မိုးငွေ့ဆိုတာ...ကော်ဖီခါးခါးအကြိုက်နဲ့ ဖက်ရှင်တအားမိုက်သူပေါ့...း)

Monday, 11 July 2011

ဂွေးသီးငပိချက်နှင့် ဒညင်းသီးပြုတ်...


ရုံးဆင်းတော့ တရုတ်တန်းပတ်ရင်း သံဈေးနားမှာ ခရမ်းချဉ်သီးဝယ်ရင်းနဲ့ ဂွေးသီးအစိမ်းတွေ ဗန်းလိုက်ပဲတွေ့လိုက်တာ လေးလုံးလောက်ဝယ်ခဲ့လိုက်တယ်....။ အိမ်ရောက်တော့ ထမင်းစားသောက်ပြီး အိမ်မှာရှိနေတဲ့ ဒညင်းသီးဆယ်လုံးကိုမီးဖိုပေါ်တင်ထားရင်း ဂွေးသီးလေးလုံးကိုရေဆေးပြီး အခွံစနွှာလိုက်တယ်...။ ဆုံထဲထည့်ထောင်းရင် အရည်ထွက်မစိုးလို့ သဘောင်္သီးခြစ်နဲ့ အမျှင်လိုက်ခြစ်ပြီး သေးသေးလေးတွေဖြစ်အောင် ပြန်စင်းလိုက်တယ်....။ ကြက်သွန်နီလေးလုံးကို ပါးပါးလှီး ကြက်ဖြူဥတစ်လုံး လေးလုံးလောက်ကို ညက်ညက်ထောင်းထား၊ ခရမ်းချဉ်သီးသုံးလုံး ပါးပါးလှီးထား၊ ပုဇွန်ခြောက်လက်တစ်ဆုပ် နီးနီးကို ထောင်းထားတယ်....။ ဆီပူအိုးထဲကို ကြက်သွန်နီအရင်ထည့်ကြော်ပါတယ်.... နီရောင်သန်းခါနီးကျ အဖြူထည့်ကြော် နနွင်းမှုန့်နည်းနည်းနဲ့ ငရုတ်သီးအရောင်ထည့်ကြော်... ခရမ်းချဉ်သီးကို လိတ်တဲ့အထိကြော်ပြီးရင် ပုဇွန်ခြောက်ထည့် ဂွေးသီးထည့်ပြီး မွှေပါလေရော့....။ ပြီးမှ ငါးပိလက်ဖက်ရည်ဇွန်းနှစ်ကော်စာကို ရေနွေးဖျော်ပြီးထည့်.... အချို အငံ အပေါ့ အကုန်ထည့်ပြီး....ဆီပြန်လာရင် အိုကေပြီ....။ ငါးပိနံ့မွှေးမွှေးလေးနဲ့ ဂွေးသီး ငါးပိကြော်တစ်ခွက်ရပြီပေါ့ကွယ်....။ အော်....မေ့လို့ မေ့လို့ ငရုတ်သီးစိမ်းတောင့်လေးတွေအုပ်လိုက်ပါဦး...။ ထမင်းနဲ့နယ်စားတဲ့အခါ ငရုတ်သီးလေးပါကိုက်ရတော့ ပိုကောင်းပေါ့...။


ရင်ခွဲထားတဲ့ ဒညင်းသီးပြုတ်....။ မြစ်ကြီးနားဒညင်းထင်ပါ့....။ အနံ့မနံဘူး စေးပြီး တော်တော်စားကောင်းတယ်...။
တကယ်တော့ ငပိချက်ဆို သခွားသီး မုန်ညင်းရွက်ပြုတ် စတာတွေနဲ့ တို့စားတာများတယ်လေ...။ ဒီတစ်ခါတော့ ဒညင်းသီးအချိန်ဆိုတော့ တွဲပေးလိုက်တာ....။


မိုးငွေ့

8 comments:

ချော(အစိမ်းရောင်လွင်ပြင်) said...

ဘုရားရေ အနားမှာသာရှိလို့ကတော့ အကုန်စားပစ်မိမှာသေချာတယ်
ဂွေးသီးငပိချက်ကလည်းကောင်း
ဓညင်းသီးကလည်းကြိုက်မှကြိုက် ဘာပြောကောင်းမလဲနော် မထတမ်းစားမိမှာ သေချာတယ်

ပန်းချီ said...

အို..အကြိုက်ပဲ..အကြိုက်ပဲ..။ like like like X infinity times :)))

mstint said...

အန်တီ့အိမ်မှာလည်း လွန်ခဲ့တဲ့ နှစ်ရက်ကပဲ ဂွေးသီးငပိချက် ချက်စားခဲ့တယ်။ ထမင်းဖြူနဲ့ပဲ နယ်စားပြီး ပဲတောင့်ရှည် စိမ်းစိမ်းလေးရေနွေးဖျောပြီး တို့စရာအဖြစ် စားခဲ့တယ်လေ။ မြိန်ရာဟင်းကောင်းပဲနော်။

မေတ္တာဖြင့်
အန်တီတင့်

မအိမ်သူ said...

ဒီဧည့်သည်ကို အဲဒီလိုဧည့်ခံရင်တော့ ထမင်းတစ်အိုးလုံး ပြောင်သွားလိမ့်မယ် ညီမရေ.. ပြီးတော့မှ မှားပါတယ် မအော်နဲ့နော်.. :P

ချစ်ကြည်အေး said...

ဂွေးသီးငပိချက် စားချင်တယ်၊ ဒညင်းသီးတော့ စားရဲဘူး...

Angelhlaing(May everybody be happy and healthy! said...

စားချင်တာတွေ ချက်ပြနေကြတယ် ဒီမမတွေ တော်တော်ဆိုးဆိုးပဲ...:)

မဒမ်ကိုး said...

အင်းးး..ဓညင်းသီးကမတည့်သာမတည့်တယ်..
ကြိုက်တာတော့အသေပဲ..
တစ်ထိုင်တည်းတောင်...အလုံး ၃၀ ၄၀ ကုန်တယ်
အိမ်ကလူဝမ်နင်ပေးလွန်းလို့...း)

စော(အဝါရောင်မြေ) said...

ချက်ထားတာ ခုမှတွေ့ တယ်။ စားခြင်စိတ်ဖြစ်လာလို့  လုပ်နည်းလေး ဖတ်သွားတယ်။ ကျေးဇူးပဲ။