မိုးငွေ့ဆိုတာ...ကော်ဖီခါးခါးအကြိုက်နဲ့ ဖက်ရှင်တအားမိုက်သူပေါ့...း)

Wednesday, 14 September 2011

အိမ်ကလေး.....




အိမ်ကလေးဆီကို ကိုယ်မရောက်ဖြစ်တာ တော်တော်ကြာသွားပြီ.....။ နှစ်နဲ့ချီနေပါပြီ....။
ခုတော့ သော့ပိတ်ခံထားတဲ့ အညိုရောင်အိမ်ကလေးက နွမ်းလျလျ.... ကိုယ်ရောက်လာတဲ့ နေ၀င်ချိန်လိမ္မော်ရောင်ခပ်မှိန်မှိန်အလင်းတန်းနဲ့ ပိုပြီး ချိနဲ့နဲ့ရှိလှတယ်....။

ဒီအိမ်ကလေးကိုဖွင့်တဲ့ သော့တစ်ချောင်းကိုယ်ဘာကြောင့်ခုချိန်ထိသိမ်းထားမိသလဲ.....။ လက်ပွေ့အိတ်ထဲကထုတ်လိုက်တဲ့ ရွှေအိုရောင်သော့တံကလေး....။
သော့ခလောက်အရောင်ကတော့ မဲညစ်ညစ်ရှိနေပြီး နှစ်ပေါင်းကြာလာသည်နှင့်အမျှ ရာသီဥတုဒဏ်ကြောင့် သော့ခလောက်ပေါက်လေးက သံချေးတွေတက်နေပြီ....။ ဖွင့်ဖို့တောင်လွယ်ပါ့မလား....။ ထင်တဲ့အတိုင်းပဲ သော့ကဘယ်လိုမှ အားစိုက်ပြီးလှည့်ဖွင့်လို့မရ....။ အိမ်နီးနားချင်းဆီက သော့ပွင့်သွားနိုင်မယ့် ကိရိယာတစ်စုံတစ်ရာတော့ ငှားရတော့မယ်....။

နောက်ဆုံးတော့ ဘေးအိမ်က အိမ်ရှင်က ပုဆိန်နဲ့ကလန့်ပြီးဖွင့်လိုက်တယ်....။ တံခါးပတ္တာလေးကိုဖျက်စီးလိုက်ရတာပါ...။ သော့ခလောက်ကတော့ တုတ်တုတ်မျှမလှုပ်...။ တံခါးကိုတွန်းဖွင့်ပြီးခြေလှမ်းလိုက်တော့.... ဖုန်နံ့နဲ့ ပိတ်ထားတာကြာပြီဖြစ်တဲ့ အောက်သိုးသိုးအနံ့က နှာဝကိုအရင်တိုးဝင်လာတော့တယ်...။ ညနေ၀င်ချိန်မို့ အလင်းကအားဖျော့ပြီး အခန်းထဲကို သဲသဲကွဲကွဲသိပ်မမြင်ရ ။ ဘာကြောင့်များကိုယ်ဒီအချိန်ကိုလာခဲ့မိပါလိမ့်...။ လာခဲ့ရခြင်းရဲ့ရည်ရွယ်ချက်ကရော...။ နံရံက မီးမိန်းခလုတ်ကိုတင်လိုက်တော့ မီးချောင်းတစ်ချောင်းလင်းလာတယ်....။ နေရာတိုင်းဖုန်တွေအလိမ်းလိမ်းနဲ့ ပင့်ကူမျှင်တွေဟိုဒီယှက်သန်းလို့....။ ကိုယ်ခြေလှမ်းလိုက်မိတာက စာကြည့်စားပွဲတစ်ခုဆီကိုပါ...။ စာအုပ်စင်လေးမှာ စာအုပ်တွေကျိုးတိုးကျဲတဲပဲရှိတော့တယ်...။ ဒါပေမယ့် ဓါတ်ပြားစက်လေးတစ်လုံးကတော့ရှိနေတယ်....။ ကြိုးကခလုတ်မှာတပ်ထားလျက်သား...။ မီးခလုတ်ကို ဖွင့်လိုက်တော့ စက်လည်သံကြားရတယ်...။ အမယ်... သူက......ဒီလောက်နှစ်တွေကြာနေတာတောင် လည်နိုင်စွမ်းသေးသားပဲ...လို့စိတ်ထဲ ကျိတ်ပြီးချီးကျူးလိုက်မိသေး....။ နောက်တော့ သီချင်းသံအေးအေးလေး ထွက်လာတယ်....။ All4One ရဲ့ I can love you like that တဲ့....။ တစ်ချိန်က သူသိပ်နှစ်သက်တဲ့ သီချင်းလေးတစ်ပုဒ်...သူအမြဲနားထောင်ပြီး ကိုယ့်ကိုဆိုပြဖူးခဲ့တဲ့ သီချင်းလေး....။ ကိုယ်ပြန်လာပြီးနားထောင်ဖို့များ ဓါတ်ပြားချပ်ကိုထည့်ထားလေသလား.....။

နောက်တော့....အဖြူရောင်အစနဲ့အုပ်ထားတဲ့ ဆက်တီထိုင်ခုံဆီကိုယ်ရောက်သွားတယ်....။ စားပွဲပေါ်မှာ သောက်လက်စဆေးလိပ်တိုတွေနဲ့ ဆေးလိပ်ပြာခွက်တစ်ခု......။ ဆက်တီပေါ်က အဖြူစလေးကိုဆွဲခွာပစ်လိုက်တော့.... မဟောဂနီရောင် ဂီတာလေးတစ်လက်ကိုတွေ့လိုက်ရတယ်...။ ဒီထိုင်ခုံပေါ်မှာ တစ်ချိန်က သူကိုယ်တိုင် ဂီတာတီးပြီး သီချင်းဆိုပြဖူးတယ်....။ သောက်လက်စ စီးကရက်ကိုနှုတ်ခမ်းမှာတေ့ပြီး သူဂီတာကြိုးညှိနေတဲ့ ဟန်ကို ကိုယ်ဘယ်လိုမှမမေ့နိုင်ပါဘူး....။ လက်ဖက်သုပ်ပန်းကန်လေးကိုင်ပြီး သူ့အနားမှာ တီတီတာတာနဲ့
“ကိုကိုညီမလေးကြိုက်တဲ့ သီချင်းတွေချည်းဆိုပြရမှာနော်”လို့ ခပ်ဆိုးဆိုးခပ်နွဲ့နွဲ့လေး သူ့ကိုချွဲနွဲ့ရတဲ့ အချိန်ကလေးကို ပြေးမြင်မိသွားတယ်.....။ ဂီတာလေးကိုပိုက်ပြီး အဲဒီထိုင်ခုံပေါ်မှာ ကိုယ်တော်တော်ကြာကြာ နှစ်မျောသွားတယ်.....။

ဂီတာလေးကိုစားပွဲပေါ်တင်လိုက်ပြိင်္း ပြန်အထမှာပဲ စားပွဲအောက်အံက ကျူးလစ်ပန်းပွင့်ပုံနဲ့ စာအုပ်လေး တစ်အုပ်ကိုတွေ့သွားတယ်...။ စာအုပ်လေးကို ဖုန်တွေဘာတွေခါလိုက်ပြီး ထိုင်ခုံမှာ ပြန်ထိုင်ဖြစ်သွားပြန်တယ်....။ ကိုယ်သိချင်တဲ့ အရာတွေဒီစာအုပ်ထဲမှာ ရှိလိမ့်မယ်လို့စိတ်ကသိနေပြီး ရင်ခုန်နေလို့လား နဖူးမှာ ချွေးတွေစို့လာတယ်.....။ စာအုပ်လေးကိုစလှန်လိုက်တော့ ပထမဆုံးစာမျက်နှာမှာ သူ့လက်ရေးခပ်သော့သော့ကိုတွေ့လိုက်ရတယ်.....။ “နတ်သမီးပုံပြင်”တဲ့.....။ နောက်တစ်ရွက်မှာတော့ သူလက်ရာခဲသားနဲ့ခြစ်ထားတဲ့ ပုံလေး.... ဆံပင်ခွေခွေတွေနဲ့ ကျောပြင်ကမြင်ရတဲ့ ကောင်မလေးတစ်ယောက်ပုံ။ နောက်တစ်ရွက်ကတော့ ဓါတ်ပုံလေးကို နှစ်ပိုင်းပိုင်းပြီးကပ်ထားတာ....။ မျက်နှာပုံလေးမှာမှ မျက်လုံးအပိုင်းကိုတစ်ပိုင်းဖြတ်ပြီး နှုတ်ခမ်းပုံကတစ်ပိုင်း....။ မျက်လုံးပုံအောက်မှာက ဒီလိုလေးရေးထားတယ်....။ “ဒီအကြည့်တွေကို ကိုယ်ဘာကြောင့်ရင်ဆိုင်ဖို့ သတ္တိမရှိခဲ့သလဲ”တဲ့.....။ နှုတ်ခမ်းပုံအောက်မှာတော့ “ကိုယ်ရစ်မူးစွဲလန်းခဲ့ဖူးတဲ့ သန္တာရောင်နှုတ်ခမ်းလေးကို ကိုယ်ဒီတစ်သက် လွမ်းနေရဦးမယ်”တဲ့...။ စာအုပ်တစ်အုပ်လုံး သူ့လက်ရာ ခဲခြစ်ပန်းချီတွေချည်းပဲ....။ နောက်ဆုံးစာမျက်နှာမှာတော့ “မင်းနောက်ဆုံးနှုတ်ဆက်လိုက်ပုံက ကိုယ့်ရင်ဘတ်တစ်ခုလုံး စုတ်ပြတ်သတ်သွားစေခဲ့တယ်... ဘာကြောင့်လဲသိလား... ကိုယ့်ရင်ဘတ်ထဲ မင်းမျက်ရည်တွေ စွန်းထင်းပေကျံ သွားလို့ပဲ.......”

စာအုပ်လေးကိုယူသွားဖို့ ကိုယ်အိတ်ထဲကိုထည့်လိုက်တယ်...။ ကိုယ့်ကို တစ်သက်လုံးဖွင့်မပြောဖြစ်ခဲ့တဲ့ သူ့ရင်ဘတ်ထဲကစကားသံကိုကြားရလိုငှားရောက်လာခဲ့တာ နောက်များကျသွားပြီလား.....။ အိုကွယ်....နောက်ကျခဲ့တာ လွန်ခဲ့တဲ့နှစ်များစွာကတည်းကပါ....။ ခုတော့လည်း သူ့ဘ၀ထဲမှာကိုယ်ဆိုတာ မြူမှုန်ကလေးတစ်စက်မျှထင်ကျန်ပါဦးမလား.......။ ချစ်စရာကောင်းတဲ့ မိသားစုအသစ်ကလေးနဲ့ သူပျော်မွေ့နေတတ်ရောပေါ့......။

ဟိုအရင်ကတော့ ဒီအိမ်ကလေးဟာ သိပ်ကိုသာယာကြည်နူးစရာကောင်းတဲ့ အ်ိမ်ကလေးတစ်အိမ်ပေါ့.....။ သံစဉ်တွေနဲ့ပြည့်နှက်နေခဲ့ဖူးတယ်....။ ရင်ခုန်သံတွေလည်းဆူညံခဲ့ဖူးတယ်....။ ခြံထဲအတူပန်းဆင်းကောက်ဖူးတယ်....။ နောက်ဖေးက စမ်းချောင်းမှာ ငါးအတူမျှားဖူးတယ်....။ စက္ကူလှေတွေအတူတူခေါက်ပြီးမျောဖူးတယ်.....။ လသာညမှာ သူ့ရင်ခွင်မှာမှေးဆက်လို့ နတ်သမီးပုံပြင်တွေနားထောင်ဖူးတယ်....။ ခုတော့လည်း အဲဒါတွေနဲ့ ဘာမှမဆိုင်သလို အိမ်ကလေးက အထီးကျန်ဆန်လျက်ကျန်ရစ်ခဲ့တယ်....။

မယ်နှိုင်း(အနှိုင်းမဲ့)တင်ထားတဲ့ I can love you like that သီချင်းလေးကိုနားထောင်ပြီး ရေးဖြစ်သွားတဲ့ အက်ဆေးလေးပါ......။

မိုးငွေ့

20 comments:

သဒ္ဓါလှိုင်း said...

အိမ်လေးကိုကြည့်ပြီး ဘာလွမ်းလို့ လွမ်းမှန်းလည်းမသိဘူးမမိုးရေ။ မမိုးကျန်းမာရေးလည်း ဂရုစိုက်နော်။
ချစ်တဲ့
သဒ္ဓါ

Nyi Linn Thit said...

နောက်ကျပြီးမှ ရောက်လာခဲ့ပြီလား-လို့ တွေးနေမိသူ တစ်ယောက်နဲ့ အိမ်ကလေးထဲကို လိုက်လာခဲ့တယ်..၊ ဖုန်တွေကို တိုးဝှေ့ရင်း ဓါတ်ပြားထဲက သီချင်းလေးကို နားထောင်တယ်..၊ ကြမ်းပြင်ပေါ်ကို ကြည့်လိုက်တော့ အလွမ်းတွေ ဖိတ်ကျနေခဲ့တာ တွေ့သွားတယ်...။

blackroze said...

အိမ်ကလေးအကြောင်းကိုဖတ်ပြီးရင်ထဲနင့်ခနဲဘဲ
မကြီးရေ
တချိန်မှာတော့ အိမ်ကလေးစီကိုရင်ခုန်သံ
အသစ်တွေ..သီချင်းသံအသစ်တွေ
ပန်းချီလက်ရာအသစ်တွေနဲ့
ပိုင်ရှင်အသစ်ကိုရောက်လာစေချင်ပါတယ်အမရယ်..

ခင်တဲ့ညီမ Blackroze

sulay said...

သီချင်းကို အက်ဆေးကောင်းတစ်ပုဒ်ဖြစ်အောင်ရေးနိုင်တယ်ဆိုတော့ နတ်သမီးပုံပြင်ထဲက နတ်သမီးဆိုတာ မိုးငွေပဲဖြစ်မယ်ထင်တယ် (P)

ချမ်းမြေ့ပါစေ
ချယ်ရီမြေ

jasmine(တောင်ကြီး) said...

လွမ်းစရာကောင်းတဲ့အိမ်လေးကိုလဲကြည့်ပြီး
တခုခုကိုတော့လွမ်းမိတယ်
ကြမ်းပြင်ပေါ်က အလွမ်းတွေ.......

ချော(အစိမ်းရောင်လွင်ပြင်) said...

မမိုးရေ
အိမ်ကလေးကြည့်ပြီး စိတ်မကောင်းဘူး
အဲဒီလို အဖြစ်အပျက်တွေ ဘယ်လောက်များများ ရှိနေမလဲ မသိဘူးနော်။
အတိတ်ဆိုတာ ရုန်းထွက်ဖို့ခက်တယ်

လင်းခေတ်ဒီနို said...

အားပါးး ကောင်းချက်ဗျာ . . အခုမှ မမီးဆီက တကယ့် အနှစ်သာရတွေ ဖတ်ရတော့တယ်း)

အင်ကြင်းသန့် said...

ဘာကိုမှ ပြင်ဆင်ခွင့်မရှိတော့တဲ့ အဲဒီလိုခံစားချက်မျိုးတွေကို ဘယ်သူ့ကိုမှ မခံစားရစေချင်ပါဘူး....မမိုးရေးထားတာလေး တကယ်ကောင်းတယ်။

ချစ်ခင်စွာ
ဂျင်း

မြသွေးနီ said...

အိမ်လေးထဲမှာ အလွမ်းတွေ တနင့်တပိုး တွေ့လိုက်ရတယ်။ မလွမ်းဘူးတဲ့သူဘယ်သူမှ မရှိကြပါဘူး..။ အလွမ်းတွေ ကူးဆက်ခြင်းခံလိုက်ရတယ်..။

မဒမ်ကိုး said...

အလွမ်းတွေထဲမှာနစ်မျောသွားလိုက်တာများ
ကိုယ်ကိုတိုင်ပါပျော်ဝင်သွားခဲ့တယ်

ချစ်တဲ့

မဒိုးကန်

ညီရဲသစ် said...

လူတွေက အတိတ်ကို ပြန်ပြန် ရောက်သွားတတ်လေ့ ရှိတယ်။ ခံစားရမယ်မှန်း သိပေမယ့် အတိတ်ကို ပြန်ပြန် တွေးနေမိတတ်တာလဲ လူတွေပါပဲလေ...
လူတိုင်းလူတိုင်း အတိတ်တခုတော့ ရှိနေတာပါပဲ..

အမှတ်တရ နေ့စွဲများ.... said...

လာရောက်ခံစားသွားပါတယ်ဗျာ

အနှိုင်းမဲ့ said...

ဒီအက်ဆေးထဲမှာ
အရောင်တွေအများကြီးတွေ့လိုက်ရတယ်။
ဒုတိယအကြိမ်မြောက်
ကောင်းသောအရောင်တွေကို
လာရောက် ခံစားခြင်းပေါ့။

ကြယ်လွမ်းသူ said...

အက်ဆေးလေးကို ဖတ်ရင်း တစ်ခုခုကို လွမ်းမောမိသလိုပဲ...အစ်မမိုးငွေ့ရေ.... :(

ခင်တဲ့(ဖိုးကြယ်)

ကြယ်လွမ်းသူ said...

အက်ဆေးလေးကိုဖတ်ရင်း လွမ်းမောရတဲ့ ရသလေးကို ရခဲ့တယ် အစ်မမိုးငွေ့ရေ..... :(

ခင်တဲ့(ဖိုးကြယ်)

မိုးငွေ့...... said...

မိုးငွေ့အက်ဆေးလေးကို လာအားပေးကြတဲ့ သူငယ်ချင်းအားလုံးကို ကျေးဇူးအများကြီးတင်ပါတယ်....။

မိုးငွေ့...... said...

မိုးငွေ့အက်ဆေးလေးကို လာအားပေးကြတဲ့ သူငယ်ချင်းအားလုံးကို ကျေးဇူးအများကြီးတင်ပါတယ်....။

မိုးငွေ့...... said...

မိုးငွေ့အက်ဆေးလေးကို လာအားပေးကြတဲ့ သူငယ်ချင်းအားလုံးကို ကျေးဇူးအများကြီးတင်ပါတယ်....။

မောင်ဘကြိုင် said...

ထူးအိမ်သင်ရဲ့ တို့နှစ်ယောက်ရဲ့အိမ်သီချင်းလေးကိုသွား သတိရမိသဗျာ့

အလင်းသစ် said...

အိမ်ဆိုရင် အမေ့အိမ်ပဲ သိသေးတယ်လေ။။ ကိုယ်တွေက လူပျိုလေးဆိုတော့လည်း ဒါမျိုးတော့ ဘယ်ခံစားတတ်ဦးမလဲလေ..နော။။