မိုးငွေ့ဆိုတာ...ကော်ဖီခါးခါးအကြိုက်နဲ့ ဖက်ရှင်တအားမိုက်သူပေါ့...း)

Tuesday, 16 August 2011

လွင့်မျောနေတဲ့ မျှော်လင့်ခြင်းကွင်းပြင်....





လေနင်ရာ........ယိမ်းနွဲ့နေတဲ့ ကိုယ့်စိတ်ကလေးတွေက မင်းအတွက်ကြောင့်ပဲဖြစ်ပေါ်လာတာပါ.....အိန်ဂျယ်....။

ဟိုးးး.... အဝေးဆုံးကို ရောက်သွားလိုက်....။ နီးနီးကလေး ပြန်လာလိုက်နဲ့...... ခံစားမှုလေးက.... မျှော်လင့်ခြင်းကွင်းပြင်ကျယ်ကြီးထဲမှာ တစ်ပွင့်ချင်း လွင့်မျောနေတဲ့ ၀ါပွင့်လေးတွေလိုပဲ......။ လွမ်းမောရတာလည်း များလှပြီ....။ ပြန်လာခဲ့ဦးမလားလို့ မမေးချင်တော့ဘူး....။ အဲလိုမေးကြေးဆို... မင်းထားခဲ့တာမဟုတ်တဲ့ အတွက် ကျန်ရစ်ခဲ့သူလည်း ကိုယ်မဟုတ်ဘူး.....။

ဒီည လပြည့်ည... ။ လကို အပြည့်အ၀ အပီအပြင်မမြင်ရပါဘူး...။ မီးခိုးရင့်ရင့် တိမ်တိုက်တွေက ခဏခဏကွယ်ကွယ်ပစ်တယ်....။ ကိုယ်ကြည့်လိုက်တဲ့ အချိန် လပြည့်လက တိမ်လိတ်တွေကြား ပုန်းကွယ်လိုက်တယ်....။ ၀မ်းနည်းစွာ ကိုယ်မျက်လွှာချလိုက်တော့ ငွေချည်မျှင်မိုးဖွဲဖွဲ လမင်း အလင်းပြပြနဲ့ ကိုယ့်ကိုဖမ်းစား ညှို့ယူပြန်တယ်....။ ငယ်ငယ်က ဖတ်စာကိုပြန်သတိရလို့ ပြုံးမိသွားတယ်...။ “ညအခါ...လသာသာ... ကစားမှာလား....နားမှာလား”...။ ကိုယ်နားနေတဲ့ အချိန်မှာ လမင်းကြီးက ကိုယ့်ကိုလာကစားနေတာပါ....။ မင်းက... လမင်းကြီးထဲမှာလား အိန်ဂျယ်.......။

ဝမ်းသာလိုက်တာ အိန်ဂျယ်ရယ်.......။ မင်းဆိုပြနေကျ သီချင်းလေးကို ကိုယ်ရှာတွေ့သွားပြီ.....။ သီချင်းခေါင်းစဉ်မသိဘူး အဆိုတော်ကိုမသိဘူး...ဘယ်သူရေးသလဲ ကိုယ်မသိဘူး...။ ကိုယ်သိတာ မင်းဆိုပြတဲ့ အချိန် သီချင်းလေးက ဆွဲဆောင်နိုင်စွမ်းလွန်းလို့ နားထောင်ရင်း စီးမျောမိတယ်....။ chorus အပိုဒ်လေး နည်းနည်းဆိုပြမယ်....။

ငါဟာ... မင်းမရှိတဲ့ အဝေးမှာ .....တမ်းတနေဆဲ နာကျင်တဲ့ အလွမ်းရက် ရှည်များမှာ ..... ငါဟာ... မင်းမရှိတဲ့ အဝေးမှာ အို...တမ်းတနေဆဲ ရင်ခုန်သံများနဲ့ တစ်ယောက်ထဲပါ.... ဘယ်လိုပင်ဝေးသွားလဲ ရင်မှာအမြဲ မင်းတစ်ယောက်ကို ဖြည့်ဆည်းပေးဖို့ အသင့်ပြင်ခဲ့ .... ဟေး..ရာ... အိုး အို.....

ညပေါင်းများစွာ အဲဒီသီချင်းလေးနဲ့ ကိုယ်အိပ်စက်မယ်....။ ကိုယ့်အာရုံတွေက ဂီတာကြိုးပေါ်က ဖြူသွယ်တဲ့ အနုပညာလက်ချောင်းလေးတွေဆီ..... စုံမှိတ်ထားတဲ့ မျက်လုံးတွေဆီ...... လှပတဲ့ စကားလုံးလေးတွေကို ရွတ်ဆိုတဲ့ နှုတ်ခမ်းများဆီ...... နူးညံ့စွာလွင့်ပျံလာတဲ့ အသံများဆီ....... တေးသွားလေးနဲ့အတူ ပျော်ဝင်နေတဲ့ ရင်ခုန်သံတိုးလျလျတွေဆီ.....။

ခုတော့လဲ သံစဉ်တွေကို ရင်ခွင်မှာပိုက်.... ကိုယ့်အချစ်တွေကို တိတ်တခိုးယူဆောင်လို့ အဝေးကို ပျံသန်းသွားပြီလား....။ အတောင်ပံတွေညောင်းလို့ တစ်တောင့်တစ်နေရာမှာ နားနေလား......။ ဒါမှမဟုတ်.... ကိုယ့်လိုပဲ မျှော်လင့်ခြင်းကွင်းပြင်ကျယ်ကြီးထဲ မရေရာတဲ့ စိတ်တွေနဲ့ မျောလွင့်နေဆဲပဲလား......။

မတွေ့ရတဲ့ ရက်တွေအတွက် ကိုယ့်မေးခွန်းတွေ သိပ်များနေလိမ့်မယ်...။ မေးခွန်းတွေကများလှချည်လား ...။ တစ်ခုပြီးမှတစ်ခုမေးပါဆိုရင်....အရင်ဦးဆုံးကိုယ်မေးချင်တာကတော့...... ရိုးစင်းလွန်းလှပါတယ်..... “နေကောင်းရဲ့လား အိန်ဂျယ်”.......။ နောက်ဆက်တွဲ မေးခွန်းတွေကတော့ ကိုယ့်ရဲ့ ပထမအမေးကို မင်းပြန်ဖြေမယ့် အဖြေပေါ်မှာပဲ မူတည်ပါတယ်.....။ သေချာတာကတော့ ကိုယ်ဟာ... ရူးကြောင်ကြောင်နဲ့ တစ်ယောက်တည်းစကားပြောနေတဲ့ သူနဲ့တူနေပါလိမ့်မယ်......။ ကိုယ်လက်တွေ့မေးကြည့်ချင်ပါတယ်....။ ဒါပေမယ့် တုန့်ပြန်မှုမရှိတဲ့ အဖြေတစ်ခုကို ကိုယ်စောင့်ကြည့်ဖို့ သတ္တိမရှိဘူး....။ ခံနိုင်ရည်မရှိဘူးလို့ပြောရင် ပိုမှန်မယ်ထင်တယ်....။

မင်းရဲ့ တံခါးပေါက်ရှေ့မှာ ကိုယ်အမြဲရပ်နေတာပါ.....။ တံခါးလာဖွင့်ဖို့တော့ ကိုယ်ဘယ်တော့မှ ခေါက်မှာမဟုတ်ဘူး...။ ကံကြမ္မာက တံခါးလာဖွင့်ပေးမယ့် တစ်နေ့ကို ကိုယ်စိတ်ရှည်လက်ရှည်စောင့်နေမယ်....။ မင်း....အထဲမှာ ပုန်းနေတယ်ဆိုတာ ကိုယ်သိနေတာပဲလေ.......။ ကလေးတွေနဲ့ တူတူပုန်းတမ်း ကစားသလိုပေါ့..... သူတို့ပုန်းနေတာကို မြင်ရက်သားနဲ့ မမြင်ချင်ယောင်ဆောင်ပြီး မင်းဘယ်မှာလဲလို့ နှုတ်ကပဲရွတ်ဆို နေလိုက်မယ်....။ မင်းကိုယ်ယောင်ထွက်မပြမချင်းပေါ့....။

မိုးငွေ့

7 comments:

အနှိုင်းမဲ့ said...

မျှော်လင့်ခြင်းကွင်ပြင်ဆိုလို့...
အငဲသီချင်းများဆိုမှာလားလို့
ဖတ်ကြည့်လိုက်တော့မှပဲ သိတော့ဒယ်
လက်စသတ်တော့ မျောက်ဖြစ်ချင်နေတာကိုး :P

jasmine(တောင်ကြီး) said...

ဟုတ်တယ် အစကတော့အငဲသီချင်းထင်နေတာ
ဖတ်လိုက်မှ အင်မတန်နူးညံ့တဲ့စာသားလေးတွေ
ဖြစ်နေလို့ဖတ်ကောင်းကောင်းနဲ့
ဆက်ဖတ်လိုက်တာပါ။
ချမ်းမြေ့ပါစေရှင်။

မိုးငွေ့...... said...

ကျေးဇူးပဲမယ်နှိုင်းရေ.... မျောက်ဖြစ်ချင်တယ်ဆိုတာ သီချင်းလေးရဲ့ ခေါင်းစဉ်မှန်းသိလိုက်ရလို့...။

မဒမ်ကိုး said...

စာသားတွေအရမ်းပြောင်မြောက်တယ်ဗျိုး
ခံစားအားပေးသွားပါ၏။
ခင်တဲ့
မဒိုးကန်

အဖြူရောင်နတ်သမီး said...

ခံစားချက်စကားလုံးလေးတွေမိုက်တယ် မမိုးရေ...

ချော(အစိမ်းရောင်လွင်ပြင်) said...

စာသားတွေ ဖတ်လိုက်တာ တိုက်ဆိုင်မှု ရှိသွားသလို ခံစားလိုက်ရတယ်း)

mstint said...

လာပြီး မျှဝေခံစား အားပေးသွာပါတယ် မိုးငွေ့ရေ။
စိတ်ဓာတ်အစဉ်ကြည်လင်အေးမြပါစေနော်။

မေတ္တာဖြင့်
အန်တီတင့်