မိုးငွေ့ဆိုတာ...ကော်ဖီခါးခါးအကြိုက်နဲ့ ဖက်ရှင်တအားမိုက်သူပေါ့...း)

Monday, 22 August 2011

စူးနစ်မိုး....




ဘယ်ဘက်ရင်အုံဆီက စူးခနဲဆစ်ခနဲ ခံစားမှုနဲ့အတူ ကိုယ့်ပါးပြင်ပေါ်မှာ မိုးရေအေးစက်စက်တွေနဲ့ မျက်ရည်ပူနွေးနွေး ရောပါစီးကျသွားတယ်....။ ကိုယ်တို့ကြားမှာ မင်းမိုးပေးထားတဲ့ ထီးရိုးလေးတစ်ချောင်းပဲ ရှိတယ်.....။ ကိုယ်တို့နှစ်ယောက်နီးနီးလေးမှ တကယ့်နီးနီးကလေး....။ နီးလွန်းအားကြီးလို့ မင်းကိုမော့ကြည့်ရတာ မျက်ရည်တွေနဲ့ ၀ိုးဝါးနေတယ်...။ မိုးစက်ကျသံတွေကြား မင်းအသက်ရှုသံခပ်ပြင်းပြင်းကို ကြားနေရတယ်......။ မင်းမျက်နှာတွေအရင်လို ကြည်လင်ရှင်းသန့်နေတုန်း.......။ မင်းမျက်လုံးလေးတွေ ကြယ်တွေလိုလင်းလက်နေကြတုန်း....။ မင်းသိပ်ကြိုက်တဲ့ အဖြူရောင်ဆွတ်ဆွတ်ရှပ်အကျီင်္နဲ့ ပုဆိုးလေးဝတ်ထားတယ်....။ မင်းအဲလိုလေးဝတ်တာကို ကိုယ်သိပ်.......သဘောကျတာပဲ....။ မင်းနှုတ်ခမ်းတစ်စုံ လှုပ်ခတ်သွားတယ်........။ တစ်ခုခုပြောလိုက်တာ... ခပ်တိုးတိုးကလေးပဲ....။ သေချာမကြားရပေမယ့် မင်းနှုတ်ခမ်းလှုပ်တာကိုကြည့်ပြီး ကိုယ်သိလိုက်တယ်...။

“ဘာလို့မိုးရေထဲ တစ်ယောက်တည်းရပ်နေရတာလဲ”တဲ့.........။

ပြီးတာ့ မိုးရေစိုလို့ တစ်ချောင်းခြင်းမျက်နှာပေါ်အုပ်နေတဲ့ ဆံပင်တွေကို မင်းကသပ်တင်ပေးတယ်.....။ ကိုယ့်ဆံပင်တွေကို ဆွဲယူပြီး ......

“မ' ဆံပင်တွေ တိုသွားတယ်နော်”တဲ့.......

မိုးရေထဲမှာကြာနေပြီဖြစ်လို့ ပြာနှမ်းအေးစက်နေတဲ့ ကိုယ့်နှုတ်ခမ်းတစ်စုံပေါ် အိထွေးတဲ့ နွေးခနဲအသိနဲ့...။

“ကျနော်တို့ ကော်ဖီပူပူလေးသောက်ဖို့လိုနေပြီ...” ဆိုပြီး ကိုယ့်လက်တစ်ဖက်ကို တင်းတင်းဆုတ်ကိုင်ပြီး လှည့်ထွက်လာခဲ့တယ်....။

ကိုယ်တို့ခုနက မတ်တပ်ရပ်နေတဲ့ နေရာလေးက ကွင်းပြင်ကြီး......။ အဲဒီကနေ... သစ်ပင်စိမ်းမှောင်မှောင်တွေ ရှိတဲ့ တောအုပ်အစပ်နားထိ သွားနေကြတယ်.........။ သူကတစ်ဖက်ကထီးလေးမိုး တစ်ဖက်ကကိုယ့်ပခုံးကို သိုင်းဖက်ထားလို့ သူ့ခါးကို တင်းတင်းကျပ်ကျပ် ကိုယ်ပြန်ဖက်ထားတယ်...။ မင်းနဲ့ ဘယ်တော့မှ ပြန်မတွေ့တော့ဘူးထင်ပြီး ခုရုတ်တရက်ပြန်တွေ့တော့ မယုံနိုင်စရာကောင်းလောက်အောင် အံ့အားသင့်ပြီး ကိုယ်ပျော်လိုက်တာ အိန်ဂျယ်ရယ်... မျက်ရည်တောင်ကျမိတယ်...။

ဒီကစပြီး ကိုယ်တို့ ဘယ်တော့မှ မဝေးတော့ဘူးပေါ့နော်.......ဟုတ်လား .... အိန်ဂျယ်....။

မိုးထဲလမ်းလျှောက်ရင်း မင်းကိုယ်တိုင်ဖျော်တိုက်မယ့် ကော်ဖီပူပူတစ်ခွက်ရဲ့ အနံ့မွှေးမွှေးလေးကိုတောင် ရနေပြီ..။

စိမ်းမှောင်တဲ့ တောအုပ်ထဲကို ကိုယ်တို့နှစ်ယောက်စ၀င်လိုက်ကတည်းက ...အရာအားလုံး အမှောင်တိုက်တွေ ကြီးစိုးသွားတယ်...။ မင်းကိုလည်းမမြင်ရတော့ဘူး... ကိုယ့်ကိုယ်ကိုလဲမမြင်ရတော့ဘူး...။ အိန်ဂျယ်ရေ....လို့ ကိုယ်အော်ခေါ်ပေမယ့် ပြန်ထူးသံမကြားရဘူး......။ မိုးရေတွေရွှဲစိုလို့ လူက ၀မ်းနည်းကြောက်ရွံမှု နဲ့အတူ အေးစက်တုန်ခိုက်နေပြီ.... လက်ကိုတင်းတင်းပိုက်ထားရင် နှုတ်ခမ်းတွေလဲ တဆတ်ဆတ်တုန်လို့ မေးချင်းရိုက်နေပြီ...။


အာခေါင်တွေခြောက်ကပ်နေတယ်....။ ရေဆာလိုက်တာ........။ လက်ဖမိုးနဲ့ ပါးကိုထိမိတော့မှ ကိုယ်တွေကျစ်ကျစ်တောက် ပူနေမှန်းသိလိုက်တယ်...။ ခေါင်းရင်းက ရေဗူးကိုလက်နဲ့စမ်းယူလိုက်တယ်....။ အမှောင်ထဲမှာ ရေဗူးအဖုံလေးဖွင့်မယ် လုပ်တုန်း ကိုယ်ခဏတွေသွားတယ်...။ ခုနက အဖြစ်အပျက်တွေက အိပ်မက်........ အိပ်မက်တွေတဲ့လားးး.............။

မနေ့ညနေတုန်းက မိုးမိလို့ ကိုယ်တွေပူနေတာဖြစ်မယ်....။ မိုးကပေးတဲ့ ကိုယ့်အတွေးစတွေက အိပ်မက်ထဲထိတောင် လိုက်လာခဲ့ကြတာကိုး....။ မင်းဆိုပြနေကျသီချင်းလေးရုတ်တရက်အသံထွက်လာလို့ ကိုယ်လန့်သွားသေး....။ မနက်ခြောက်နာရီ........။ ကိုယ့်ဖုန်းနိုးစက်က အသံလေးပါ.....။

မိုးငွေ့

8 comments:

အနှိုင်းမဲ့ said...

ဘယ်လိုများ မိုးမိသွားတာလဲ
ဖျားနေရင် ဆေးသောက်...
အနားယူ..
မိုးထပ်မမိအောင်နေး)

jasmine(တောင်ကြီး) said...

မိုးမိတဲ့လူတွေများနေပြီနော်.
jas နေတဲ့နေရာလဲ ဒီနေ့ တစ်နေ့လုံးမိုးရွာနေတယ်.
အပြင်မသွားနိုင်တာနဲ့ စက်လေးဖွင့် ပြီးကြည့်လိုက်တော့
လဲ မိုးတွေပဲနော်..မိုးနဲ့အတူ လွမ်းခဲ့ဖူးတဲ့
သူတွေလဲများတယ်..
ဆေးသေချာသောက်နော်
ချစ်ခင်တဲ့jas

မဒမ်ကိုး said...

ဒီမှာနော်
ကိုရင့်ဆီကပြန်လာပြီး
မိုးတွေကြားထဲ့လွမ်းနေတဲ့ဟာကို
မမိုးငွေ့ကလုပ်ချလိုက်ပြန်ပြီ.
း(
လွမ်းပါတယ်ဆိုနေမှ လက်လာတို့တယ်တော့

ခင်တဲ့
မဒိုးကန်

Nyi Linn Thit said...

မိုးမိတဲ့အချိန်မှာ ကော်ဖီပူပူလေး တစ်ခွက်လောက် သောက်ရတာ အရမ်းအရသာ ရှိတယ်ဗျ...။

Han Kyi said...

သြော...မိုးငွေ့ကို မိုးမိတာ အအေးပတ်တတ်သေးသကိုး...မိုးငွေ့ဆိုတော့ မိုးပြီးတယ် မှတ်နေတာ...ကျန်းမာရေး ဂရုစိုက်ပေါ့လေ...ကလေးမှ မဟုတ်တော့ဘဲ မိုးရေထဲမှာ ဘောလုံးထွက်မကန်နဲ့တော့ပေါ့...ဟား ဟား

regina said...

i like all of your posts that relating to angel...

blackroze said...

မကြီးမိုးငွေ့ရေ
မိုးမိတယ်ဆိုလို့..ကျန်းမာရေးဂရုစိုက်ပါအမ
အပြင်သွားရင်ထီးဆောင်းဖို့မပျင်းနဲ့နော်..

မိုးတွေရွာနေတဲ့အချိန် ချစ်သူရဲ့ရင်ခွင်ထဲကနေ
ကိုယ်ဖတ်ချင်တဲ့စာအုပ်လေးတအုပ်ဖတ်နေရရင်
ဘယ်လောက်များကောင်းမလဲနော် မကြီး..

ချစ်တဲ့ညီမ Blackroze

ချော(အစိမ်းရောင်လွင်ပြင်) said...

မိုးတကယ်မိသွားတာလား
အိပ်မက်ဆိုတာ စိတ်စွဲလန်းရင် တကယ်လို့ကိုထင်လာမိတယ်နော်
မတွေ့ရတာထက်စာရင် အိပ်မက်ထဲတွေ့ရတာလည်း တစ်မျိုးကောင်းတယ်ပြောရမယ်နော်