီတစ်လလုံးကို ကျမကြိုက်တဲ့ ပို့စ်အဟောင်းလေးတွေကို ပြန်တင်သွားမယ်.....။ အက်ဆေးလေးတွေ ကဗျာလေးတွေပေါ့....။ နောက်နှစ်ဆန်းကျမှပဲ အသစ်တွေတင်ဖြစ်တော့မယ်...ပြီးတော့ အလှအပရေးရာ ဆောင်းပါးလေးတွေတင်ဦးမယ်....။
ဒီလောက်ပါပဲ ကျမပြောစရာကုန်သလောက်ရှိပြီထင်ပါတယ်.......။ အားပေးတဲ့ ချစ်ရသော စာဖတ်သူအားလုံး ဘလော့မောင်နှမအားလုံးကို ကျေးဇူးတင်ပါတယ်......။



Sweet December to You All..........





မေတ္တာအားဖြင့်
မိုးငွေ့



15 comments:

ဖြိုးမောင်မောင်(CTM) said...

ဘလော့၃ နှစ်ပြည့်ပေါ့လေ နောင်နှစ်ပေါင်းများစွာထိဆက်ရေးနိုင်ပါစေ။ :-)

မိုးငွေ့...... said...

ကျေးကျေး.......ဖြိုး.......း)

rose said...

Happy 3rd anniversary to your blog!!

ချော(အစိမ်းရောင်လွင်ပြင်) said...

မမိုး
ဘလော့က ၃နှစ်တောင် သက်တမ်းရှိပြီနော်..
စာရေးချင်တဲ့သူက ဘာဘဲဖြစ်ဖြစ် ရေးနေရရင် ပျော်နေတာဘဲလေ.. ဘာလေးဘဲဖြစ်ဖြစ် ရေးချင်နေတယ်..
ကန့်သတ်ချက်ကြီးနဲ့ ရေးရတာကိုမကြိုက်ဘူး
ခင်မင်ရသော မမိုးအတွက် ဆုတောင်းပေးပါတယ်
သုံးနှစ်ပြည့်မှသည်.. မမိုးစိတ်ဆန္ဒရှိသလောက် ပျော်ပျော်ရွှင်ရွှင် စာတွေ ဆက်ရေးသွားနိုင်ပါစေလို့ ဆုတောင်းပေးပါတယ်နော်..

Candy said...

နှစ်ပတ်လည်ပိုစ့်လေးပေါ့နော်.. ခုမှပဲ ရောက်ဖြစ်တော့တယ် မမရေ.. ခုမှ အားသွားလို့လေ.. :D

မြသွေးနီ said...

Happy Sweet Anniversary ပါမိုးငွေ့ရေ...။ စာတွေ အများကြီး ကျန်းမာချမ်းသာစွာ ဆက်ရေးနိုင်ပါစေနော်...။

မြသွေးနီ said...

Happy Sweet Anniversary ပါမိုးငွေ့ရေ...။ စာတွေ အများကြီး ကျန်းမာချမ်းသာစွာ ဆက်ရေးနိုင်ပါစေနော်...။

အင်ကြင်းသန့် said...

သုံးနှစ်ပြည့်မှသည်နောင်နှစ်ပေါင်း သုံးဆယ်မကတိုင်အောင် ပျော်ရွှင်စွာဆက်လက်ပြီး ဘလော့ဂင်းနိုင်ပါစေ မမိုးရေ.... :)


ချစ်ခင်စွာ
ဂျင်း

မီးမီးငယ် said...

Happy Sweet Anniversary...
၃ နှစ်ကနေနောက် နှစ်ပေါင်းများစွာ။
ဆက်လက်ရှင်သန်နေတဲ့၊
ဘလောက်လေးဖြစ်ပါစေနော်...။
ဟင်းချက်နည်းကနေစသိခဲ့ရတာ။
ဒေသတူ လူမျိုးသိပ်မကွဲ စားစရာတူ၊
လို့ အမြဲရောက်တယ်နော်...။
ခင်မင်တဲ့

jasmine(တောင်ကြီး) said...

မိုးငွေ့ရေးတဲ့ စာတွေဂျက်ရင်ထဲကျန်နေတာ အများကြီးပါနော်
Sweet Anniversary ပါမိုးငွေ့ရေ
နောင်နှစ်ပေါင်းများစွာစာတွေကဗျာတွေဆက်လက်ရေးနိုင်ပါစေလို့ ဆန္ဒဖြင့်
ချစ်ချစ်ခင်ခင် jasmine

ညိမ်းနိုင် said...

၃နှစ်ပြည့်ပို့စ်လေးပေါ့နော့...၊နောင်နှစ်ပေါင်းများစွာ ဘလော့ဂင်းနိုင်ပါစေဗျားးးးးးးးးးးး

သဒ္ဓါလှိုင်း said...

မမိုးရဲ့ သုံးနှစ်မြောက် ဘလော့လေးမှစပြီး အချိန်အတိုင်းအတာတခုအထိ မမိုးရဲ့ ခံစားချက်တွေကို ဖွင့်ပြပေးတဲ့ ပြတိုက်လေးတခုအဖြစ် ရပ်တည်နိုင်ပါစေ။
စိတ်ချမ်းမြေ့ပျော်ရွှင်ပါစေ မမိုး။
Happy Anniversary to your blog!
ချစ်တဲ့
သဒ္ဓါ

ကိုထွဋ် said...

၃ နှစ်မြောက်မှသည်..ရှေ့သို့ချီတက်နိုင်ပါစေ..

စည်သူ..

ချစ်ကြည်အေး said...

၃နှစ်ပြည့်မှသည် စိတ်ရှိသလောက် ခရီးရောက်နိူင်ပါစေ......

မအိမ်သူ said...

၃နှစ်တောင်ပြည့်ပြီပဲ။ နောက်ထပ်လဲ နှစ်ပေါင်းများစွာ ဆက်လက်ပြီး ဘလော့ဂင်းနိုင်ပါစေ မိုးငွေ့ရေ.. ဟိုးအရင်ကတည်းက မိုးငွေ့ရဲ့ ဘလော့ဂ်ကို ရောက်ဖြစ် ဖတ်ဖြစ်တဲ့အကြောင်းက အက်ဆေး လှလှလေးတွေကြောင့်ပါ။ ခံစားချက်နဲ့ရေးဖွဲ့တဲ့ အက်ဆေးလေးတွေကို အမြဲတမ်းဆက်ပြီး ဖွဲ့နွဲ့နိုင်ပါစေနော်...း))