မိုးငွေ့ဆိုတာ...ကော်ဖီခါးခါးအကြိုက်နဲ့ ဖက်ရှင်တအားမိုက်သူပေါ့...း)

Tuesday, 16 November 2010

နိုဝင်ဘာမိုး...



ဘုရားရေ!!!! နေပူကျဲတောက်ကြီးမှာ...မိုးတွေ
ရွာချလိုက်ပြီ......။


ရာသီဥတုက သာသာယာယာရယ်....။ ထီးကိုင်ပျင်းတဲ့ ကိုယ့်အတွက်...ဒီနေလောက်တော့ အပူခံပြီးတော့ကို လမ်းလျှောက်နေတာ...။ ထီးမပါတော့ခုလို ရုတ်တရက် မိုးရွာချလိုက်တာတော့ မတတ်နိုင်...။ ကိုယ်ရောက်နေတဲ့ နေရာကလဲ မိုးခိုဖို့ရာဘာမှရှိတဲ့ ဟယ်လ်ပင်လမ်းထဲမှာ....။ ကိုယ်အလှူသွားလှူနေကျ မိဘမဲ့ကျောင်းက ကလေးတစ်ယောက်ဆေးရုံတက်လို့ လာကြည့်တာ... အပြန်ကားမငှားချင်လို့... လမ်းလျှောက်ချင်လို့ကို လျှောက်တာပါဆိုခါမှ...။ တကယ်တော့...ကိုယ်.. ခရေပင်လမ်းကို ဖြတ်လျှောက်ချင်ခဲ့တဲ့ ရည်ရွယ်ချက်လဲ ပါပါတယ်...။ ခရေပင်လမ်းမရောက်ခင်လေးမှာပဲ မိုးကရွာချလိုက်တာ...။ မိုးက တစ်ပေါက်နှစ်ပေါက်ဖွဲဖွဲ လေးတောင် မဟုတ်ဘူးဆရာ... ၀ုန်းဒိုင်းကိုကျဲပစ်တော့တာ...။ ခရေပင်လမ်းထဲ ကိုယ်ခပ်သုတ်သုတ် ၀င်လိုက်တော့...... အိုးးး... လှလိုက်တာ...ခရေပင်တွေ ဟိုတစ်ဘက်ဒီတစ်ဘက် ကိုင်းယှက်လို့ ခပ်အုပ်အုပ်ကလေးမှာ မိုးပွင့်ဇာပုဝါးလေးချထားသလိုပဲ...။ ခရေပန်းကောက်တဲ့ ကလေးတွေလဲ အများကြီးပဲ...။ အရင်လို ခြံရှေ့တွေမှာ ကားတွေမရပ်တော့လို့တော်သေးတယ်...။ မထူးဘူး...မိုးစိုလက်စနဲ့တော့ ကလေးတွေနဲ့အတူဝင်ပြီး ခရေပန်းဝင်ကောက်လိုက်ဦးမှပါ..။ ဘောင်းဘီတို စွတ်ကျယ်လေးနဲ့ အသားညိုညိုတုတ်တုတ်နဲ့ အသက်ခုနှစ်နှစ်အရွယ်ကောင်လေးက “မမပန်ဖို့ကောက်တာလား...ရော့ သားဆီကယူ” တဲ့...။ အမယ်မယ်.... ကလေးလေးက ကို်ယ်မွေးရင် ကိုယ့်သားတောင်သူ့ထက်ကြီးဦးမယ်...သူက အန်တီအရွယ်ကိုယ့်ကိုများ မမဆိုပဲ..။ အဟဲ... ခပ်မြောက်မြောက်တော့ မဖြစ်တော့ပါဘူး... ကိုယ့်အခြေအနေ ကိုယ်အသိဆုံး...။ သူတို့က ဒီပန်းတွေကို မိုးစိုခံပြီးကောက်... သီကုံးပြီး ပြန်ရောင်းရမှာ...။ တစ်နေ့ကို ဘယ်နှစ်ကုံးရလဲဆိုတော့ သုံးဆယ်ကနေ ငါးဆယ်ထိရတယ်တဲ့...။ ဒါပေမယ့် ပြန်ရောင်းရတာ ပိုပင်ပန်းတယ်တဲ့...။ ဟုတ်မှာပါ... သူတို့လေးတွေ ကားလမ်းမမှာ... မီးပွိုင့်မှာရပ်တဲ့ ကားတွေဆီ အပြေးရောင်းကြရတာ..။ ကားဆယ်စီးမှာ တစ်စီးဝယ်ဖို့က မသေချာ...။ ကံကောင်းလို့ လက်ထဲရှိတဲ့ ပန်းတွေအကုန် ၀ယ်သွားမယ့် ၀ယ်သူဆိုတာကလဲ တစ်လလုံးနေမှ တစ်ယောက်နှစ်ယောက်ပေါ်လာဦးမှလေ...။ ပါးစပ်ကလဲ အာပေါက်အောင် တတွတ်တွတ်နဲ့ရွတ်ပြီးရောင်းရသေး...။ ဘ၀လေးပေးအခြေအနေအရ သူတို့လေးတွေခင်ဗျာ မိလရှိလျက် မရှိလျက်နဲ့လဲ ကိုယ့်ဝမ်းကိုယ်ကျောင်းနေကြရရှာတာပါ...။

မိုးရေစိုစိုနဲ့ ကိုယ်သူတို့နဲ့အတူ ပန်းတွေ တော်တော်များများကောက်နိုင်ခဲ့တယ်...။ တစ်ခါတည်း ပန်းတွေကို ကူပြီးသီကုံးပေးလိုက်တယ်...။ မျှင်ထားပြီးစားနှီးတွေနဲ့ ခရေပန်းပွင့်လေးတွေကို တစ်ပွင့်ချင်း တစ်ပွင့်ချင်းဆီ သီကုံးရတဲ့အရသာက ကဗျာတစ်ပုဒ် စပ်ရသလိုပဲ...။ စုစုပေါင်း အကုံးသုံးဆယ်လောက်ပြီးသွားတယ်..။ အဲဒီချိန်မှာ မိုးက ခပ်ဖွဲဖွဲပဲရွာတော့တယ်...။ နိုဝင်လာလကြီးထဲမှာ ဆောင်းအ၀င်ရွာတဲ့ မိုးက တစ်နာရီနီးပါးလောက်ကြာတယ်...။ ကလေးဆီက ခရေပန်းဆယ့်ငါးကုံးကို ကိုယ်ငွေနှစ်ထောင်ပေးပြီးဝယ်လာလိုက်တယ်..။ တန်ဖိုးက နှစ်ထောင်မရှိပေမယ့် တမင်မုန့်ဖိုးအဖြစ်နဲ့ပေးခဲ့လိုက်တာ...။ “မမနောက်နေ့အားရင်လဲ သားတို့နဲ့ ပန်းလာကောက်ဦးနော်”တဲ့...။ သူတို့လေးတွေကို လက်ပြနှုတ်ဆက်ပြီး ခရေပင်လမ်းကအထွက် အလုံလမ်းမဘက်ရောက်တော့ လမ်းမကြီးက စိုထိုင်းပြီး... ကောင်းကင်ကြီးက မီးခိုးရင့်ရောင်သန်းနေတယ်..။ နာရီကြည့်လိုက်တော့...ငါးနာရီထိုးနေပြီ..။ ဒီကလပဲ ကားငှားစီးမှ ဖြစ်တော့မယ်...။ ကိုယ့်ကိုယ်ကို ပြန်ငုံ့ကြည့်မိတော့... မိုးရေတွေနဲ့စိုကပ်နေပြီ...။ တော်ပါသေးရဲ့ ဂျင်းပင်နဲ့ ရှပ်ဝတ်လာမိလို့...။ လုံချည်နဲ့သာဆို သေပြီဆရာပဲ...။ နံ့သာရောင် all star ဖိနပ်လေးလဲ ရွှံ့တွေပေကျံလို့...။ လွယ်အိတ်ကမိုးကာသားနဲ့မို့... အထဲက ပစ္စည်းတွေရေမစို...။ ဖြတ်သွားသမျှကားတွေကလဲ... ကိုယ့်ကိုကွက်ကြည့်ကွက်ကြည့်လုပ်သွားကြတယ်...။ ဘာလဲ ဒီခေတ်ကြီးထဲမှာမိုးရေစိုတဲ့သူကို မမြင်ဖူးကြဘူးလား.....။
--> ကိုယ်မတားဘဲနဲ့ ပါရမီtaxi တစ်စီး ကိုယ့်နားထိုးရပ်လာတယ်....။ “အမ ဘယ်သွားမလဲဗျ”....။ ကိုယ်ကြောင်နနနဲ့ ပြန်မဖြေဘဲ...သူ့ကိုကြည့်လိုက် သူ့ကားကိုကြည့်လိုက်လုပ်နေတာ...။ အမယ်... ကားကလဲ သန့်ပြန့်... ကားမောင်းသူကလဲ taxi မောင်းသမားနဲ့မတူဘဲ.... လန်းနေပုံများ စပို့ရှပ်ဖြူဆွတ်ဆွတ်ကို ကော်လံထောင် ထားသေးတယ်...။ လူကလဲ ရည်ရည်မွန်မွန် အသက်အစိတ်အရွယ်ကလေးပါ...။ ကားအထဲကိုလှမ်းကြည့်တော့ အညိုနုရောင်ရှမွိုင်းနဲ့ ကိုယ့်အ၀တ်စိုစိုနဲ့တော့ နောက်ထပ်လာစီးမယ့်သူတွေ မေတ္တာပို့လိမ့်မယ်....။ “ဟို....နေပါစေတော့ မငှားတော့ဘူး အားနာတယ် ထိုင်ခုံတွေစိုကုန်မှာ...” ဆိုတော့....။ “ရပါတယ်ဗျ... ကျနော် အမထိုင်မယ့်နေရာကို မိုးကာခင်းပေးပါ့မယ်... ဘယ်လိုက်ပို့ပေးရမလဲ...”...။ ရော်....ဇွတ်ပဲနော်.....။ အင်းလေ...ဒါ customer ရဖို့ပြောရတာ သူ့အလုပ်ပဲလေ...။ အိုကေ ဒါဆိုလဲ စီးမယ်ဆိုပြီး လိပ်စာပြောလိုက်တော့...အော်... သိပ်မဝေးဘူးဘဲတဲ့....။ သူက ကားပေါ်ကဆင်းပြီး ကိုယ်ထိုင်မယ့်နေရာကို သူ့မိုးကာအကျီင်္ခင်းပေးတယ်....။ ကိုယ်တွန့်ဆုတ်ဆုတ် လုပ်နေတော့ “အမ အားမနာနဲ့ထိုင်လို့ရတယ်...” ။ “ကျနော်လေအေးစက် ပိတ်ထားလိုက်မယ်နော် အမက မိုးစိုနေတော့လေ...” တော်သေးရဲ့ ကားမောင်းသူက လမ်းတစ်လျှောက်စကားမပြောတော့လို့....။ ကားစီးလို့ အဲလို ဟိုမေးဒီမေး လိုက်စပ်စုရင်သိပ်မုန်းတယ်....။ အိမ်ရှေ့ရောက်တာ့ ကားခတစ်ထောင်ထုတ်ပေး လိုက်တယ်....။ “အမ....ချက်ချင်းရေမိုးချိုးပြီး နွေးနွေးထွေးထွေး နေလိုက်နော် မဟုတ်ရင် ဖျားသွားလိမ့်မယ်” ကိုယ်...ခေါင်းပဲညိတ်ပြလိုက်တယ်...။ ကျေးဇူးလို့တော့ နှုတ်ကထွက်မသွားပေမယ့် စိတ်ထဲက ပြောလိုက်မိပါတယ်..။ ဒါဟာ ကားမောင်းသမားတစ်ယောက်ရဲ့ After Sale Service ပဲ....။ ဒီလို ဖော်ရွေပြီး ကားကလဲ သန့်ပြန့် လေအေးစက်နဲ့ဆိုတော့ စီးရတာနဲ့ ပေးရတာ ထိုက်တန်ပါတယ်...။

အိမ်ပေါ်တက်ခါနီး လက်ထဲကိုင်ထားတဲ့ ခရေပန်းကုံးလေးကို ကိုင်မြောက်ကြည့်ပြီး ကိုယ်တစ်ချက်ပြုံး လိုက်တယ်...။ ကိုယ့်အပြုံးကိုသာတစ်စုံတစ်ယောက် မြင်ခဲ့ရင် ကဗျာဆန်လိုက်တာလို့ မှတ်ချက်ချမှာ သေချာတယ်....။မှတ်ချက်။ ။ တိုက်တိုက်ဆိုင်ဆိုင် ဒီပို့စ်လေးတင်နေတုန်းမှာပဲ မိုးတွေရွာချလာတယ် ....အချိန်က ညနေ ငါးနာရီဆယ်မိနစ်...

မိုးငွေ့


11 comments:

အဖြူရောင်နတ်သမီး said...

ဆက်ရေးပါဗျို့...

SHWE ZIN U said...

အမယ် ဆက်ရန်မျှော်သူကလည်း ရှိသေးတယ်ဗျ ဘာတွေ များ ဆက် ဖတ်ချင်နေပါလိမ့် အဟဲ

ညီမ ရေ မိုးရေ ထဲမှာ ခရေပန်းတွေ အများကြီးနဲ့ ဘယ်လောက်များမွှေးမလည်း

ခင်မင်စွာဖြင့်
ရွှေစင်ဦး

မောင်လေး said...

အင်း...ဆက်ရန်ရှိသေးသလိုပဲ...။

ဆူးသစ် said...

ဝတ္ထုတိုဆိုရင်တော့ ဇာတ်သိမ်းဖို့တော့ လိုဦးမယ် ထင်တယ်။ ကျွန်တော့် အထင်ပြောရရင် အက်ဆေးဘက်များ ပိုနွယ်နေသလားလို့။ ဆရာလုပ်တာမဟုတ်ပါဘူး။ ထင်တာပြောတာပါ။ စကားပြေနိုင်တဲ့အတွက် ဖတ်ရတာ ကောင်းပါတယ်။

ချစ်ကြည်အေး said...

အခုမှ စတာ ဟုတ်ဖူးလား...ဇာတ်လမ်းက တန်းလန်းကြီးဟ :)

ကြယ်လွမ်းသူ said...

အင်....အစ်မမိုးငွေ့ ဘာတွေဆက်ဖြစ်ကြမှာလဲဟင်င်င်င်င်း) နေရာအနေအထားလေးတွေရဲ့ အဖွဲ့လေးတွေကို သဘောကျတယ် :)

ခင်တဲ့(ဖိုးကြယ်)

Khinmarlaraung said...

“အိမ်ပေါ်တက်ခါနီး လက်ထဲကိုင်ထားတဲ့ ခရေပန်းကုံးလေးကို ကိုင်မြောက်ကြည့်ပြီး ကိုယ်တစ်ချက်ပြုံး လိုက်တယ်...။ ကိုယ့်အပြုံးကိုသာတစ်စုံတစ်ယောက် မြင်ခဲ့ရင် ကဗျာဆန်လိုက်တာလို့ မှတ်ချက်ချမှာ သေချာတယ်....။”

ဒီစာပိုဒ်လေးဖတ်ပြီး ကဗျာဆန်စွာ ပြုံးနေမဲ့
တစ်စုံတစ်ယောက်ကို မြင်ရောင်ရင်း စာဖတ်သူလဲ
ပြုံးသွားပါတယ်။ :)
ခရေနံ့ သင်းသင်းလေး မှန်းရောင် ရှူရင်း...:)
ခင်မင်လျှက်...ခင်မာလာအောင်..:)

ချော(အစိမ်းရောင်လွင်ပြင်) said...

ကားထဲမှာလည်း ခရေနံ့လေးက သင်းပျံ့ပြီးကျန်ခဲ့မှာနော်..
လူသန့်သန့် ကားသန့်သန့် ခရေနံ့သင်းပျံ့ပျံ့ပေါ့..
အမလေး ကဗျာဆန်လိုက်တာ
အဲဒီကားဆရာ တွေ့ချင်လာပြီး))

မိုးငွေ့...... said...

နိုဝင်ဘာမိုး”လာဖတ်သူအားလုံးကို ကျေးဇူးတင်ပါတယ် ဆူးသစ်ပြောတာမှန်ပါတယ်... တကယ်တော့ ကျမအက်ဆေးတစ်ပုဒ်ရေးထားတာ တင်လိုက်တော့ လေဘယ်ထိုးတာမှားသွားတာပါ...ခွင့်လွှတ်ပေးကြပါ...။ဇာတ်လမ်းက တန်းလန်းမဟုတ်ပါဘူး...ကျမတကယ်ပြချင်တာက မိုးရယ်...ခရေပန်းရယ်ပါပဲ...ကားဆရာကအဓိကမကျပါဘူး..။ဘာဆက်ဖြစ်မှာလဲလို့ သိချင်နေကြတဲ့ နတ်သမီး မောင်လေး အမချစ်နဲ့ ကြယ်လွမ်းသူတို့ရေ.......ဆက်ရန်မရှိကြောင်းသတင်းကောင်းပါလိုက်ပါတယ်ရှင်....။

ခင်တဲ့
မိုးငွေ့

blackroze said...

မကြီးေ၇..အဆက်လေး
စိတ်ကူးယဉ်ပြီးဘဲဖြစ်ဖြစ်ရေးလိုက်စမ်းပါ
ညီမစိတ်ထဲဖတ်လိုက်ရတာ
ကလိကလိဖြစ်နေလို့...

~ဏီလင်းညို~ said...

မရောက်တာကြာလို့ စာဟောင်းလေးတွေပြန်ဖတ်ရင်း........ဒီပို့စ်လေးဖတ်မိသွားတယ်....။
ကြိုက်တယ်မမိုး.....။ တစ်ကယ်.....။
များများရေးဖြစ်ဖို့ပဲတိုက်တွန်းချင်တော့တယ်.....


ခင်မင်ခြင်းအားဖြင့်....
ဏီလင်းညို