မိုးငွေ့ဆိုတာ...ကော်ဖီခါးခါးအကြိုက်နဲ့ ဖက်ရှင်တအားမိုက်သူပေါ့...း)

Monday, 4 April 2011

My Simply White....




အ၀ါရောင်စည်းကိုကျော်လာပြီးနောက်... ခြင်းတောင်းအနီလေးကို ကောက်ကိုင်ပြီး... ကိုယ်အရင်ဦးဆုံး စတွေ့ရတာက အ၀ါဖျော့ရောင် ပန်းသစ်တော်တွေ.....။ အစိမ်းရောင်နဲ့.. တောက်ပြောင်နေတဲ့ နီညိုရောင်ပန်းသီးတွေနဲ့ အ၀ါအနီကြား Gala ပန်းသီးတွေ...။ နောက် အနက်ရောင်စပျစ်သီးတွေ ချယ်ရီတိုမားတိုးတွေ...။ ခြင်းထဲကိုကောက်ထည့်မိတာက အစိမ်းရင့်ရောင်မုန်ညင်းစိမ်းတစ်စည်း...။ ညဘက်ဗိုက်ဆာရင် ခေါက်ဆွဲပြုတ်ထဲထည့်သောက်မယ်...။ အသားငါးတန်းကဖြတ်ပြီး အအေးဗူးဘက်ကို ရောက်သွားတယ်..။ ဟုတ်သားပဲ အ်ိမ်မှာ အအေးကုန်နေပြီ...။ ဂျပန်ကလာတဲ့ အနီရောင်ရဲရဲ ရှားစောင်းလက်ပတ်နဲ့ သလဲသီးဖျော်ရည်ဗူးလေးကိုကောက်ယူထည့်လိုက်တယ်...။ နောက် ... နယူးဇီလန်က အဖြူရောင်ဆွတ်ဆွတ် အဆီထုတ်ထားပြီးသား နို့တစ်ဗူး.. မေမေ့အတွက်...။ ဟင်းချက်စရာ အခြောက်အခြမ်းတန်းမှာ ၀ါရွှေရောင် ငါးဆယ်သားဆီတစ်ပုလင်း...။ မြန်မာမုန့်တန်းက ကျောက်စိမ်းရောင် ဆွမ်းမွှေးကျောက်ကျော တစ်တုံး....။ ဘာကျန်သေးလဲ....။ အင်းး ရေစစ်တစ်ခု...။ ရေစစ်ကိုဘယ်တန်းမှာ ရှာရမှန်းမသိတော့ ပန်းကန်ဆေးရည် ဆပ်ပြာတန်းဘက်ရောက်သွားတယ်...။ ဒါနဲ့ရှာမတွေ့တာနဲ့ ပြန်အထွက်မှာ လျှပ်စစ်ပစ္စည်းတန်းကို တန်းရောက်ရော...။ အသားကြိပ်စက်လေးဝယ်ဦးမှပါလို့ စိတ်ကူးပေါ်တာနဲ့ နို့စိမ်းရောင်နဲ့အဖြူ စပ်ထားတာလေးကို စက်စမ်းခိုင်းပြီးယူလိုက်တယ်...။ ရေစစ်ဘယ်ကယူရမလဲမေးတော့ ပန်းကန်တွေ ဇွန်းခရမ်းတွေရောင်းတဲ့အတန်းမှာပါတဲ့...။ ဟုတ်ပါ့ စဉ်းတုံးတွေဘေးနာမှာပဲ ဂျုံမှုန့်စစ်တဲ့ ဇကာတွေနဲ့ အတူတူထားတာ...။ အဲဒါလေးတစ်ခုရွေးယူပြီး ပိုက်ပိုက်ရှင်းတော့မယ်ဆိုပြီး ပြန်ထွက်အလာ....မျက်စိထဲကို အဖြူရောင်အလင်းတန်းကလေးတစ်ခု ၀င်လာတယ်....။ စက္ကန့်ပိုင်းလေးပဲ အဖြူရောင်လေးနဲ့ကိုယ်မျက်နှာချင်းဆိုင် ပခုံးချင်းလွှဲ တစ်ပေလောက်အလိုမှာ (သူက မုန့်လုပ်တဲ့ ပစ္စည်းတန်းထဲကိုအ၀င်)... သူရဲ့ အဖြူရောင်အကျီင်္ ဘယ်ဘက်အ်ိတ်ကပ်အပေါ်နားလေးကို ခပ်ကြီးကြီးမဟူရာကျောက် အနက်ရောင်လက်စွပ်ဝတ်ထားတဲ့ ကိုယ့်ဘယ်ဘက်လက်ညိုးလေးနဲ့ “ဟိတ်”ဆိုပြီး တို့ထိလိုက်တယ်....။ သူလှည့်ကြည့်ပြီး အံ့အားသင့်သွားတဲ့ သူ့မျက်လုံးဆီက ဖြာထွက်လာတဲ့အလင်းတွေရဲ့ ကွန့်မြူးမှုက ကိုယ့်မျက်ဝန်းဆီကိုတောင် ကူးစက်သွားသလား လို့ထင်ရတယ်...။ ထုံးစံအတိုင်း သူ့အပြုံးကြည်ကြည်လေးပါတွဲလျက်ပေါ့....။ အဲဒီနေ့ကျမှ ကိုယ့်က သူမြင်ဖူးနေကျပုံစံမျိုးမဟုတ်ဘဲ ဘုရားကအပြန် အနက်ရောက်ရင်ဖုံးလက်တိုနဲ့ ပန်းဖျော့ရောင်အခံမှာ အနက်ရောင်အစက်ပျောက်ကလေးတွေ ပါတဲ့လုံချည်နဲ့ ပြီးတော့ သနားခါးပါးကွက်နဲ့လေ....။ ချွေးတွေနဲ့မို့ ပါးပြင်က သနားခါးပါးကွက်လည်း အသားထဲပျောက်လုနေလောက်ပြီ...။ နောက်ပြီး ဆံပင်အတိုညှပ်ပြီး သရေကွင်းနဲ့ နှစ်ဆင့်စည်းထားတော့ သူ့အမြင်မှာ ကိုယ်ဟာ အထူးအဆန်းဖြစ်နေလိမ့်မယ်...။ ခုတစ်ခါ... ကိုယ်တို့ဆုံတော့လဲ အဖြူရောင်လေးဟာ အဖြူရောင်အကျီင်္လေးနဲ့ပါပဲ.....။ “ကျွန်တော်က အဖြူရောင်ဆိုသိပ်ကြိုက်တာ”လို့ သူပြောပြဖူးတာကို မှတ်မိနေတယ်...။ “ဒါပေမယ့် ကျွန်တော့်ဘ၀က လွန်ခဲ့တဲ့ သုံးနှစ်ကတည်းက အဖြူရောင် မဟုတ်တော့ပါဘူး”တဲ့...။ အဲဒါ...ဘာအဓိပ္ပါယ်လဲ ?? ဟင့်အင်းး ကိုယ်မစပ်စုချင်ပါဘူး....။ အဖြူရောင်ဟာ ကိုယ့်အတွက် အမြဲတမ်းအဖြူရောင်ဖြစ်နေရင်ပြီးတာပါပဲ....။ သူနဲ့စကားပြောနေရင်း ခြင်းတောင်းလေးနဲ့ ကောင်တာကိုလှမ်းကြည့်တော့ သူက“ပြန်တော့မလို့်လား”တဲ့...။ အင်းး ဟုတ်တယ်လို့ပဲဖြေခဲ့လိုက်တယ်...။ တကယ်ဆို.... အဖြူရောင်လေးနဲ့အတူ ဈေးကူဝယ်ပေးရမှာ ပြီးရင် ကိုယ်တို့ အောက်ထပ်မှာ ကော်ဖီအတူသောက်ရင်းနဲ့လည်း စကားပြောလို့ရသေးသားပဲ...လို့စိတ်ကူးမိပေမယ့်...ကိုယ့်စိတ်ကူးတွေကို အကောင်ထည်ဖော်ခွင့်မပြုလိုက်ပါဘူး....။ အဖြူရောင်နဲ့ပတ်သက်လာရင် ကိုယ်ဟာ စည်းဘောင်ထဲမှာ အမြဲရှိနေရမယ့်သူပဲလေ.......။ ၀ယ်ထားသမျှကို ငွေရှင်းဖို့ကောင်တာမှာတန်းစီးနေတုန်း အဖြူရောင်လေးကို ကိုယ်လည်ပြန်ရှာကြည့်မိသေးတယ်....။ အရောင်စုံတွေကြားထဲမှာ ရိုးစင်းတဲ့အဖြူရောင်လေး ပျောက်ကွယ်မသွားပါဘူး....။ သူ....ကိုယ့်မြင်ကွင်းထဲကနေ ခေတ္တခဏထွက်သွားခဲ့တာပါ.....။ လေးလံနေတဲ့ စိတ်နဲ့ ၀ယ်ထားတဲ့ ပစ္စည်းတွေအတွက် ငွေထုတ်ရှင်းလိုက်တယ်....။ အဲဒီနောက် အ၀ါရောင်စည်းပြင်ဘက်ကို ကိုယ်ထွက်ခဲ့ လိုက်တော့တယ်..။



မိုးငွေ့

2 comments:

Angelhlaing(May everybody be happy and healthy! said...

ချစ်ခြင်းမျာ ချစ်နေရတာပဲ ကျေနပ်မှု တွေရှိနေတက်ပြန်အောင်
အချစ်က ဆန်းကြယ်တယ်တဲ့..လေ..
ခံစားအားပေးသါားလျှက်..
ကောင်းသောနေ့လေးဖြစ်ပါစေ..

သက်ဝေ said...

ချစ်စရာ အရောင်စုံ အက်ဆေးလေး...း))